updated on:2018-01-12 04:47 PM
സഅദിയ്യയില്‍ ഉള്ളാള്‍ തങ്ങള്‍-എം.എ.ഉസ്താദ് ആണ്ട് നേര്‍ച്ച 14ന് തുടങ്ങും

www.utharadesam.com 2018-01-12 04:47 PM,
കാസര്‍കോട്: സയ്യിദ് അബ്ദുല്‍ റഹ്മാന്‍ അല്‍ ബുഖാരി ഉള്ളാള്‍ തങ്ങളുടെയും എം.എ.അബ്ദുല്‍ ഖാദര്‍ മുസ്ലിയാരുടെയും ആണ്ട് നേര്‍ച്ച 14 മുതല്‍ 16 വരെ ദേളി ജാമിഅ സഅദിയ്യയില്‍ നടക്കും.
14ന് രാവിലെ 7 മണിക്ക് എട്ടിക്കുളത്ത് താജുല്‍ ഉലമ മഖ്ബറ സിയാറത്തിന് സയ്യിദ് ഹാമിദ് ഇമ്പിച്ചിക്കോയ തങ്ങള്‍ കൊയിലാണ്ടിയും 9.30ന് നൂറുല്‍ ഉലമ എം.എ ഉസ്താദിന്റെ മഖ്ബറ സിയാറത്തിന് സയ്യിദ് ഹസന്‍ അഹദല്‍ തങ്ങളും നേതൃത്വം നല്‍കും. സ്വാഗത സംഘം ചെയര്‍മാന്‍ സയ്യിദ് മുഹമ്മദ് ഇബ്രാഹീം പൂക്കുഞ്ഞി തങ്ങള്‍ പതാക ഉയര്‍ത്തും.
10.30ന് കുടുംബ സംഗമം സയ്യിദ് ഇസ്മായില്‍ തങ്ങള്‍ പാനൂരിന്റെ പ്രാര്‍ഥനയോടെ തുടങ്ങും. കല്ലട്ര മാഹിന്‍ ഹാജിയുടെ അധ്യക്ഷതയില്‍ സയ്യിദ് കെ.എസ് മുഖ്താര്‍ തങ്ങള്‍ കുമ്പോല്‍ ഉദ്ഘാടനം ചെയ്യും. മനഃശാസ്ത്ര വിദഗ്ധന്‍ ഡോ. മുഹ്‌സിന്‍ ക്ലാസ്സെടുക്കും. പ്രാര്‍ത്ഥനക്ക് സയ്യിദ് മുഹമ്മദ് സുഹൈല്‍ അസ്സഖാഫ് തങ്ങള്‍ മടക്കര നേതൃത്വം നല്‍കും.
വൈകിട്ട് 4.30ന് ഉദ്ഘാടനം സമ്മേളനം സയ്യിദ് മുട്ടം കുഞ്ഞിക്കോയ തങ്ങളുടെ പ്രാര്‍ത്ഥനയോടെ തുടങ്ങും. എ.പി അബ്ദുല്ല മുസ്ലിയാര്‍ മാണിക്കോത്തിന്റെ അധ്യക്ഷതയില്‍ കര്‍ണാടക മന്ത്രി യു.ടി ഖാദര്‍ ഉദ്ഘാടനം ചെയ്യും. എം.എല്‍.എമാരായ കെ. കുഞ്ഞിരാമന്‍, എന്‍.എ നെല്ലിക്കുന്ന് എന്നിവര്‍ മുഖ്യാതിഥികളായിരിക്കും. വൈകിട്ട് 6.30ന് ജലാലിയ്യ ദിക്‌റ് ഹല്‍ഖക്ക് സയ്യിദ് ജഅ്ഫര്‍ സാദിഖ് തങ്ങള്‍ കുമ്പോല്‍, സയ്യിദ് സൈനുല്‍ ആബിദീന്‍ മുത്തുക്കോയ തങ്ങള്‍ കണ്ണവം നേതൃത്വം നല്‍കും. എന്‍. അബ്ദുല്‍ ലത്തീഫ് സഅദി പഴശ്ശി ഉദ്‌ബോധനം നടത്തും.
