updated on:2018-04-14 03:11 PM
ചാല ബി.എഡ്. സെന്ററിനോട് അവഗണന; നാല് അധ്യാപകേതര തസ്തികകള്‍ ഒറ്റയടിക്ക് നിര്‍ത്തലാക്കി

www.utharadesam.com 2018-04-14 03:11 PM,
കാസര്‍കോട്: വിദ്യാനഗര്‍ ചാലയിലെ ബി.എഡ്. സെന്റര്‍ അനുഭവിക്കുന്ന ദുരിതാവസ്ഥ സംബന്ധിച്ച് പി.ടി.എ. ഭാരവാഹികള്‍ മുഖ്യമന്ത്രിക്ക് നിവേദനം നല്‍കി. 22 വര്‍ഷമായി പ്രവര്‍ത്തിക്കുന്ന ബി.എഡ്. സെന്ററില്‍ ഇതുവരെയായി ഒരു സ്ഥിരം അധ്യാപകനെ പോലും നിയമിച്ചിട്ടില്ലെന്നും കന്നഡ, മലയാളം വിഷയങ്ങളില്‍ ദിവസ വേതനാടിസ്ഥാനത്തിലാണ് അധ്യാപകര്‍ ഉള്ളതെന്നും നിവേദനത്തില്‍ പറയുന്നു. ഒരു മാസത്തിനിടെ നാല് സ്ഥിരം അധ്യാപകേതര തസ്തികകള്‍ യൂണിവേഴ്‌സിറ്റി നിര്‍ത്തലാക്കി. ലൈബ്രേറിയന്‍, അറ്റന്‍ഡര്‍, ടൈപ്പിസ്റ്റ്, സെക്യൂരിറ്റി എന്നീ തസ്തികകളാണ് ഒറ്റയടിക്ക് പന്‍വലിച്ചത്. ഇക്കാര്യത്തില്‍ പരാതിയുമായി ചെന്നപ്പോള്‍ കാസര്‍കോട് സെന്റര്‍ താല്‍ക്കാലികമാണെന്നും കണ്ണൂര്‍ യൂണിവേഴ്‌സിറ്റിയുടെ ഒരു എക്സ്റ്റന്‍ഷന്‍ കൗണ്ടര്‍ മാത്രമാണ് ഇതെന്നുമുള്ള മറുപടിയാണ് യൂണിവേഴ്‌സിറ്റി അധികാരികളില്‍ നിന്ന് ലഭിച്ചത്. നേരത്തെ നിലവിലുണ്ടായിരുന്ന എം.സി.എ, എം.ബി.എ. കോഴ്‌സുകള്‍ യൂണിവേഴ്‌സിറ്റി നിര്‍ത്തലാക്കിയിരുന്നു. അക്കാദമി കാര്യങ്ങളില്‍ മികച്ച നിലവാരം പുലര്‍ത്തുന്ന സ്ഥാപനമാണിത്. 50 അഡ്മിഷന്‍ വേണ്ടിടത്ത് ഓരോ വര്‍ഷവും 700 ലധികം അപേക്ഷകളാണ് ലഭിക്കുന്നത്. അതുകൊണ്ട് തന്നെ പ്രവേശനം ഓരോ വര്‍ഷവും 100 ആയി ഉയര്‍ത്തണമെന്നും എം.എഡ്. കോഴ്‌സുകൂടി അനുവദിക്കണമെന്നും പി.ടി.എ. ചെയര്‍മാന്‍ കെ. ബാലകൃഷ്ണന്‍, കണ്‍വീനര്‍ പി.സി. ജയചന്ദ്രന്‍ എന്നിവര്‍ മുഖ്യമന്ത്രിക്ക് നല്‍കിയ നിവേദനത്തില്‍ ആവശ്യപ്പെട്ടു. കാമ്പസ് കാസര്‍കോട്ട് തന്നെ നിലനിര്‍ത്തണമെന്നും ഒരു ഗവ.കോളേജ് ആക്കി ഉയര്‍ത്താനുള്ള നടപടികള്‍ ഉണ്ടാവണമെന്നും നിവേദനത്തില്‍ ആവശ്യപ്പെട്ടു.



Recent News
  എന്‍.എം.സി.സി. ഡിജിറ്റല്‍ മാര്‍ക്കറ്റിംഗ് പരിശീലനം സംഘടിപ്പിച്ചു

  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍

  ജെ.സി.ഐ. കാസര്‍കോട് സൗജന്യ മെഗാ മെഡിക്കല്‍ ക്യാമ്പ് നടത്തി

  ബിലാത്തിക്കുഴല്‍ പ്രദര്‍ശിപ്പിച്ചു; അണിയറ പ്രവര്‍ത്തകര്‍ക്ക് ആദരം

  ലോക്‌സഭാ തിരഞ്ഞെടുപ്പ്; പരിശോധന കര്‍ശനമാക്കി

  എന്‍ഡോസള്‍ഫാന്‍ ദുരിതബാധിതരുടെ കലക്ടറേറ്റ് മാര്‍ച്ച് 19ന്

  മണ്ണെണ്ണ പെര്‍മിറ്റ് വൈകുന്നു; മലയോരത്ത് കര്‍ഷകരുടെ പ്രതിഷേധം ഉയരുന്നു

  കാര്‍ഷികാവശ്യങ്ങള്‍ക്കുള്ള വൈദ്യുതി വിച്ഛേദിച്ചതില്‍ പ്രതിഷേധം

  രാജ്യാന്തര ചലചിത്രോത്സവങ്ങളിലെ പ്രതിഭക്ക് കാസര്‍കോടിന്റെ ആദരം ഇന്ന്

  കല്ല്യോട്ടിന്റെ നൊമ്പരങ്ങളിലേക്ക് മഴയായി പെയ്തിറങ്ങി രാഹുല്‍...

  പ്രതിഷേധം മുറുകി; കൃഷിവകുപ്പ് 'അക്കോമിന്‍' തളിക്കുന്നത് ഉപേക്ഷിച്ചു