updated on:2018-05-12 06:11 PM
അരയി മധുരത്തിന് വിട; കൊടക്കാട് ഇനി മേലാങ്കോട്ട്

www.utharadesam.com 2018-05-12 06:11 PM,
കാഞ്ഞങ്ങാട്: ഒരു ഗ്രാമം തന്നോടാവശ്യപ്പെട്ട കര്‍ത്തവ്യങ്ങളെല്ലാം നിര്‍വ്വഹിച്ച് കൊടക്കാട് നാരായണന്‍ മാസ്റ്റര്‍ അരയിയോട് വിട ചൊല്ലി. പുതിയ തട്ടകമായ മേലാങ്കോട്ട് എ.സി.കണ്ണന്‍ നായര്‍ സ്മാരക ഗവ.യു.പി.സ്‌കൂളില്‍ അരയി കൂട്ടായ്മയുടെ അകമ്പടിയോടെ ചാര്‍ജെടുത്തു. ഗ്രാപ്രദേശങ്ങളില്‍ ആരുമാരും ശ്രദ്ധിക്കപ്പെടാതെ കിടക്കുന്ന വിദ്യാലയങ്ങളെ ആസൂത്രണമികവിലൂടെ ഉന്നത നിലവാരത്തിലെത്തിക്കുക വഴി വിദ്യാഭ്യാസപ്രവര്‍ത്തകര്‍ക്കിടയില്‍ വേറിട്ട് നില്‍ക്കുന്ന നാമമാണ് ദേശീയ അധ്യാപക അവാര്‍ഡ് ജേതാവ് കൂടിയായ കൊടക്കാട് നാരായണന്‍ എന്ന അധ്യാപകന്റേത്.
അധ്യാപകനായി ജോലി ചെയ്ത കാലം തൊട്ട് ഓരോ വിദ്യാലയത്തിലും അദ്ദേഹം കാഴ്ച വെച്ച വ്യത്യസ്തമായ പ്രവര്‍ത്തനങ്ങള്‍ ഇപ്പോള്‍ അരയി പെരുമയില്‍ എത്തി നില്‍ക്കുന്നു. കാഞ്ഞങ്ങാട് നഗരസഭ പരിധിയിലെ തികച്ചും ഗ്രാമീണ അന്തരീക്ഷത്തിലുള്ള വിദ്യാലയമായ അരയി ഗവ.യു.പി.സ്‌കൂള്‍ നഗരവിദ്യാലയങ്ങളോടുള്ള കമ്പം നിമിത്തം ഒറ്റപ്പെട്ടു കഴിഞ്ഞിരുന്ന ഈ വിദ്യാലയത്തിലെ സാധാരണക്കാരായ വിദ്യാര്‍ഥികള്‍ക്കു വേണ്ടി ഇദ്ദേഹം ആവിഷ്‌കരിച്ച് നടപ്പിലാക്കിയ പ്രവര്‍ത്തനങ്ങള്‍ രാജ്യാന്തര ശ്രദ്ധ പിടിച്ചുപറ്റിയവയാണ്. പൊതുവിദ്യാഭ്യാസ സംരക്ഷണ യജ്ഞം ആരംഭിക്കുന്നതിന് ദശാബ്ദങ്ങള്‍ക്ക് മുമ്പ് തന്നെ കൊടക്കാട് നാരായണന്‍ മാസ്റ്ററുടെ നൂതനപരീക്ഷണങ്ങള്‍ ദേശീയ വിദ്യാഭ്യാസ ഗവേഷണ കൗണ്‍സില്‍ പോലും അംഗീകരിച്ചിരുന്നു. സംസ്ഥാനത്തെ വിദ്യാലയങ്ങള്‍ ആയിരം സാധ്യായ മണിക്കൂറുകള്‍ തികയ്ക്കാന്‍ പാടുപെടുമ്പോള്‍ അന്തരിച്ച മുന്‍ രാഷ്ട്രപതി എ.പി.ജെ. അബ്ദുള്‍ കലാമിന്റെ സ്മരണാര്‍ത്ഥം കഴിഞ്ഞ രണ്ടു വര്‍ഷമായി കലാമിന്റെ പിരിയഡ് എന്ന പേരില്‍ പ്രതിദിനം 45 പിരിയഡ് ദൈര്‍ഘ്യമുള്ള പിരിയഡ് അധികമായി എടുത്ത് 1200 മണിക്കൂര്‍ പൂര്‍ത്തിയാക്കി ദേശീയ സെമിനാറിലടക്കം ശ്രദ്ധ പിടിച്ചുപറ്റി.
പഠനത്തോടൊപ്പം ചിട്ടയാര്‍ന്ന രീതിയില്‍ പഠനാനുബന്ധ പ്രവര്‍ത്തനങ്ങളും ഏകോപിപ്പിച്ചാണ് അരയിയിലെ പഠനം.
പ്രധാനാധ്യാപകനായി ഗ്രാമീണ വിദ്യാലയങ്ങളെ മാത്രം തിരഞ്ഞെടുത്തിരുന്ന കൊടക്കാട് മാഷ് എത്തുന്ന മേലാക്കോട്ട് എ.സി. കണ്ണന്‍ നായര്‍ സ്മാരക ഗവ.യു.പി. സ്‌കൂള്‍ നഗരപരിധിയിലെ ഗ്രാമീണ വിദ്യാലയമാണെന്ന പ്രത്യേകത കൂടിയുണ്ട്.
വിദ്യാഭ്യാസ മേഖലയിലെ വേറിട്ട പ്രവര്‍ത്തനളും വാര്‍ത്തകളും ഇനി നമ്മെ കാത്തിരിക്കുന്നത് മേലാങ്കോട്ട് നിന്നാണ്.
വിദ്യാഭ്യാസ പ്രവര്‍ത്തകരുടെ കണ്ണും കാതും ഇനി അങ്ങോട്ടാവും.



Recent News
  പാണത്തൂര്‍ പി.എച്ച്.സിക്ക് പുതിയ കെട്ടിടം; കിടത്തി ചികിത്സ സൗകര്യം വേണമെന്ന് പഞ്ചായത്ത്

  രോഗനിര്‍ണ്ണയത്തിലും നിവാരണത്തിലും ഡോക്യുമെന്റേഷന്‍ അത്യാവശ്യഘടകം-അശോക് രാമന്‍

  ടി.കെ. നാരായണനും ഡോ.റിജിത് കൃഷ്ണനും പുരസ്‌കാരം

  ഖാസിയുടെ മരണം: നൂറാം ദിനത്തില്‍ നടന്ന സയ്യിദന്മാരുടെ സംഗമത്തില്‍ പ്രതിഷേധമിരമ്പി

  സൗജന്യ നിയമ സഹായവുമായി കലക്ടറേറ്റില്‍ ലീഗല്‍ എയിഡ് ക്ലിനിക്കിന് തുടക്കമായി

  സോഷ്യല്‍ മീഡിയ വഴി വ്യാജ വാര്‍ത്ത പ്രചരിപ്പിച്ചാല്‍ കര്‍ശന നടപടി -എസ്.പി.

  അരമങ്ങാനം ജംഗ്ഷനില്‍ ബസ് കാത്തിരിപ്പ് കേന്ദ്രം വേണമെന്ന ആവശ്യം ശക്തമാകുന്നു; മന്ത്രിക്ക് നിവേദനം നല്‍കി

  വിനോദിനി നാലപ്പാടം അവാര്‍ഡ് ഇ. പത്മാവതിക്ക്

  വിദ്യാര്‍ത്ഥികള്‍ വ്യത്യസ്തമാവുന്നത് സാമൂഹിക പ്രതിബദ്ധതയിലൂടെ -ഷാഫി പറമ്പില്‍ എം.എല്‍.എ

  പെരിയ എയര്‍സ്ട്രിപ്പ്: നടപടിക്രമങ്ങള്‍ പുരോഗമിക്കുന്നു

  'ഇശലില്‍ കനല്‍ തോറ്റിയ കവി' നാളെ പ്രദര്‍ശിപ്പിക്കും

  ഐ.എ.ഡിയുടെ ചികിത്സാരീതി കേന്ദ്ര ആയുഷ് മന്ത്രാലയത്തിന്റെ പരിഗണനയില്‍-പത്മശ്രീ വൈദ്യ രാജേഷ്

  ഖാസിയുടെ മരണം; സമരം നൂറാം ദിനത്തിലേക്ക്

  സിദ്ദീഖ് നദ്‌വി ചേരൂരിന് കണ്ണാടി ചരിത്ര പുരസ്‌കാരം

  മന്ത് രോഗ നിവാരണം: കൂടുതല്‍ ഗവേഷണ പഠനങ്ങള്‍ ഉണ്ടാവണം -പ്രൊഫ. ടെറന്‍സ് ജെ.റെയാന്‍