updated on:2017-08-13 06:17 PM
മദ്യവില്‍പനശാലയ്‌ക്കെതിരെ രാപ്പകല്‍ സമരം അഞ്ചാം ദിവസം; സമരപ്പന്തലില്‍ ആവേശം പകര്‍ന്ന് പി.ടി.തോമസ് എം.എല്‍.എ എത്തി

www.utharadesam.com 2017-08-13 06:17 PM,
പൊയിനാച്ചി: പറമ്പില്‍ ആരംഭിക്കുന്ന ബിവറേജസ് കോര്‍പ്പറേഷന്റെ വിദേശമദ്യശാലയ്‌ക്കെതിരെ നാട്ടുകാര്‍ നടത്തുന്ന രാപ്പകല്‍ സമരം അഞ്ചാം ദിവസത്തിലേക്ക് കടന്നു. സമരക്കാര്‍ക്ക് പിന്തുണയുമായി മാനവമൈത്രി സംസ്ഥാന ചെയര്‍മാനും എം.എല്‍.എയുമായ പി.ടി. തോമസ് സമരപ്പന്തലിലെത്തി സമരക്കാര്‍ക്ക് അഭിവാദ്യമര്‍പ്പിച്ച് സംസാരിച്ചു.
രാവിലെ സമരപ്പന്തലില്‍ എത്തിയ പി.ടി. തോമസിനെ ഡി.സി.സി പ്രസിഡണ്ട് ഹക്കീം കുന്നില്‍, ജനറല്‍ സെക്രട്ടറി എം. ഹസൈനാര്‍, ബ്ലോക്ക് പ്രസിഡണ്ട് കരിച്ചേരി നാരായണന്‍മാസ്റ്റര്‍, ഉണ്ണിക്കൃഷ്ണന്‍ പൊയിനാച്ചി, സുകുമാരന്‍ ആലിങ്കാല്‍, കൃഷ്ണന്‍ ചട്ടഞ്ചാല്‍, ചന്ദ്രന്‍ അരയാലിങ്കാല്‍, രാഘവന്‍ വലിയവീട്, പി. മാധവന്‍നായര്‍ എന്നിവരും കര്‍മ്മസമിതി പ്രവര്‍ത്തകരും കുടുംബശ്രീ പ്രവര്‍ത്തകരും സമരപ്പന്തലിലെത്തിയ പി.ടി. തോമസിനെ സ്വീകരിച്ചു.
കുറച്ച് ദിവസങ്ങള്‍ക്ക് മുമ്പാണ് പറമ്പ് സുരഭിക്കടുത്ത് വിദേശമദ്യ വില്‍പനശാല തുറന്നത്. ഇതിനെതിരെ നാട്ടുകാര്‍ സംഘടിച്ചെത്തുകയും വില്‍പ്പനശാല അടപ്പിക്കുകയും ചെയ്തിരുന്നു. ഇതിന് ശേഷം തൊട്ടടുത്ത മറ്റൊരു കെട്ടിടത്തില്‍ മദ്യശാല തുടങ്ങാനുള്ള നീക്കമാണ് അധികൃതര്‍ നടത്തുന്നതെന്നും എന്ത് വില കൊടുത്തും മദ്യവില്‍പ്പനശാല തുറക്കാന്‍ അനുവദിക്കില്ലെന്നും കര്‍മ്മസമിതി നേതാക്കള്‍ പറഞ്ഞു.
ചെമ്മനാട് പഞ്ചായത്തിലെ ഒമ്പത്, പത്ത് വാര്‍ഡുകളുടെ അതിര്‍ത്തി പ്രദേശമാണു പറമ്പ്. കാസര്‍കോട്ടെ അണങ്കൂരില്‍ പ്രവര്‍ത്തിച്ചിരുന്ന മദ്യശാലയാണ് ഇവിടേക്കു പറിച്ചുനടാന്‍ ശ്രമിക്കുന്നതെന്നാണു സമരക്കാരുടെ ആരോപണം. നഗരസഭയില്‍ തന്നെ അധികൃതര്‍ സ്ഥലം കണ്ടെത്താന്‍ ശ്രമിക്കാതെ ഈ കൊച്ചുഗ്രാമത്തെ ക്രൂശിക്കുന്നതെന്തിനെന്നാണ് ഇവരുടെ ചോദ്യം.
ജില്ലയില്‍ കൂടുതല്‍ വിദ്യാര്‍ത്ഥികള്‍ പഠിക്കുന്ന തെക്കില്‍പറമ്പ ഗവ. യു.പി സ്‌കൂള്‍, ഭാരത് ഇംഗ്ലീഷ് മീഡിയം സ്‌കൂള്‍, സരസ്വതിവിദ്യാലയം, മുണ്ട്യക്കാവ്, ചിന്‍മയ സങ്കീര്‍ത്തനാലയം, ഏഴു തറവാടു ദേവസ്ഥാനങ്ങള്‍ എന്നിവയുടെ സാമീപ്യമെല്ലാം ഈ മദ്യശാലയ്‌ക്കെതിരായ പോരാട്ടം കനപ്പിക്കുന്നു. ഇവിടെ മദ്യവില്‍പനശാല തുറക്കാനുള്ള തീരുമാനം പിന്‍വലിക്കും വരെ രാപകല്‍ സമരം തുടരാനാണ് സമരസമിതിയുടെ തീരുമാനം.



