updated on:2017-08-13 01:53 PM
കുടുംബശ്രീ ഓണം വിപണന മേള 'പൂപ്പൊലി' ആരംഭിച്ചു

www.utharadesam.com 2017-08-13 01:53 PM,
കാസര്‍കോട്: കുടുംബശ്രീ ജില്ലാ മിഷന്‍ മഹിളാകിസാന്‍ ശാക്തീകരണ പരിയോജന പദ്ധതിയുടെ ഭാഗമായി സംഘടിപ്പിക്കുന്ന ഓണം വിപണനമേള 'പൂപ്പൊലി-2017' ജില്ലയിലെ 42 സി.ഡി.എസുകളില്‍ വിപുലമായ രീതിയില്‍ സംഘടിപ്പിക്കുന്നു. 5 ന് ആരംഭിച്ച ഓണചന്തകള്‍ സെപ്തംബര്‍ 4 വരെ 120 കേന്ദ്രങ്ങളിലായി നടക്കും. ജില്ലയിലെ 6 ബ്ലോക്കിലെ തിരഞ്ഞെടുക്കപ്പെട്ട 18 സി.ഡി.എസുകള്‍ക്ക് 75000 രൂപ തോതില്‍ സ്ഥിരം വിപണനമേള ഒരുക്കാന്‍ ധനസഹായം നല്‍കി. ആഗസ്ത് മുതല്‍ ആഴ്ചയില്‍ 3 ദിവസം നീണ്ടുനില്‍ക്കുന്ന 12 ഓണച്ചന്തകള്‍ ഓരോ സി.ഡി.എസിന്റെയും നേതൃത്വത്തില്‍ സംഘടിപ്പിക്കും. വിഷമില്ലാതെ ഓണമുണ്ണാന്‍ മലയാളികള്‍ക്ക് കുടുംബശ്രീ ഒരുക്കുന്ന സുവര്‍ണ്ണാവസരമാണ് ഓണം വിപണന മേളകള്‍. 6323 ജെ.എല്‍.ജികളും ജില്ലയിലെ വിവിധ സംരംഭക യൂണിറ്റുകളും പൊലിവ് പദ്ധതിയുടെ ഭാഗമായി കൃഷി ചെയ്ത അയല്‍ക്കൂട്ടങ്ങളും വിപണനമേളകളില്‍ പങ്കാളികളാകും. നാടന്‍ കുത്തരി, നാടന്‍ പച്ചക്കറികള്‍, കശുവണ്ടി, കറിപൗഡറുകള്‍, തേന്‍, ഹോംഷോപ്പ് ഉല്‍പന്നങ്ങള്‍ എന്നിവ വിപണനമേളയുടെ ഭാഗമായി ലഭ്യമാക്കും. മിതമായ നിരക്കില്‍ നാട്ടില്‍ തന്നെ വിളയിച്ച ജൈവ ഉല്‍പന്നങ്ങള്‍ ഓണം വിപണനമേളകളില്‍ എത്തിക്കുക, ഓണക്കാലത്തെ വിലക്കയറ്റത്തില്‍ നിന്നും മോചനം നേടുക എന്നീ ലക്ഷ്യങ്ങള്‍ മുന്‍ നിര്‍ത്തിയാണ് ചന്തകള്‍ സംഘടിപ്പിക്കുന്നത്. കുടുംബശ്രീ സി.ഡി.എസ്. മഹിളാകര്‍ഷകസഹായകേന്ദ്രം, ജീവ ടീം, മാസ്റ്റര്‍ കര്‍ഷകര്‍, അയല്‍കൂട്ടങ്ങള്‍ എന്നിവരുടെ സംയുക്ത ആഭിമുഖ്യത്തിലാണ് ഓണം വിപണനമേളകള്‍ സംഘടിപ്പിക്കുന്നത്. ഓണം വിപണനമേളയോടൊപ്പം ജില്ലാ ഭക്ഷ്യമേളയും നീലേശ്വരം സി.ഡി.എസില്‍ ആഗസ്ത് 23 മുതല്‍ 25 വരെയും കാസര്‍കോട് നഗരസഭാ സി.ഡി.എസില്‍ 20 മുതല്‍ 24 വരെയും സംഘടിപ്പിക്കും.
ജില്ലയിലെ എല്ലാ സി.ഡി.എസുകളിലും ഓണപ്പൂക്കളമത്സരം, പായസമത്സരം, കമ്പവലി, തിരുവാതിര തുടങ്ങിയ വിവിധ മത്സരങ്ങളും ഓണാഘോഷത്തിന്റെ ഭാഗമായി സംഘടിപ്പിക്കും.



Recent News
  ഉദുമ പഞ്ചായത്ത് കുടുംബശ്രീ സി.ഡി.എസ്. അഴിമതിയെന്ന്; യു.ഡി.എഫ്. പ്രക്ഷോഭത്തിന്

  തരിശുവിമുക്തമായ നഗരസഭ; പദ്ധതി തുടങ്ങി

  എസ്.ടി.യു. തൊഴിലാളി വിഭാഗത്തിന്റെ പ്രതീക്ഷ -പി.ബി

  പൈക്ക-ചാത്തപ്പാടി ജുമാമസ്ജിദ് ഉദ്ഘാടനം 22ന്

  കല്ലടുക്ക-ചെര്‍ക്കള റോഡ് ഗതാഗത യോഗ്യമാക്കണം-സി.പി.എം

  പുതുവര്‍ഷത്തെ വരവേറ്റ് മൊഗ്രാല്‍ വീണ്ടും കാല്‍പന്തുകളിയുടെ ആരവത്തിലേക്ക്

  കോടതി ജീവനക്കാരുടെ പ്രമോഷന്‍ നിലനിര്‍ത്തണം -എന്‍.ജി.ഒ. അസോസിയേഷന്‍

  തെക്കില്‍-ആലട്ടി റോഡിന്റെ ശോചനീയാവസ്ഥ: 18ന് യൂത്ത് കോണ്‍ഗ്രസ് പ്രക്ഷോഭം

  ഇശല്‍ക്കൂട്ടം ജില്ലാ കമ്മിറ്റി ഭാരവാഹികള്‍

  ഇന്‍ഡസ്ട്രിയല്‍ നാഷണല്‍ കബഡി ചാമ്പ്യന്‍ഷിപ്പ് ഗ്യാലറിക്ക് കാല്‍നാട്ടി

  'മൂലധനത്തിന്റെ 150-ാം വാര്‍ഷികം വിജയിപ്പിക്കും'

  ചെണ്ടത്തോടി പാലം അപകടാവസ്ഥയില്‍

  വാഹന പരിശോധനയുടെ പേരിലുള്ള പൊലീസ് പീഡനം അവസാനിപ്പിക്കണം -യൂത്ത് ലീഗ്

  ബംബ്രാണയില്‍ ബസ് കാത്തിരിപ്പ് കേന്ദ്രത്തിന്റെ ബോര്‍ഡ് തകര്‍ത്ത് സി.പി.എം കൊടി നാട്ടിയതായി പരാതി

  'ജനറല്‍ ആസ്പത്രി സന്ദര്‍ശിക്കാന്‍ അല്‍പം സമയം കണ്ടെത്തുമോ'; ആരോഗ്യമന്ത്രിക്ക് എം.എല്‍.എ.യുടെ കത്ത്