updated on:2017-08-13 02:14 PM
'മാലിന്യത്തില്‍ നിന്നും സ്വാതന്ത്ര്യം' പ്രഖ്യാപനം 15ന്; ഗൃഹതല സര്‍വേ 13ന് അവസാനിക്കും

www.utharadesam.com 2017-08-13 02:14 PM,
കാസര്‍കോട്: സംസ്ഥാനത്തെ മാലിന്യ പ്രശ്‌നം പരിഹരിക്കാന്‍ 'മാലിന്യത്തില്‍ നിന്നും സ്വാതന്ത്ര്യം' എന്ന മുദ്രാവാക്യം ഉയര്‍ത്തി ഹരിതകേരളം മിഷന്‍ നടപ്പിലാക്കുന്ന കാമ്പയിന്റെ ഭാഗമായി ജില്ലയില്‍ നടക്കുന്ന ഗൃഹതല സര്‍വ്വേ ഈമാസം 13ന് അവസാനിക്കും. ഓരോ തദ്ദേശസ്വയംഭരണ സ്ഥാപനത്തിന്റെയും പരിധിയിലുള്ള പ്രദേശങ്ങള്‍ മാലിന്യമുക്തമാക്കുക, വീടുകള്‍, കോളനികള്‍, ഫഌറ്റുകള്‍ കച്ചവട സ്ഥാപനങ്ങള്‍, ചന്തകള്‍, വ്യവസായ സ്ഥാപനങ്ങള്‍ എന്നിവയിലെ മാലിന്യങ്ങള്‍ സംസ്‌കരിക്കുക എന്നിവയാണ് പദ്ധതിയുടെ ലക്ഷ്യം. വീടുകളിലുണ്ടാകുന്ന ജൈവ-പ്ലാസ്റ്റിക് മാലിന്യങ്ങള്‍ ഏതൊക്കെ, അവ ഏത് വിധത്തില്‍ സംസ്‌കരിക്കും, വേര്‍തിരിച്ചാണോ സംസ്‌കരിക്കുന്നത്, പ്ലാസ്റ്റിക് മാലിന്യങ്ങള്‍ ശേഖരിക്കുവാനുള്ള സംവിധാനമുണ്ടോ, ഓരോ വീടിനും അനുയോജ്യമായ സംസ്‌കരണ രീതികള്‍ തുടങ്ങിയ കാര്യങ്ങളാണ് ഗൃഹതല സര്‍വേയിലൂടെ കണ്ടെത്തുന്നത്. 15ന് ജില്ലാതലത്തില്‍ മന്ത്രിമാര്‍ പങ്കെടുക്കുന്ന സ്വാതന്ത്ര്യദിന ചടങ്ങുകള്‍ക്കുശേഷം 'മാലിന്യത്തില്‍ നിന്നും സ്വാതന്ത്ര്യം' പ്രഖ്യാപനവും പ്രതിജ്ഞയും നടത്തും. തദ്ദേശഭരണ സ്ഥാപനങ്ങളില്‍ നടക്കുന്ന സ്വാതന്ത്ര്യദിന പരിപാടികളിലും പ്രഖ്യാപനങ്ങളും പ്രതിജ്ഞയും ഉണ്ടാകും. അന്നേദിവസം മന്ത്രിമാര്‍, എം.പിമാര്‍, എം.എല്‍.എമാര്‍, തദ്ദേശഭരണ സ്ഥാപനത്തില്‍ നിന്നുള്ള ജനപ്രതിനിധികള്‍ എന്നിവര്‍ ഗൃഹസന്ദര്‍ശനം നടത്തി ലഘുലേഖകള്‍ വിതരണം ചെയ്യും. 15ന് വൈകിട്ട് നാലുമുതല്‍ ഏഴുവരെ വാര്‍ഡ്തലത്തില്‍ സംഘടിപ്പിക്കുന്ന ശുചിത്വസംഗമത്തില്‍ സന്നദ്ധപ്രവര്‍ത്തകര്‍ ആറു മുതല്‍ 13 വരെ ഗൃഹസന്ദര്‍ശനത്തോടനുബന്ധിച്ച് നടത്തിയ അവസ്ഥാ നിര്‍ണയ പഠനത്തിന്റെ ക്രോഡീകരിച്ച റിപ്പോര്‍ട്ട് അവതരിപ്പിക്കുകയും മാലിന്യസംസ്‌കരണം ഫലപ്രദമായി നടത്തിയ സ്ഥാപനങ്ങള്‍, കുടുംബങ്ങള്‍, ഹരിതപ്രോട്ടോകോള്‍ സ്ഥാപനങ്ങള്‍ എന്നിവയുടെ അനുഭവസാക്ഷ്യവിവരണവും അനുമോദനവും സംഘടിപ്പിക്കും. വൈകിട്ട് ഏഴിന് ശുചിത്വദീപ സന്ധ്യയും സമ്പൂര്‍ണ്ണ മാലിന്യ നിര്‍മ്മാര്‍ജ്ജന വാര്‍ഡായി പ്രഖ്യാപിക്കുന്നതിനുള്ള പ്രതിജ്ഞയും നടക്കും. എല്ലാ വീടുകളിലും ശുചിത്വ ദീപവും തെളിയിക്കും.



