updated on:2018-02-12 04:25 PM
അവഗണനക്കെതിരെ ഇശല്‍ ഗ്രാമം പാട്ട് പാടി പ്രതിഷേധിച്ചു

www.utharadesam.com 2018-02-12 04:25 PM,
മൊഗ്രാല്‍. മാപ്പിളപ്പാട്ടിനെ അനുഷ്ഠാനം പോലെ കൊണ്ട് നടക്കുന്ന ഇശല്‍ ഗ്രാമത്തിന്റെ തേങ്ങലായി മാറി മൊഗ്രാല്‍ ഫ്രണ്ട്‌സ് ക്ലബ്ബ് സംഘടിപ്പിച്ച പ്രതിഷേധ കൂട്ടായ്മ. നാട്ടുക്കാരും കലാകാരന്‍മാരും സന്നദ്ധ സംഘടനാ പ്രവര്‍ത്തകരും ഒത്തുചേര്‍ന്ന കൂട്ടായ്മയില്‍ ഇശല്‍ ഗ്രാമത്തോടുള്ള അധികൃതരുടെ അവഗണനയ്‌ക്കെതിരെ പാട്ട് പാടി തന്നെ പ്രതിഷേധമറിയിച്ചത് വേറിട്ട കാഴ്ചയായി. മൊഗ്രാല്‍ മാപ്പിള കലാ പഠന ഗവേഷണ കേന്ദ്രം മൊഗ്രാലില്‍ നിലനിര്‍ത്താതെ കൊണ്ടോട്ടി മോയിന്‍കുട്ടി വൈദ്യര്‍ അക്കാദമിയുടെ ഉപകേന്ദ്രം നാദാപുരത്ത് ഇന്നലെ ഉദ്ഘാടനം ചെയ്യുന്നതില്‍ പ്രതിഷേധിച്ചായിരുന്നു ഫ്രണ്ട്‌സ് ക്ലബ്ബിന്റെ നേതൃത്വത്തില്‍ മൊഗ്രാല്‍ ടൗണില്‍ പ്രതിഷേധ കൂട്ടായ്മ സംഘടിപ്പിച്ചത്. ഇശല്‍ ഗ്രാമത്തില്‍ നിരാശയുടെ നെടുവീര്‍പ്പുകളാണ് ഉയരുന്നതെന്നും നാടിന്റെ പൈതൃകം നിലനിര്‍ത്താനും പാരമ്പര്യം പഠിക്കാനും പുതിയ തലമുറയ്ക്കുള്ള അവസരം സര്‍ക്കാറും ജനപ്രതിനിധികളും ഇല്ലാതാക്കിയതിലുള്ള പ്രതിഷേധമാണ് ഈ കൂട്ടായ്മയെന്ന് പരിപാടി ഉദ്ഘാടനം ചെയ്ത് എ.കെ. അബ്ദുല്‍ റഹ്മാന്‍, എസ്.കെ. ഇഖ്ബാല്‍ എന്നിവര്‍ പറഞ്ഞു. ഗാനം ആലപിച്ചു ഉദ്ഘാടനം ചെയ്യുകയായിരുന്നു ഇരുവരും. ഫ്രണ്ട്‌സ് ക്ലബ്ബ് ചെയര്‍മാന്‍ എം.എ. മൂസ ചടങ്ങില്‍ അധ്യക്ഷത വഹിച്ചു ഉറുദു അക്കാദമി ചെയര്‍മാന്‍ എം. മാഹിന്‍ മാസ്റ്റര്‍, ബഷീര്‍ അഹമ്മദ് സിദ്ധീഖ്, എം.സി കുഞ്ഞഹമ്മദ്, ടി.എം. ശുഹൈബ്, ടി.കെ.അന്‍വര്‍, അബ്ദുല്ല കുണിയ, ജാഫര്‍ പേരാല്‍, ഖാലിദ് മൊഗ്രാല്‍, എം.എസ്. മുഹമ്മദ് കുഞ്ഞി, മുഹമ്മദാലി കൊപ്പളം, എം.വി. മുഹമ്മദ്, പി.വി. അന്‍വര്‍, എം.എ. മുഹമ്മദ് കുഞ്ഞി, എച്ച്.എ. ഖാലിദ്, ശരീഫ് ഗല്ലി, അന്‍വര്‍ അഹ്മദ്, മുഹമ്മദ് അബ്‌കോ, മുഹമ്മദ് മൈമൂന്‍ നഗര്‍, എം.എസ്. അബ്ദുല്ല, സിദ്ധിഖ് പി.എസ്, മുഹമ്മദ് കുഞ്ഞി, ശറഫുദ്ധീന്‍, കെ.വി. അഷ്‌റഫ്, താജുദ്ധീന്‍, എം.എസ്. അഷ്‌റഫ് പ്രസംഗിച്ചു എം.പി.എ.ഖാദര്‍ സ്വാഗതവും ജംഷീര്‍ പേരാല്‍ നന്ദിയും പറഞ്ഞു.