15ന് വൈകിട്ട് 6.30ന് ബുര്‍ദ ആസ്വാദനവും ഇശല്‍ വിരുന്നും നടക്കും. ഹാഫിസ് സാദിഖ് ഫാളിലി ഗൂഡല്ലൂര്‍, കോയ കാപ്പാട് കോഴിക്കോട്, ഗഫാര്‍ സഅദി രണ്ടാത്താണി നേതൃത്വം നല്‍കും.
16ന് രാവിലെ 10.30ന് സഅദി സംഗമം സയ്യിദ് ജലാലുദ്ദീന്‍ ബുഖാരി സഅദിയുടെ പ്രാര്‍ത്ഥനയോടെ തുടങ്ങും. ബേക്കല്‍ ഇബ്രാഹിം മുസ്ലിയാരുടെ അധ്യക്ഷതയില്‍ കുമ്പോല്‍ കെ.എസ് ആറ്റക്കോയ തങ്ങള്‍ ഉദ്ഘാടനം ചെയ്യും. മുന്‍ ഐ.എസ്.ആര്‍.ഒ ശാസ്ത്രജ്ഞന്‍ ഡോ. അബ്ദുല്‍ സലാം വിഷയാവതരണം നടത്തും.
ഉച്ചക്ക് 2ന് പ്രവാസി മീറ്റ് തുടങ്ങും. താജുല്‍ ഉലമ-നൂറുല്‍ ഉലമ മൗലിദിന് സ്വാലിഹ് സഅദി തളിപ്പറമ്പ്, സൈതലവി ഖാസിമി നേതൃത്വം നല്‍കും. 4.30ന് ഖത്മുല്‍ ഖുര്‍ആന്‍ പ്രാര്‍ത്ഥനാ സദസ്സിന് സമസ്ത കേന്ദ്ര മുശാവറ അംഗം സയ്യിദ് ഹാമിദ് കോയമ്മ തങ്ങള്‍ മാട്ടൂല്‍ നേതൃത്വം നല്‍കും.
വൈകിട്ട് 5ന് സമാപന പ്രാര്‍ത്ഥന സമ്മേളനം ആരംഭിക്കും. സയ്യിദ് അലി ബാഫഖി തങ്ങള്‍ പ്രാര്‍ത്ഥന നടത്തും. സഅദിയ്യ പ്രസിഡണ്ട് കുമ്പോല്‍ സയ്യിദ് കെ.എസ് ആറ്റക്കോയ തങ്ങളുടെ അധ്യക്ഷതയില്‍ സമസ്ത വൈസ് പ്രസിഡണ്ട് എം. അലിക്കുഞ്ഞി മുസ്ലിയാര്‍ ഷിറിയ ഉദ്ഘാടനം ചെയ്യും. കാന്തപുരം എ.പി അബൂബക്കര്‍ മുസ്ലിയാര്‍ മുഖ്യപ്രഭാഷണം നടത്തും.
കേരള മുസ്ലിം ജമാഅത്ത് ജനറല്‍ സെക്രട്ടറി സയ്യിദ് ഇബ്രാഹീം ഖലീല്‍ ബുഖാരി അനുസ്മരണ പ്രഭാഷണം നടത്തും. യേനപ്പോയ അബ്ദുല്ല ഹാജി, അബ്ദുല്‍ റഹ്മാന്‍ ഹാജി കുറ്റൂര്‍, കണച്ചൂര്‍ മോണു ഹാജി മുഖ്യാതിഥികളായിരിക്കും. കൂറ്റമ്പാറ അബ്ദുല്‍ റഹ്മാന്‍ ദാരിമി പ്രഭാഷണം നടത്തും.
പത്രസമ്മേളനത്തില്‍ സയ്യിദ് ഇബ്രാഹീം പൂക്കുഞ്ഞി തങ്ങള്‍ കല്ലക്കട്ട, അബ്ദുല്‍ ഹമീദ് മൗലവി ആലംപാടി, അബ്ദുല്‍ ഖാദര്‍ ഹാജി മുല്ലച്ചേരി, പള്ളങ്കോട് അബ്ദുല്‍ ഖാദര്‍ മദനി, കൊല്ലമ്പാടി അബ്ദുല്‍ ഖാദര്‍ സഅദി, മുക്രി ഇബ്രാഹിം ഹാജി, സലാഹുദ്ദീന്‍ അയ്യൂബി, അബ്ദുല്‍ കരീം ഹാജി തളങ്കര, അബ്ദുല്ല ഹാജി കളനാട് തുടങ്ങിയവര്‍ സംബന്ധിച്ചു.



