updated on:2017-12-06 08:02 PM
പള്ളിക്കര പ്രാഥമികാരോഗ്യ കേന്ദ്ര കെട്ടിട നിര്‍മ്മാണം അവതാളത്തില്‍; മുസ്ലിം ലീഗ് സമരത്തിന്

www.utharadesam.com 2017-12-06 08:02 PM,
കാസര്‍കോട്: അക്വയര്‍ ചെയ്ത് ഇനിയും രേഖകള്‍ ലഭ്യമാവാത്ത സ്വകാര്യ വ്യക്തികളുടെ സ്ഥലത്ത് നിയമ വിരുദ്ധമായി പള്ളിക്കര പ്രാഥമികാരോഗ്യ കേന്ദ്രത്തിന് തറക്കല്ലിട്ട് ജനങ്ങളെ കബളിപ്പിച്ച അധികൃതരുടെ നിലപാടില്‍ പ്രതിഷേധിച്ചും ശൂന്യതയില്‍ തറക്കല്ലിട്ട് രണ്ടു കോടി രൂപ പാഴാക്കാനുള്ള ഇടതു മന്ത്രിയുടെയും എം.എല്‍.എ.യുടെയും നിരുത്തരവാദപരമായ സമീപനത്തിനെതിരെയും പള്ളിക്കര പഞ്ചായത്ത് മുസ്‌ലിം ലീഗ് കമ്മിറ്റി പ്രക്ഷോഭത്തിലേക്ക്. സമരത്തിന്റെ ആദ്യ ഘട്ടമായി നാളെ രാവിലെ പത്ത് മണിക്ക് പള്ളിക്കര ഗ്രാമപഞ്ചായത്ത് ഓഫീസിലേക്ക് മാര്‍ച്ച് നടത്തുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
ജില്ലാ മുസ്‌ലിം ലീഗ് പ്രസിഡണ്ട് എം.സി ഖമറുദ്ധീന്‍ മാര്‍ച്ച് ഉദ്ഘാടനം ചെയ്യും. ഡി.സി.സി പ്രസിഡണ്ട് ഹക്കീം കുന്നില്‍, ജില്ലാ മുസ്‌ലിം ലീഗ് വൈസ് പ്രസിഡണ്ട് പി. മുഹമ്മദ് കുഞ്ഞി മാസ്റ്റര്‍, ഉദുമ മണ്ഡലം പ്രസിഡണ്ട് കെ.ഇ.എ ബക്കര്‍ എന്നിവര്‍ പ്രസംഗിക്കും. കേരള സംസ്ഥാന തീരദേശ വികസന കോര്‍പ്പറേഷന്‍ അനുവദിച്ച 1.87 കോടി രൂപ മുടക്കി നിര്‍മ്മിക്കുന്ന പള്ളിക്കര പ്രാഥമികാരോഗ്യ കേന്ദ്രത്തിന്റെ പുതിയ കെട്ടിടത്തിന് ഒക്ടോബര്‍ പതിമൂന്നിന് മന്ത്രി മേഴ്‌സി കുട്ടി അമ്മയാണ് തറക്കല്ലിട്ടത്. സ്വകാര്യ വ്യക്തിയുടെ സ്ഥലത്ത് മന്ത്രി തറക്കല്ലിട്ടത് കടുത്ത നിയമ വിരുദ്ധവും നിരുത്തരവാദ പരവുമാണ്. തറക്കല്ലിടല്‍ ചടങ്ങിനെത്തിയ മന്ത്രിക്ക് ഇക്കാര്യം ചൂണ്ടിക്കാട്ടി മുസ്‌ലിം ലീഗ് നിവേദനം നല്‍കിയിരുന്നു. ആരോഗ്യ വകുപ്പിന്റെ അധീനതയില്‍ വരാത്ത പക്ഷം റീ സര്‍വ്വേ നമ്പര്‍ 251/ 2ല്‍പ്പെട്ട സ്ഥലത്ത് തറക്കല്ലിടില്ലെന്ന് മന്ത്രി ഉറപ്പുനല്‍കിയിരുന്നു. എന്നാല്‍ ഇതിന് വിരുദ്ധമായാണ് സ്വകാര്യ വ്യക്തികളുടെ ഉടമസ്ഥതയിലുള്ള സ്ഥലത്ത് മന്ത്രി തറക്കല്ലിട്ടത്. ബി.ആര്‍.ഡി.സി വക അക്വയര്‍ ചെയ്ത് ആരോഗ്യ വകുപ്പിന് കൈമാറിയ രേഖ ഹാജരാക്കാതെ ഈ സ്ഥലത്ത് എങ്ങനെയാണ് ആസ്പത്രി കെട്ടിടം പണിയുകയെന്ന് തറക്കല്ലിടല്‍ ദിവസം യു.ഡി.എഫ് നേതാക്കള്‍ ചോദിച്ചിരുന്നു. അക്വയര്‍ ചെയ്ത ഭൂമി കൈമാറിയ രേഖ ലഭ്യമായിട്ടുണ്ടെന്ന് പറഞ്ഞ മന്ത്രിയും എം.എല്‍.എയും സത്യപ്രതിജ്ഞ ലംഘനം നടത്തിയിരിക്കുകയാണെന്നും ലീഗ് നേതാക്കള്‍ ആരോപിച്ചു.
പത്രസമ്മേളനത്തില്‍ ഉദുമ മണ്ഡലം മുസ്‌ലിം ലീഗ് പ്രസിഡണ്ട് കെ.ഇ.എ ബക്കര്‍, പഞ്ചായത്ത് മുസ്‌ലിം ലീഗ് പ്രസിഡണ്ട് ഹനീഫ് കുന്നില്‍, ജനറല്‍ സെക്രട്ടറി സിദ്ദീഖ് പള്ളിപ്പുഴ, ട്രഷറര്‍ കെ.എം അബ്ദുല്‍ റഹിമാന്‍, പഞ്ചായത്ത് മെമ്പര്‍ പി.കെ. അബ്ദുല്ല സംബന്ധിച്ചു.



Recent News
  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു

  വിമാനത്താവളങ്ങള്‍ സ്വകാര്യവല്‍ക്കരിക്കരുത്-പി.കരുണാകരന്‍

  അടിസ്ഥാന രഹിത ആരോപണങ്ങള്‍ ഉന്നയിച്ച് സംഘടനയെ തകര്‍ക്കാനാവില്ല-വ്യാപാരി വ്യവസായി ഏകോപന സമിതി

  സംസ്‌കൃതി ചെറു കഥാ പുരസ്‌ക്കാരം ഹരീഷ് പന്തക്കലിന്