updated on:2017-12-06 07:44 PM
സി.പി.എം കുമ്പള ഏരിയാ സമ്മേളനം; അനുബന്ധ പരിപാടികള്‍ക്ക് തുടക്കമായി

www.utharadesam.com 2017-12-06 07:44 PM,
ബദിയടുക്ക: ബദിയടുക്കയില്‍ ഡിസംബര്‍ 13,14ന് നടക്കുന്ന സി.പി.എം കുമ്പള ഏരിയാ സമ്മേളനത്തിനോടനുബന്ധിച്ചുള്ള അനുബന്ധ പരിപാടികള്‍ക്ക് തുടക്കമായി. ഡി.വൈ.എഫ്.ഐ. നീര്‍ച്ചാല്‍ മേഖലാ കമ്മിറ്റിയുടെ നേതൃത്വത്തില്‍ തല്‍പണാജെയില്‍ ക്രിക്കറ്റ് ടൂര്‍ണമെന്റും പെരഡാല യൂണിറ്റിന്റെ നേതൃത്വത്തില്‍ ബോളുക്കട്ടയില്‍ ഫുട്‌ബോള്‍ ടൂര്‍ണമെന്റും പുത്തിഗെ ലോക്കല്‍ കമ്മിറ്റിയുടെ നേതൃത്വത്തില്‍ സീതാംഗോളിയില്‍ ലഹരി വിരുദ്ധ സദസും നടത്തി. 8ന് വൈകിട്ട് നാലിന് ബദിയടുക്കയില്‍ ഫാസിസ്റ്റ് വിരുദ്ധ സെമിനാര്‍ ഗാന്ധി മുതല്‍ ഗൗരി വരെ പ്രമുഖ പ്രഭാഷകന്‍ കെ.പി. രമണന്‍ മാസ്റ്റര്‍ പ്രസംഗിക്കും. 9ന് ഡി.വൈ.എഫ്.ഐ. ബദിയടുക്ക മേഖലാ കമ്മിറ്റിയുടെ നേതൃത്വത്തില്‍ പൊയ്യക്കണ്ടത്ത് വടംവലി മത്സരം നടക്കും. ഏരിയാ സമ്മേളനം സംഘാടക സമിതി ചെയര്‍മാര്‍ നിസാര്‍ മാളിക ഉദ്ഘാടനം ചെയ്യും. നീര്‍ച്ചാല്‍ ലോക്കല്‍ കമ്മിറ്റിയുടെ നേതൃത്വത്തില്‍ 10ന് വൈകിട്ട് നാലിന് ബേളയില്‍ ജനകീയ കൂട്ടായ്മ നടത്തും. ജില്ലാ നേതാക്കള്‍ പങ്കെടുക്കും. 10ന് രാവിലെ പത്ത് മണിക്ക് ചെടേക്കാല്‍ ബ്രാഞ്ചിന്റെ നേതൃത്വത്തില്‍ കൈയ്യെഴുത്ത് മത്സരം നടക്കും. അബൂബക്കര്‍ മാസ്റ്റര്‍ ഉദ്ഘാടനം ചെയ്യും. വൈകിട്ട് 5ന് ബദിയടുക്ക ടൗണ്‍ ബ്രാഞ്ച് സംഘടിപ്പിക്കുന്ന കാരംസ് മത്സരം പി.കെ.എസ്. ജില്ലാ കമ്മിറ്റിയംഗം സി.എച്ച് ശങ്കരന്‍ ഉദ്ഘാടനം ചെയ്യും. 13ന് വൈകിട്ട് നാലിന് സാംസ്‌കാരിക സമ്മേളനം ബദിയടുക്കയില്‍ ജില്ലാ സെക്രട്ടേറിയറ്റ് അംഗം പി. രാഘവന്‍ ഉദ്ഘാടനം ചെയ്യും.
12ന് കൊടിമര ജാഥകള്‍ പ്രയാണമാരംഭിക്കും. പൊതു സമ്മേളന നഗരിയിലുയര്‍ത്താനുള്ള കൊടിമരം അനന്തന്‍ മാസ്റ്റര്‍ സ്മൃതി മണ്ഡപത്തില്‍ നിന്ന് ടി.കെ. രാജന്‍ ഉദ്ഘാടനം ചെയ്യും.
ഡി. സുബ്ബണ ആള്‍വയാണ് ജാഥ ക്യാപ്റ്റന്‍. പതാക ജാഥ ഭാസ്‌കര കുമ്പള രക്തസാക്ഷി മണ്ഡപത്തില്‍ നിന്ന് സി.എച്ച്. കുഞ്ഞമ്പു ഉദ്ഘാടനം ചെയ്യും.
സി.എ. സുബൈറാണ് ജാഥാ ക്യാപ്റ്റന്‍. പ്രതിനിധി സമ്മേളന നഗരിയിലുയര്‍ത്താനുള്ള കൊടിമരം കെ.പി. മദന മാസ്റ്റര്‍ സ്മൃതി മണ്ഡപത്തില്‍ സിജി മാത്യൂ ഉദ്ഘാടനം ചെയ്യും. എം. ശങ്കര്‍ റൈ മാസ്റ്ററാണ് ജാഥ ക്യാപ്റ്റന്‍. പതാക ജാഥ പി. മുരളീധരന്‍ രക്തസാക്ഷി മണ്ഡപത്തില്‍ നിന്ന് പി. രഘുദേവന്‍ മാസ്റ്റര്‍ ഉദ്ഘാടനം ചെയ്യും. ജാഥ ക്യാപ്റ്റന്‍ പി. ഇബ്രാഹിം, ബി.കെ മാസ്റ്റര്‍, ഡി. കുമാരന്‍ എന്നിവരുടെ സ്മൃതി മണ്ഡപത്തില്‍ നിന്ന് ആരംഭിക്കുന്ന ദീപശിഖ ജാഥകള്‍ കെ.ആര്‍ ജയാനന്ദ ഉദ്ഘാടനം ചെയ്യും. ശിവപ്പ റൈയാണ് ജാഥ ലീഡര്‍.



Recent News
  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു

  വിമാനത്താവളങ്ങള്‍ സ്വകാര്യവല്‍ക്കരിക്കരുത്-പി.കരുണാകരന്‍

  അടിസ്ഥാന രഹിത ആരോപണങ്ങള്‍ ഉന്നയിച്ച് സംഘടനയെ തകര്‍ക്കാനാവില്ല-വ്യാപാരി വ്യവസായി ഏകോപന സമിതി

  സംസ്‌കൃതി ചെറു കഥാ പുരസ്‌ക്കാരം ഹരീഷ് പന്തക്കലിന്

  യു.ഡി.എഫ് പ്രതിഷേധ ധര്‍ണ നടത്തി