updated on:2017-11-14 07:30 PM
ഉദുമയിലെ രണ്ട് കോളനികളുടെ വികസനത്തിന് രണ്ട് കോടിയുടെ പദ്ധതി

www.utharadesam.com 2017-11-14 07:30 PM,
ഉദുമ: പട്ടികവര്‍ഗ്ഗ വികസന വകുപ്പിന്റെ അംബേദ്കര്‍ സെറ്റില്‍മെന്റ് ഡെവലപ്‌മെന്റ് പദ്ധതിയില്‍ ഉള്‍പ്പെടുത്തി സമഗ്ര കോളനി വികസനത്തിനായി ഉദുമ മണ്ഡലത്തില്‍ കുറ്റിക്കോല്‍ പഞ്ചായത്തിലെ രാമനടുക്കം-ചൂളന്‍ കല്ല് കോളനിയും ദേലമ്പാടി പഞ്ചായത്തിലെ വെള്ളരിക്കയ കോളനിയും ഉള്‍പ്പെടുത്തി ഓരോ കോടി രൂപ വീതം അനുവദിച്ചു.
ഉദുമ നിയോജക മണ്ഡലത്തില്‍ കര്‍ണ്ണാടക സംസ്ഥാനത്തോട് ചേര്‍ന്ന് വനാതിര്‍ത്തി പങ്കിടുന്നതും ബന്തടുക്കയില്‍ നിന്ന് 6 കി.മീ. ദൂരത്തില്‍ ടൗണുമായി ബന്ധപ്പെടാന്‍ യാതൊരു സൗകര്യവുമില്ലാത്ത തോടിനോട് അപ്പുറവും ഇപ്പുറവുമായി 40 കുടുംബങ്ങള്‍ താമസിക്കുന്ന കോളനിയാണ് കുറ്റിക്കോല്‍ പഞ്ചായത്തിലെ രാമനടുക്കം-ചൂളന്‍കല്ല് കോളനി.
ദേലമ്പാടി പഞ്ചായത്തില്‍ നിബിഡ വനങ്ങളാല്‍ ചുറ്റപ്പെട്ട് പുറം ലോകവുമായി ബന്ധപ്പെടാന്‍ 10 കി.മീ ദൂരം സഞ്ചരിക്കേണ്ടതും മഴക്കാലത്ത് മറ്റ് പ്രദേശങ്ങളില്‍ നിന്ന് തീര്‍ത്തും ഒറ്റപ്പെട്ട് കിടക്കുന്നതുമായ കോളനിയാണ് വെള്ളരിക്കയ കോളനി. മേല്‍ പദ്ധതിയില്‍ രണ്ട് കോളനികളുടെ പേര് നിര്‍ദ്ദേശിക്കാന്‍ കെ. കുഞ്ഞിരാമന്‍ എം.എല്‍.എയോട് ആവശ്യപ്പെട്ടിരുന്നു. കോളനിവാസികളുടെ ദയനീയാവസ്ഥ നേരിട്ട് ബോധ്യപ്പെട്ടതിന്റെ അടിസ്ഥാനത്തിലാണ് വളരെ പിന്നോക്കം നില്‍ക്കുന്ന രണ്ട് കോളനികള്‍ എം.എല്‍.എ. നിര്‍ദ്ദേശിച്ചത്. അനുവദിച്ച തുക 1 കോടി രൂപ കോളനിയില്‍ എപ്രകാരം ചിലവഴിക്കണം എന്നതിനെ കുറിച്ച് ആലോചിക്കുന്നതിന് കോളനി നിവാസികളുടെയും ജനപ്രതിനിധികളുടെയും ഉദ്യോഗസ്ഥരുടെയും യോഗം 21ന് രാവിലെ 10 മണിക്ക് വെള്ളരിക്കയ കോളനിയിലും ഉച്ചക്ക് 3 മണിക്ക് രാമനടുക്കം-ചൂളന്‍കല്ല് കോളനിയിലും ചേരും.
യോഗത്തില്‍ കോളനി നിവാസികളുടെ നിര്‍ദ്ദേശം കണക്കിലെടുത്ത് ചെയ്യേണ്ട പ്രവര്‍ത്തികളുടെ മുന്‍ഗണന തയ്യാറാക്കി പദ്ധതി നടപ്പിലാക്കാനാണ് ഉദ്ദേശിക്കുന്നതെന്ന് എം.എല്‍.എ. പറഞ്ഞു.



Recent News
  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി