updated on:2018-01-12 04:38 PM
ആസ്‌ക് ആലംപാടി മുപ്പതാം വാര്‍ഷികം സമാപിച്ചു

www.utharadesam.com 2018-01-12 04:38 PM,
ആലംപാടി: മൂന്നു പതിറ്റാണ്ട് പൂര്‍ത്തിയാക്കിയ ആലംപാടി ആര്‍ട്‌സ് ആന്റ് സ്‌പോര്‍ട്‌സ് ക്ലബ് (ആസ്‌ക് ആലംപാടി) മുപ്പതാം വാര്‍ഷിക സമാപന പരിപാടി ആസ്‌ക് ഗ്രൗണ്ടില്‍ നടന്നു.
ആസ്‌ക് സെന്‍ട്രല്‍ കമ്മിറ്റി പ്രസിഡണ്ട് സലീം ആപ അധ്യക്ഷത വഹിച്ചു. വ്യത്യസ്ത മേഖലയില്‍ മികച്ച മാതൃക സൃഷ്ടിച്ചവരെ കണ്ടെത്തി ആസ്‌ക് ജി.സി.സി ഏര്‍പ്പെടുത്തിയ എക്‌സലന്‍സ് അവാര്‍ഡ് ജില്ലാ പൊലീസ് ചീഫ് കെ.ജി സൈമണ്‍, നെഹ്‌റു യുവകേന്ദ്ര ജില്ലാ യൂത്ത് കോഓര്‍ഡിനേറ്റര്‍ എം. അനില്‍ കുമാര്‍ എന്നിവര്‍ യഥാക്രമം എബി കുട്ടിയാനം, മൂസ ഷെരീഫ് എന്നിവര്‍ക്ക് കൈമാറി.
ആസ്‌ക് പുനര്‍ നിര്‍മ്മിച്ച രണ്ടു വീടിന്റെ താക്കോല്‍ ദാനവും ഏരിയപ്പാടിയില്‍ പുതുതായി നിര്‍മ്മിക്കുന്ന നിരാലംബരായ നിര്‍ധന കുടുംബത്തിന്റെ വീട് നിര്‍മ്മാണ ചെലവിലേക്കായി ആസ്‌ക് ജി.സി.സി കാരുണ്യ വര്‍ഷം രണ്ടേ കാല്‍ ലക്ഷം രൂപയുടെ ചെക്കും കൈമാറി. ജില്ലാ ക്രിക്കറ്റ് ലീഗ് ഡി ഡിവിഷന്‍ ചാമ്പ്യന്‍ഷിപ്പില്‍ മികച്ച പ്രകടനം കാഴ്ച്ച വെച്ച ആസ്‌ക് ബി ടീം അംഗങ്ങളെ മെഡല്‍ നല്‍കി ആദരിച്ചു. പ്രമുഖ വ്യവസായിയും ഓസ്‌ട്രേലിയയിലെ പ്രമുഖ ബാങ്കായ കോമ്മണ്‍വെല്‍ത്തില്‍ ഫൈനാന്‍സ് മാനേജറുമായ ജാക്ക് ചെമ്പിരിക്ക എന്ന മുഹമ്മദ് സിറാര്‍, ക്ലബ്ബ് മുതിര്‍ന്ന അംഗം മാഹിന്‍ മേനത്ത് എന്നിവര്‍ ചേര്‍ന്ന് വീടിന്റെ താക്കോല്‍ദാനം നിര്‍വഹിച്ചു.
ടി.കെ മുഹമ്മദ് ഹാജി, അബ്ദുല്‍ റഹ്മാന്‍ ഹാജി എന്നിവരെയും മൂന്ന് പതിറ്റാണ്ട് വ്യത്യസ്ത മേഖലയില്‍ ക്ലബിന്റെ വളര്‍ച്ചയില്‍ പ്രധാന പങ്കുവെച്ച ഹാജി കെ.എം അബ്ദുല്‍ ഖാദര്‍, ഇഖ്ബാല്‍ മുഹമ്മദ്, അബ്ദുല്‍ ലത്തീഫ് സി.എ, ടി.എ റിയാസ് എന്നിവര്‍ക്ക് പ്രത്യേക പുരസ്‌കാരം നല്‍കി ആദരിച്ചു.
ഏഷ്യാനെറ്റ് മൈലാഞ്ചി സീസണ്‍-2 വിജയി നവാസ് കാസര്‍കോട്, ഇസ്മയില്‍ തളങ്കര ഇശല്‍ നൈറ്റും മഴവില്‍ മനോരമ, വോഡാഫോണ്‍ കോമഡിഷോ എന്നിവയിലൂടെ ശ്രദ്ധേയരായ കലാകാരന്‍മാരുടെ മിമിക്‌സ് പരേഡു നടന്നു.
സെക്രട്ടറി അബൂബക്കര്‍ അക്കു, ഹാജി കെ.എം അബ്ദുല്‍ ഖാദര്‍, ഇഖ്ബാല്‍ മുഹമ്മദ്, സാദിഖ് ഖത്തര്‍, സലാം ലണ്ടന്‍, ആസിഫ് ബി.എ, ലത്തീഫ് സി.എ, മുഹമ്മദ് മേനത്ത്, എസ്.എ അബ്ദുല്‍റഹ്മാന്‍, നിസാര്‍ പുത്തൂര്‍, അബു കല്പുര, അബു ചെറിയ ആലംപാടി, ശിഹാബ് സി.എം, ഉമ്മര്‍ പൊഡോള്‍സ്‌കി, അനസ് മിഹ്‌റാജ്, കബീര്‍ മിഹ്‌റാജ്, അറഫത്ത് എസ്.ടി, കബീര്‍ മേനത്ത്, ഷെഫീല്‍ സി.എച്ച്, ബഷീര്‍ ദേളി, മുനൈസ് എ.ആര്‍, മഹമൂദ് കരോടി, തസ്‌രീഫ് ജോണ്‍, അദ്രാ മേനത്ത്, ജാബിര്‍ ജാബു, ജൗഹര്‍, സിദ്ദിഖ് ബിസ്മില്ലാ, ഹാരിസ് എ.എം, റിയാസ് ടി.എ, അഷ്‌റഫ് ടി.എം.എ, മണി സലൂണ്‍ നേതൃത്വം നല്‍കി. ട്രഷര്‍ മുനീര്‍ ഖത്തര്‍ നന്ദി പറഞ്ഞു.



Recent News
  അപകട മുന്നറിയിപ്പ് നല്‍കുന്നതിന് തീരദേശ വില്ലേജ് ഓഫീസുകളില്‍ സ്ഥാപിച്ച മൈക്ക് പ്രവര്‍ത്തന രഹിതം

  ഗ്രന്ഥാലയം ഹോമിയോ ക്ലിനിക്കിന് വഴിമാറുന്നു

  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി