updated on:2017-01-11 06:50 PM
കാഞ്ഞങ്ങാട് വീരമാരുതി ജിംനേഷ്യത്തിന് ഓവറോള്‍ കിരീടം

www.utharadesam.com 2017-01-11 06:50 PM,
കാസര്‍കോട്: ജില്ലാ ബോഡി ബില്‍ഡിംഗ് അസോസിയേഷന്റെ ആഭിമുഖ്യത്തില്‍ കാസര്‍കോട് നടന്ന 29- ാമത് ജില്ലാ ശരീര സൗന്ദര്യ മത്സരത്തില്‍ 40 പോയിന്റ് നേടി കാഞ്ഞങ്ങാട് വീരമാരുതി ജിംനേഷ്യം ഓവറോള്‍ കിരീടം നേടി. 36 പോയിന്റുമായി കാസര്‍കോട് പവര്‍ ജിം രണ്ടാം സ്ഥാനത്തും 24 പോയിന്റുമായി ലൈഫ് ലൈന്‍ മൂലക്കണ്ടം മൂന്നാം സ്ഥനത്തുമെത്തി. കാസര്‍കോട് പവര്‍ ജിംനേഷ്യത്തിലെ എം. അബ്ദുള്‍ നവാസ്, മിസ്റ്റര്‍ കാസര്‍കോടായി. പാലക്കുന്ന് ഫിറ്റ്‌നസ് ക്ലബ്ബിലെ ലതീഷ് ലാല്‍ ജൂനിയര്‍ മിസ്റ്റര്‍ കാസര്‍കോടും, ഫിറ്റ്‌നസ് ക്ലബ്ബിലെ തന്നെ മുഹമ്മദ് റബീഹ് ഷാന്‍ ബിന്‍ സബ് ജൂനിയര്‍ മിസ്റ്റര്‍ പട്ടവും കരസ്ഥമാക്കി. സംസ്ഥാനത്തെ 14 ജില്ലകളില്‍ നിന്നുമായി തിരഞ്ഞെടുത്ത 100ല്‍പരം ബോഡിബില്‍ഡേഴ്‌സ് പങ്കെടുത്ത ഓപ്പണ്‍ മിസ്റ്റര്‍ കേരള മത്സരത്തില്‍ മലപ്പുറം ജില്ലയിലെ ഷിഹാബുദ്ദീന്‍ 25,000 രൂപയും ട്രോഫിയും നേടി ഓപ്പണ്‍മിസ്റ്റര്‍ കേരള ചാമ്പ്യനായി.
ചാമ്പ്യന്‍ ഷിപ്പിന്റെ ഉദ്ഘാടനം അസോസിയേഷന്‍ പ്രസിഡണ്ട് പളളം നാരായണന്റെ അധ്യക്ഷതയില്‍ എന്‍.എ. നെല്ലിക്കുന്ന് എം.എല്‍.എ. നിര്‍വ്വഹിച്ചു.
ജില്ലാ കലക്ടര്‍ ജീവന്‍ബാബു മുഖ്യാതിഥിയായിരുന്നു.
കാസര്‍കോട് നഗരസഭാകൗണ്‍സിലര്‍മാരായ ദിനേശ്, പി.രമേശ്, സ്‌പോര്‍ട്‌സ് കൗണ്‍സില്‍ മുന്‍ പ്രസിഡണ്ട് എം. അച്ചുതന്‍, കെ.മൊയ്തീന്‍ കുട്ടി ഹാജി, കരുണാകരന്‍ മംഗലാപുരം, ടി.എ. ഷാഫി, വി.കെ. അനില്‍കുമാര്‍, വി.എം. ബഷീര്‍ സംബന്ധിച്ചു. എന്‍.എ. നെല്ലിക്കുന്ന് എം.എല്‍.എ., ലേറ്റസ്റ്റ് പത്രാധിപര്‍ അരവിന്ദ് മാണിക്കോത്ത്, ലോക പഞ്ചഗുസ്തി ചാമ്പ്യന്‍ എം.വി.പ്രദീഷ് എന്നിവര്‍ സമ്മാന ദാനം നിര്‍വ്വഹിച്ചു. അസോസിയേഷന്‍ ജില്ലാ സെക്രട്ടി എം.ഉദയകുമാര്‍ സ്വാഗതവും സുരേഷ് കുമാര്‍ കെ.വി. നന്ദിയും പറഞ്ഞു.



Recent News
  പീഡനത്തില്‍ പ്രതിഷേധിച്ച് പ്രതിരോധ സംഗമം

  നുള്ളിപ്പാടി ക്രിക്കറ്റ് പ്രീമിയര്‍ ലീഗ് മെയ് 12ന്

  ബഹ്‌റൈന്‍ കെ.എം.സി.സിയുടെ തണലില്‍ സൈനുദ്ദീന്റെ വീടെന്ന സ്വപ്നം പൂവണിഞ്ഞു

  റമദാന്‍ 25-ാം രാവില്‍ സഅദിയ്യയില്‍ പ്രാര്‍ത്ഥനാ സമ്മേളനം; സ്വാഗത സംഘം രൂപീകരിച്ചു

  രാജ്യത്ത് സ്ത്രീകള്‍ക്കും കുട്ടികള്‍ക്കുമെതിരെ നടക്കുന്ന കാര്യങ്ങള്‍ ഭീതിയുണര്‍ത്തുന്നവ-ശാന്തമ്മ ഫിലിപ്പ്

  ജനപ്രതിനിധികളുടെ താല്‍പര്യക്കുറവ് മാപ്പിള കലാകേന്ദ്രം മൊഗ്രാലിന് നഷ്ടപ്പെടാന്‍ കാരണമായി -സി.പി.എം

  പരാതികള്‍ അന്വേഷിക്കുന്ന പൊലീസ് പിന്നീട് തിരിഞ്ഞുനോക്കുന്നില്ല; പരിഹാരമില്ലാതെ വയോജനങ്ങളുടെ പ്രശ്‌നങ്ങള്‍

  സി.പി.ഐ പാര്‍ട്ടി കോണ്‍ഗ്രസ്; പതാക ജാഥക്ക് കയ്യൂരില്‍ തുടക്കം

  ഡോ. സജേഷ് പി. തോമസിന് മേരിക്യൂറി അവാര്‍ഡ്

  പഴയകാല സഹപാഠികള്‍ 15 ലക്ഷം രൂപയുടെ പ്രൊജക്ട് ബെദിര പി.ടി.എം സ്‌കൂളിന് സമര്‍പ്പിച്ചു

  അണ്ടര്‍-19 ജില്ലാ ടീമിനെ അഭിജിത് നയിക്കും

  ജില്ലാ ഫുട്‌ബോള്‍ ചാമ്പ്യന്‍ഷിപ്പിന് തുടക്കമായി

  ഇശല്‍ ഗ്രാമത്തിന്റെ യശസ്സുയര്‍ത്തിയ പ്രതിഭകള്‍ക്ക് ആദരം

  സമാധാന സന്ദേശവുമായി ജെ.സി.ഐ കാസര്‍കോടിന്റെ സൈക്കിള്‍ റാലി 19ന്

  ദശവാര്‍ഷികാഘോഷവും അവാര്‍ഡ് ദാനവും നാളെ