updated on:2017-10-12 06:57 PM
രാജധാനി എക്‌സ്പ്രസ്: റെയില്‍വെ മന്ത്രിക്ക് എന്‍.എ. നെല്ലിക്കുന്ന് എം.എല്‍.എ. കത്തയച്ചു

www.utharadesam.com 2017-10-12 06:57 PM,
കാസര്‍കോട്: രാജധാനി എക്‌സ്പ്രസിന് കാസര്‍കോട്ട് സ്റ്റോപ്പ് അനുവദിക്കണമെന്നാവശ്യപ്പെട്ട് കേന്ദ്ര റെയില്‍വെ മന്ത്രി പീയൂഷ് ഗോയല്‍, ഇന്ത്യന്‍ റെയില്‍വെ ബോര്‍ഡ് ചെയര്‍മാന്‍, പാലക്കാട് ഡിവിഷണല്‍ റെയില്‍വെ മാനേജര്‍ എന്നിവര്‍ക്ക് എന്‍.എ. നെല്ലിക്കുന്ന് എം.എല്‍.എ. കത്തയച്ചു.
രാജ്യ തലസ്ഥാനത്തെയും സംസ്ഥാന തലസ്ഥാനത്തെയും ബന്ധിപ്പിച്ച് സര്‍വീസ് നടത്തുന്ന ന്യൂഡല്‍ഹി-തിരുവനന്തപുരം രാജധാനി എക്‌സ്പ്രസിന് കാസര്‍കോട്ട് സ്റ്റോപ്പ് അനുവദിക്കണമെന്നത് ജില്ലയുടെ ദീര്‍ഘകാല ആവശ്യമാണ്. നിലവില്‍ കാസര്‍കോട്ട് സ്റ്റോപ്പ് ഇല്ലാത്തതിനാല്‍ യാത്രക്കാര്‍ മംഗളൂരുവിനെയോ കണ്ണൂരിനെയോ ആശ്രയിക്കുമ്പോള്‍ ഏറെ പ്രയാസമുണ്ടാകുന്നു. കേന്ദ്ര സര്‍വ്വകലാശാല, എച്ച്.എ.എല്‍., സി.പി.സി.ആര്‍.ഐ. തുടങ്ങിയ കേന്ദ്ര സര്‍ക്കാര്‍ സ്ഥാപനങ്ങളും നിരവധി വിദ്യാഭ്യാസ-വ്യവസായ യൂണിറ്റുകളുമുള്ള കാസര്‍കോട്ട് രാജധാനി നിര്‍ത്താത്തത് പ്രതിഷേധാര്‍ഹമാണ്.
വിവിധ ആവശ്യങ്ങള്‍ക്ക് ജില്ലയിലെത്തുന്നവരെപ്പോലെ ഡല്‍ഹിയിലേക്കും മറ്റ് ഉത്തരേന്ത്യന്‍ സംസ്ഥാനങ്ങളിലേക്കും ജോലിക്കും മറ്റുമായി പോകുന്ന ജില്ലയില്‍ നിന്നുള്ളവര്‍ക്കും രാജധാനിക്ക് സ്റ്റോപ്പില്ലാത്തത് ഏറെ ബുദ്ധിമുട്ടുണ്ടാക്കുന്നു. മംഗളൂരു ജംഗ്ഷന്‍ സ്റ്റോപ്പില്‍ നിന്ന് അതിരാവിലെയാണ് ഡല്‍ഹിയിലേക്കുള്ള രാജധാനി എക്‌സ്പ്രസ് പുറപ്പെടുന്നതെന്നതിനാല്‍ തലേദിവസം മംഗളൂരിവില്‍ പോയി താമസിച്ചാണ് പലരും യാത്രചെയ്യുന്നത്.
തിരിച്ച് കേരളത്തിലേക്ക് വരുന്ന ട്രെയിനും വൈകിട്ടാണ് എത്തിച്ചേരുന്നതെന്നതിനാല്‍ മംഗളൂരുവിലോ കണ്ണൂരിലോ ഇറങ്ങി കാസര്‍കോട്ടെത്താന്‍ ഏറെ പാടുപെടേണ്ടിവരുന്നു.
പുതിയ റെയില്‍വെ മന്ത്രിയായി പീയൂഷ് ഗോയല്‍ സ്ഥാനമേറ്റെടുത്ത പശ്ചാത്തലത്തിലാണ് രാജധാനിക്ക് സ്റ്റോപ്പ് ആവശ്യപ്പെട്ട് എം.എല്‍.എ. കത്തയച്ചത്.
രാജധാനി കൂടാതെ കോയമ്പത്തൂര്‍-ബിക്കാനിര്‍ എക്‌സ്പ്രസ്, ദാദര്‍-തിരുനല്‍വേലി എക്‌സ്പ്രസ് തുടങ്ങി നാല് ദീര്‍ഘദൂര ട്രെയിനുകള്‍ക്കും കാസര്‍കോട്ട് സ്റ്റോപ്പില്ലാത്തതും പ്രയാസമുണ്ടാക്കുന്നു. വിഷയത്തില്‍ അനുകൂല നിലപാടുണ്ടാകുമെന്ന് പ്രതീക്ഷിക്കുന്നതായും ഇനിയും അവഗണന തുടരുകയാണെങ്കില്‍ ശക്തമായ പ്രക്ഷോഭ പരിപാടികള്‍ക്ക് നേതൃത്വം നല്‍കുമെന്നും എം.എല്‍.എ. ഉത്തരദേശത്തോട് പറഞ്ഞു.



Recent News
  ബാലചന്ദ്രന്‍ നീലേശ്വരം അനുസ്മരണം നടത്തി

  15-ാം വര്‍ഷവും ഹജ്ജ് പഠന ക്ലാസ് സംഘടിപ്പിച്ച് സിറ്റിഗോള്‍ഡ്

  പഠനവഴിയില്‍ സംരംഭകരാകാന്‍ സംരംഭകത്വ ശില്‍പശാല നടത്തി

  ഉദുമയിലെ രണ്ട് സ്‌കൂളുകള്‍ക്ക് 3.39 കോടി രൂപയുടെ പദ്ധതി

  ക്വിസ് മത്സരം ഫുട്ബാള്‍ പ്രേമികള്‍ക്ക് നവ്യാനുഭവമായി

  അഞ്ചു വയസ്സുകാരന്റെ മനസാന്നിധ്യത്തില്‍ രണ്ട് കൂട്ടുകാര്‍ക്ക് പുതുജീവന്‍ ലഭ്യമായി

  രാമായണമാസാചരണം നാളെ തുടങ്ങും

  50 ലക്ഷത്തിന്റെ ക്ഷേമ പദ്ധതി രൂപരേഖയുമായി ചന്ദ്രഗിരി ലയണ്‍സ് ക്ലബ്ബ്

  മുഹിമ്മാത്ത് വിദ്യാഭ്യാസമേഖല വിപുലീകരിക്കുന്നു

  തകര്‍ന്ന റോഡിലെ കുഴി അടച്ചു

  അപകടം തുടര്‍ക്കഥയാക്കി വാട്ടര്‍ അതോറിറ്റി പൈപ്പിടല്‍

  'ജില്ലാ ബാങ്കിലെ പിന്‍വാതില്‍ നിയമനം അവസാനിപ്പിക്കണം'

  മയക്കുമരുന്ന് വിരുദ്ധദിനാചരണം നടത്തി

  കെ.എസ്. അബ്ദുല്ല സ്‌കൂളില്‍ വിവിധ ക്ലബ്ബുകള്‍ തുടങ്ങി

  പാലക്കുന്ന് ടൗണ്‍ വികസനം: വ്യാപാരികള്‍ പ്രക്ഷോഭത്തിന്