updated on:2018-06-06 01:36 PM
ജില്ലാ പൊലീസ് നെല്ലിക്കുന്നില്‍ സംഘടിപ്പിച്ച ഇഫ്താര്‍ സംഗമവും സമൂഹ നോമ്പ് തുറയും സൗഹാര്‍ദ്ദ സംഗമമായി

www.utharadesam.com 2018-06-06 01:36 PM,
കാസര്‍കോട്: ജില്ലാ പൊലീസ് മേധാവി ഡോ. ശ്രീനിവാസന്‍ മുന്‍കൈയെടുത്ത് ഇന്നലെ നെല്ലിക്കുന്ന് അന്‍വാറുല്‍ ഉലൂം എ.യു.പി. സ്‌കൂളില്‍ സംഘടിപ്പിച്ച ഇഫ്താര്‍ സംഗമവും സമൂഹ നോമ്പ് തുറയും സൗഹാര്‍ദ്ദ സംഗമമായി മാറി. വിവിധ മതസ്ഥരും ക്ഷേത്ര-പള്ളി കമ്മിറ്റി ഭാരവാഹികളും ഒത്തൊരുമിച്ച സംഗമം വേറിട്ടതായി. എല്ലാ മതങ്ങളും സ്‌നേഹവും സൗഹാര്‍ദ്ദവുമാണ് പഠിപ്പിക്കുന്നതെന്ന് ഇതിന് വിപരീതമായി പ്രവര്‍ത്തിക്കുന്നത് മതങ്ങളെ സ്‌നേഹിക്കുന്നവരല്ലെന്നും ചടങ്ങ് ഉദ്ഘാടനം ചെയ്ത് ജില്ലാ പൊലീസ് മേധാവി പറഞ്ഞു. മതത്തിന്റെ പേരില്‍ സംഘര്‍ഷം സൃഷ്ടിക്കുന്നവരെ സമൂഹം ഒറ്റപ്പെടുത്തണം. ഇത്തരക്കാര്‍ക്കെതിരെ മുഖം നോക്കാതെയാണ് പൊലീസ് നടപടിയെടുക്കുന്നത്. അതിന് സമൂഹത്തിന്റെ പിന്തുണയുണ്ടാവണമെന്നും സംഘര്‍ഷം ഉണ്ടായാല്‍ നാട് വികസിക്കില്ലെന്നും അദ്ദേഹം ഓര്‍മ്മിപ്പിച്ചു.
കാസര്‍കോട് സി.ഐ. സി.എ.അബ്ദുല്‍ റഹീം സ്വാഗതം പറഞ്ഞു. അസിസ്റ്റന്റ് കമാണ്ടര്‍ പ്രേമചന്ദ്രന്‍, ഡി.വൈ.എസ്.പിമാരായ സുകുമാരന്‍, ജയ്‌സണ്‍ കെ. എബ്രഹാം, ഫാദര്‍ മാണി, നെല്ലിക്കുന്ന് ജമാഅത്ത് കമ്മിറ്റി ജനറല്‍ സെക്രട്ടറി ബി.കെ.ഖാദര്‍, കടപ്പുറം കുറുംബ ഭഗവതി ക്ഷേത്രത്തിലെ ഭണ്ടോജി അയത്താര്‍, കുളിയന്‍ വെളിച്ചപ്പാടന്‍, സെക്രട്ടറി വിജേഷ്, നഗരസഭാംഗങ്ങളായ കെ.ജി മനോഹരന്‍, അരുണ്‍ ഷെട്ടി, വിദ്യാനഗര്‍ സി.ഐ. ബാബു പെരിങ്ങോത്ത്, ടി.എ. മഹമൂദ് ബങ്കരക്കുന്ന്, കെ. ഗുരുപ്രസാദ് പ്രഭു, നെല്ലിക്കുന്ന് എ.യു.പി. സ്‌ക്കൂള്‍ മാനേജ് കമ്മിറ്റി പ്രസിഡണ്ട് എന്‍.എം. സുബൈര്‍, ജനറന്‍ സെക്രട്ടറി ഹനീഫ് നെല്ലിക്കുന്ന്, പി.ടി.എ. കമ്മിറ്റി പ്രസിഡണ്ട് ഖമറുദ്ദീന്‍ തായല്‍, വൈസ് പ്രസിഡണ്ട് ഷാഫി തെരുവത്ത്, സ്‌കൂള്‍ ഹെഡ്മാമാസ്റ്റര്‍ എ.കെ. മുഹമ്മദ് കുട്ടി, പ്രിന്‍സിപ്പല്‍ എസ്.ഐ. പി.അജിത്കുമാര്‍, ട്രാഫിക്ക് എസ്.ഐ. പി.എ. ശശികുമാര്‍, ഹമീദ് നെല്ലിക്കുന്ന്, അബ്ദു തൈവളപ്പ്, മഹമൂദ്, അബ്ബാസ് വെറ്റില, മുഹമ്മദ് കുഞ്ഞി ഈസ്റ്റു, അബ്ദുല്‍ റഹ്മാന്‍ തുടങ്ങിയവര്‍ സംബന്ധിച്ചു. കാസര്‍കോട് ജനമൈത്രി സി.ആര്‍.ഒ. കെ.പി.വി. രാജീവന്‍ നന്ദി പറഞ്ഞു.