Recent News
  സ്‌നേഹ സന്ദേശം പകര്‍ന്ന് തെരുവത്ത് ഫൗണ്ടേഷന്റെ ഇഫ്താര്‍ വിരുന്ന്

  'വഴിയോര കച്ചവടക്കാരുടെ പുനരധിവാസം വേഗത്തിലാക്കണം'

  അമ്മങ്കോട് ജംഗ്ഷന്‍-തൈവളപ്പ് റോഡ് തുറന്നു കൊടുത്തു

  ടീം അമാസ്‌ക് സന്തോഷ് നഗര്‍ റമദാന്‍ റിലീഫ് നടത്തി

  ഉദുമയില്‍ കെ.എസ്.ടി.പി.റോഡ് നിര്‍മ്മാണം പാതിവഴിയില്‍; വികസന സമിതി വീണ്ടും പ്രക്ഷോഭത്തിലേക്ക്

  ദീര്‍ഘദൂര യാത്രക്കാര്‍ക്ക് സൗജന്യ നോമ്പുതുറ വിഭവങ്ങളൊരുക്കി തെരുവത്ത് ഹൈദ്രോസ് പള്ളി കമ്മിറ്റി

  ഉത്സവാന്തരീക്ഷത്തില്‍ പാണ്ടിക്കണ്ടം റഗുലേറ്റര്‍ കം ബ്രിഡ്ജ് നാടിന് തുറന്നു കൊടുത്തു

  കാഞ്ഞങ്ങാട്ട് നഗരത്തില്‍ നടപ്പാക്കുന്ന ഫ്‌ളൈ ഓവറിനെ ചൊല്ലി വിവാദം

  പുസ്തക ചര്‍ച്ച സംഘടിപ്പിച്ചു

  ആസ്‌ക് ആലംപാടിയുടെ പ്രവര്‍ത്തനം പ്രശംസനീയം-എം.എല്‍.എ

  വിനോദ സഞ്ചാരകേന്ദ്രങ്ങള്‍ നടത്തിപ്പിന് നല്‍കുന്നു

  സംസ്ഥാന സര്‍ക്കാര്‍ മൂന്നാം വര്‍ഷത്തിലേക്ക്; ജില്ലാതല ഉദ്ഘാടനം കാഞ്ഞങ്ങാട്ട്

  സഹപാഠിക്ക് സ്‌നേഹ വീടൊരുക്കി പൂര്‍വ്വ വിദ്യാര്‍ഥികള്‍

  നാലുമാസമായി സെക്രട്ടറിയില്ല; നീലേശ്വരം നഗരസഭയില്‍ ഭരണം സ്തംഭനാവസ്ഥയില്‍

  വിദ്യാഭ്യാസ രംഗത്തെ മുന്നേറ്റം ആഹ്ലാദം പകരുന്നത് -ഡോ. ടി.പി അഹമ്മദലി