Recent News
  റമദാന്‍ 25-ാം രാവില്‍ സഅദിയ്യയില്‍ പ്രാര്‍ത്ഥനാ സമ്മേളനം; സ്വാഗത സംഘം രൂപീകരിച്ചു

  രാജ്യത്ത് സ്ത്രീകള്‍ക്കും കുട്ടികള്‍ക്കുമെതിരെ നടക്കുന്ന കാര്യങ്ങള്‍ ഭീതിയുണര്‍ത്തുന്നവ-ശാന്തമ്മ ഫിലിപ്പ്

  ജനപ്രതിനിധികളുടെ താല്‍പര്യക്കുറവ് മാപ്പിള കലാകേന്ദ്രം മൊഗ്രാലിന് നഷ്ടപ്പെടാന്‍ കാരണമായി -സി.പി.എം

  പരാതികള്‍ അന്വേഷിക്കുന്ന പൊലീസ് പിന്നീട് തിരിഞ്ഞുനോക്കുന്നില്ല; പരിഹാരമില്ലാതെ വയോജനങ്ങളുടെ പ്രശ്‌നങ്ങള്‍

  സി.പി.ഐ പാര്‍ട്ടി കോണ്‍ഗ്രസ്; പതാക ജാഥക്ക് കയ്യൂരില്‍ തുടക്കം

  ഡോ. സജേഷ് പി. തോമസിന് മേരിക്യൂറി അവാര്‍ഡ്

  പഴയകാല സഹപാഠികള്‍ 15 ലക്ഷം രൂപയുടെ പ്രൊജക്ട് ബെദിര പി.ടി.എം സ്‌കൂളിന് സമര്‍പ്പിച്ചു

  അണ്ടര്‍-19 ജില്ലാ ടീമിനെ അഭിജിത് നയിക്കും

  ജില്ലാ ഫുട്‌ബോള്‍ ചാമ്പ്യന്‍ഷിപ്പിന് തുടക്കമായി

  ഇശല്‍ ഗ്രാമത്തിന്റെ യശസ്സുയര്‍ത്തിയ പ്രതിഭകള്‍ക്ക് ആദരം

  സമാധാന സന്ദേശവുമായി ജെ.സി.ഐ കാസര്‍കോടിന്റെ സൈക്കിള്‍ റാലി 19ന്

  ദശവാര്‍ഷികാഘോഷവും അവാര്‍ഡ് ദാനവും നാളെ

  ഐ.എന്‍.എല്‍. വജ്ര ജൂബിലി ആഘോഷം 23ന്

  ചെമ്മനാട് ജമാഅത്ത് കമ്മറ്റി: സി.ടി. വീണ്ടും പ്രസിഡണ്ട് ; കെ.മുഹമ്മദ് കുഞ്ഞി മാസ്റ്റര്‍ ജന. സെക്ര.

  സ്‌കൂള്‍ ഉദ്ഘാടനം: തളങ്കര പടിഞ്ഞാറില്‍ കലാമേളയും ഗാനമേളയും ആസ്വദിക്കാനെത്തിയത് ആയിരങ്ങള്‍