Recent News
  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി

  ചെര്‍ക്കളത്തിന്റെ ഓര്‍മ്മയ്ക്ക് അനാഥാലയങ്ങളിലെ കുട്ടികള്‍ക്ക് പെരുന്നാള്‍ ഉടുപ്പുമായി ദുബായ് ജില്ലാ കെ.എം.സി.സി.

  എല്‍.സുലൈഖക്ക് ഐ.എന്‍.എല്‍ സ്വീകരണം നല്‍കി

  അരമന ആസ്പത്രിയില്‍ അന്താരാഷ്ട്ര നിലവാരത്തിലുള്ള ദന്ത ചികിത്സ യൂണിറ്റ് പ്രവര്‍ത്തനം തുടങ്ങി

  ചട്ടഞ്ചാല്‍ അര്‍ബന്‍ സൊസൈറ്റി: ഷാനവാസ് പാദൂര്‍ വീണ്ടും പ്രസിഡണ്ട്

  നേതൃപാടവം ജീവിതത്തില്‍ തെളിയിക്കാന്‍ കഴിഞ്ഞ വ്യക്തിയായിരുന്നു ചെര്‍ക്കളം-മന്ത്രി കെ.ടി ജലീല്‍

  മര്‍സാന ബസിന്റെ കാരുണ്യ യാത്രയില്‍ പിരിഞ്ഞുകിട്ടിയത് അരലക്ഷം രൂപ

  ആഗസ്ത് 17 മുതല്‍ ഇന്ദിരാ നഗറില്‍ കാസര്‍കോട് മഹോത്സവം; പന്തലിന് കാല്‍ നാട്ടി

  ഓര്‍മ്മകളുടെ മധുരതീരത്ത് അവര്‍ വീണ്ടും സംഗമിച്ചു

  മരണക്കയത്തില്‍ നിന്ന് രണ്ട് കുട്ടികളെ രക്ഷിച്ച ആബിദിന് സൈക്കിള്‍ സമ്മാനം

  ടൗണ്‍ കോ-ഓപ്പറേറ്റീവ് ബാങ്ക് ഉദ്യോഗിനി പദ്ധതിയും കാഞ്ഞങ്ങാട് ബ്രാഞ്ചും ഉദ്ഘാടനം ചെയ്തു

  സഅദിയ്യക്കൊരു കൈത്താങ്ങ് പദ്ധതിക്ക് തുടക്കം

  ബാലചന്ദ്രന്‍ നീലേശ്വരം അനുസ്മരണം നടത്തി