Recent News
  ഉദുമ പഞ്ചായത്ത് കുടുംബശ്രീ സി.ഡി.എസ്. അഴിമതിയെന്ന്; യു.ഡി.എഫ്. പ്രക്ഷോഭത്തിന്

  തരിശുവിമുക്തമായ നഗരസഭ; പദ്ധതി തുടങ്ങി

  എസ്.ടി.യു. തൊഴിലാളി വിഭാഗത്തിന്റെ പ്രതീക്ഷ -പി.ബി

  പൈക്ക-ചാത്തപ്പാടി ജുമാമസ്ജിദ് ഉദ്ഘാടനം 22ന്

  കല്ലടുക്ക-ചെര്‍ക്കള റോഡ് ഗതാഗത യോഗ്യമാക്കണം-സി.പി.എം

  പുതുവര്‍ഷത്തെ വരവേറ്റ് മൊഗ്രാല്‍ വീണ്ടും കാല്‍പന്തുകളിയുടെ ആരവത്തിലേക്ക്

  കോടതി ജീവനക്കാരുടെ പ്രമോഷന്‍ നിലനിര്‍ത്തണം -എന്‍.ജി.ഒ. അസോസിയേഷന്‍

  തെക്കില്‍-ആലട്ടി റോഡിന്റെ ശോചനീയാവസ്ഥ: 18ന് യൂത്ത് കോണ്‍ഗ്രസ് പ്രക്ഷോഭം

  ഇശല്‍ക്കൂട്ടം ജില്ലാ കമ്മിറ്റി ഭാരവാഹികള്‍

  ഇന്‍ഡസ്ട്രിയല്‍ നാഷണല്‍ കബഡി ചാമ്പ്യന്‍ഷിപ്പ് ഗ്യാലറിക്ക് കാല്‍നാട്ടി

  'മൂലധനത്തിന്റെ 150-ാം വാര്‍ഷികം വിജയിപ്പിക്കും'

  ചെണ്ടത്തോടി പാലം അപകടാവസ്ഥയില്‍

  വാഹന പരിശോധനയുടെ പേരിലുള്ള പൊലീസ് പീഡനം അവസാനിപ്പിക്കണം -യൂത്ത് ലീഗ്

  ബംബ്രാണയില്‍ ബസ് കാത്തിരിപ്പ് കേന്ദ്രത്തിന്റെ ബോര്‍ഡ് തകര്‍ത്ത് സി.പി.എം കൊടി നാട്ടിയതായി പരാതി

  'ജനറല്‍ ആസ്പത്രി സന്ദര്‍ശിക്കാന്‍ അല്‍പം സമയം കണ്ടെത്തുമോ'; ആരോഗ്യമന്ത്രിക്ക് എം.എല്‍.എ.യുടെ കത്ത്