Recent News
  പഠനവഴിയില്‍ സംരംഭകരാകാന്‍ സംരംഭകത്വ ശില്‍പശാല നടത്തി

  ഉദുമയിലെ രണ്ട് സ്‌കൂളുകള്‍ക്ക് 3.39 കോടി രൂപയുടെ പദ്ധതി

  ക്വിസ് മത്സരം ഫുട്ബാള്‍ പ്രേമികള്‍ക്ക് നവ്യാനുഭവമായി

  അഞ്ചു വയസ്സുകാരന്റെ മനസാന്നിധ്യത്തില്‍ രണ്ട് കൂട്ടുകാര്‍ക്ക് പുതുജീവന്‍ ലഭ്യമായി

  രാമായണമാസാചരണം നാളെ തുടങ്ങും

  50 ലക്ഷത്തിന്റെ ക്ഷേമ പദ്ധതി രൂപരേഖയുമായി ചന്ദ്രഗിരി ലയണ്‍സ് ക്ലബ്ബ്

  മുഹിമ്മാത്ത് വിദ്യാഭ്യാസമേഖല വിപുലീകരിക്കുന്നു

  തകര്‍ന്ന റോഡിലെ കുഴി അടച്ചു

  അപകടം തുടര്‍ക്കഥയാക്കി വാട്ടര്‍ അതോറിറ്റി പൈപ്പിടല്‍

  'ജില്ലാ ബാങ്കിലെ പിന്‍വാതില്‍ നിയമനം അവസാനിപ്പിക്കണം'

  മയക്കുമരുന്ന് വിരുദ്ധദിനാചരണം നടത്തി

  കെ.എസ്. അബ്ദുല്ല സ്‌കൂളില്‍ വിവിധ ക്ലബ്ബുകള്‍ തുടങ്ങി

  പാലക്കുന്ന് ടൗണ്‍ വികസനം: വ്യാപാരികള്‍ പ്രക്ഷോഭത്തിന്

  അഖിലേന്ത്യാ സംവാദ മത്സരത്തില്‍ ലികോള്‍ ചെമ്പകയ്ക്ക് ഒന്നാം സ്ഥാനം

  നെല്ലിക്കുന്ന് എ.യു.എ.യു.പി.സ്‌കൂളിലെ ഹൈടെക് ക്ലാസ് മുറി ഉദ്ഘാടനം ചെയ്തു