updated on:2018-03-12 06:46 PM
പാട്ടുപാടിയും കഥപറഞ്ഞും മുതിര്‍ന്ന സ്ത്രീകള്‍ ഒത്തുകൂടി

www.utharadesam.com 2018-03-12 06:46 PM,
കാസര്‍കോട്: പാട്ടുപാടിയും കഥപറഞ്ഞും പഴയ കാല ഓര്‍മ്മകളുമായി മുതിര്‍ന്ന സ്ത്രീകള്‍ ഒത്തുകൂടി. അന്താരാഷ്ട്ര വനിതാ ദിനാചരണത്തിന്റെ ഭാഗമായി ജമാഅത്തെ ഇസ്ലാമി വനിതാ വിഭാഗം ഏരിയ സമിതി പ്രായം അമ്പത് കഴിഞ്ഞ സ്ത്രീകള്‍ക്കായി പരവനടുക്കം ആലിയ കിന്റര്‍ഗാര്‍ഡന്‍ പ്ലേ ഗ്രൗണ്ടില്‍ സംഘടിപ്പിച്ച 'സ്‌നേഹസ്പര്‍ശം' പരിപാടിയിലാണ് അവര്‍ പ്രായം മറന്ന് ഒത്തുകൂടിയത്. പരിപാടി പങ്കാളിത്തം കൊണ്ടും സംഘാടക മികവ് കൊണ്ടും ശ്രദ്ധേയമായി. പ്രായത്തിന്റെ അവശത മറന്നാണ് സ്ത്രീകള്‍ ഒത്തുകൂടിയത്. പാട്ടും കഥയും കളികളുമായി ഒരു ദിനം അവര്‍ ആഘോഷിച്ചു.
പാഠപുസ്തകത്താളില്‍ പണ്ടെന്നോ പഠിച്ച് മറന്നത് അവര്‍ ഓര്‍ത്തുപാടി.
സ്പൂണ്‍ കടിച്ച് പിടിച്ച് അതിലെ ചെറുനാരങ്ങ വീഴാതെ സൂക്ഷിച്ച് മുന്നോട്ട് ഓടിയും കുനിഞ്ഞിരുന്ന് ആവേശത്തോടെ മിഠായി പെറുക്കിയും ബലൂണ്‍ ഊതിവീര്‍പ്പിച്ചും ബലൂണ്‍ പെട്ടിച്ചും അവര്‍ ഒരു ദിനം കുട്ടികളായി മാറി. ബേബി അമ്മ, സുബൈദ കൈന്താര്‍ എന്നിവരുടെ നാടന്‍ പാട്ടും, ജമീല, ആയിഷ ചെമ്പിരിക്ക, നഫീസ, റുഖിയ, നുസൈബ, ആയിഷ, സഫിയ, മൈമൂന, മറിയുമ്മ ചെമ്പിരിക്ക തുടങ്ങിയവരുടെ മാപ്പിള പാട്ടും ഏറെ ഹൃദ്യമായിരുന്നു. മത്സര വിജയികള്‍ക്ക് സമ്മാനങ്ങളും വിതരണം ചെയ്തു. പരിപാടി ഷഫീക്ക് നസ്‌റുല്ല നിയന്ത്രിച്ചു. ജമാഅത്തെ ഇസ്‌ലാമി വനിതാ വിഭാഗം നേതാക്കളായ എം.എച്ച് തഷ്‌രീഫ്, അസ്മ അബ്ബാസ്, സമീറ ഖലീല്‍, സമീറ ഫസല്‍, ആയിഷ ഹഫീസ് എന്നിവര്‍ പരിപാടികള്‍ക്ക് നേതൃത്വം നല്‍കി.



Recent News
  27 ന് സംസ്ഥാനത്ത് റേഷന്‍ കടകള്‍ തുറക്കില്ല

  എ.കെ.ഡി.എ ജില്ലാ കമ്മിറ്റി: മാഹിന്‍ കോളിക്കര പ്രസി., ജി.എസ്. ശശിധരന്‍ സെക്ര.

  ആവേശം പകര്‍ന്ന് യു.ഡി.എഫ് തിരഞ്ഞെടുപ്പ് കണ്‍വെന്‍ഷന്‍

  സി.പി.എം മണ്ഡലം കമ്മിറ്റി യോഗങ്ങള്‍ക്ക് മുഖ്യമന്ത്രി പിണറായി വിജയന്‍ നേരിട്ട് മേല്‍നോട്ടം വഹിച്ചു

  ഇവിടെ കുട്ടികള്‍ക്ക് അവധിക്കാലമല്ല; ഇത് വായനയുടെ വസന്തകാലം

  തിരഞ്ഞെടുപ്പ്; കലക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു

  1418-ാം സ്ഥാപക വാര്‍ഷിക നിറവില്‍ തളങ്കര മാലിക് ദീനാര്‍ വലിയ പള്ളി

  ചെങ്കള ശിഹാബ് തങ്ങള്‍ ഇസ്ലാമിക് അക്കാദമി ഉദ്ഘാടനം ചെയ്തു

  സിവില്‍ സ്റ്റേഷന്‍ ക്ഷണിക്കുന്നു; പുതിയ വോട്ടിങ് സംവിധാനം കാണാന്‍

  എന്‍.എം.സി.സി. ഡിജിറ്റല്‍ മാര്‍ക്കറ്റിംഗ് പരിശീലനം സംഘടിപ്പിച്ചു

  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