updated on:2017-11-14 07:46 PM
അരിയില്‍ പുഴുവിന് പിന്നാലെ പോഷകാഹാര വിതരണത്തിലും കൃത്രിമമെന്ന് പരാതി

www.utharadesam.com 2017-11-14 07:46 PM,
ബദിയടുക്ക: അംഗന്‍വാടികളില്‍ വിതരണം ചെയ്യേണ്ട അരി പുഴുവരിച്ച നിലയില്‍ കണ്ടെത്തിയതിന് പിന്നലെ കുട്ടികള്‍ക്ക് വിതരണം ചെയ്യേണ്ട പോഷകാഹാര വിതരണത്തിലും കൃത്രിമം നടക്കുന്നതായി പരാതി. ചെങ്കള ഐ.സി.ഡി. എസിന് കീഴില്‍ ബദിയടുക്ക പഞ്ചായത്തിലെ നാലാം വാര്‍ഡില്‍ പ്രവര്‍ത്തിക്കുന്ന 58-ാം നമ്പര്‍ അംഗന്‍വാടിയില്‍ കുട്ടികള്‍ക്ക് വിതരണം ചെയ്യേണ്ട പോഷക ആഹാരത്തില്‍ വ്യാപകമായി കൃത്രിമം നടത്തുന്നതായാണ് പരാതി. പരിസരവാസികളും വെല്‍ഫെയര്‍ കമ്മിറ്റിയുമാണ് പരാതിയുമായി രംഗത്തുവന്നത്.
ആഴ്ചയില്‍ തിങ്കള്‍, വ്യാഴം ദിവസങ്ങളില്‍ ഒരു കുട്ടിക്ക് 100 മില്ലി പാലും ചൊവ്വ, വെള്ളി ദിവസങ്ങളില്‍ ഒരു മുട്ടയും ബുധന്‍, ശനി ദിവസങ്ങളില്‍ 100ഗ്രാം പഴവും നല്‍കണമെന്നാണ് ഉത്തരവില്‍ പറയുന്നത്.
എന്നാല്‍ ഇവിടെ പകുതി മുട്ടയും പാലും പഴവും പേരിന് മാത്രം നല്‍കുന്നതായാണ് ആക്ഷേപം. കരയുന്ന കുഞ്ഞുങ്ങളെ വെള്ളം നിറച്ച ടാങ്കില്‍ മുക്കുമെന്ന് ഭീഷണിപ്പെടുത്തുന്നതായും പരാതിയുണ്ട്. അതേ സമയം അംഗന്‍വാടിയില്‍ ഹാജരാവാത്ത കുട്ടികളുടെ ഹാജര്‍ രേഖപ്പെടുത്തി പോഷക ആഹാരം നല്‍കിയെന്ന് വരുത്തി തീര്‍ത്ത് മാസാമാസംഅതിനുള്ള തുക തട്ടിയെടുക്കുകയാണ് ചെയ്യുന്നതെന്നും പരാതി ഉയര്‍ന്നു.
കുട്ടികള്‍ക്ക് നല്‍കുന്ന പോഷകാഹാര വിതരണത്തിലെ ക്രമക്കേടിനെതിരെ ജില്ലാ കലക്ടര്‍, സാമുഹ്യ ക്ഷേമ വകുപ്പ് ഓഫീസര്‍, ഐ.സി.ഡി.എസ് ഓഫീസര്‍, ബ്ലോക്ക് ഡവലപ്പ്‌മെന്റ് ഓഫീസര്‍, പഞ്ചായത്ത് പ്രസിഡണ്ട് എന്നിവര്‍ക്ക് അംഗന്‍വാടി വെല്‍ഫെയര്‍ കമ്മിറ്റിയും പരിസരവാസികളും രേഖാമൂലം പരാതി നല്‍കി.



Recent News
  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി