updated on:2018-07-05 07:21 PM
ദേശീയ പാതയുടെ അറ്റകുറ്റ പ്രവൃത്തി യുദ്ധകാലാടിസ്ഥാനത്തില്‍ നടത്തണം-ലീഗ്

www.utharadesam.com 2018-07-05 07:21 PM,
കാസര്‍കോട്: സമയബന്ധിതമായി അറ്റകുറ്റ പ്രവര്‍ത്തികള്‍ നടത്താത്തത് മൂലം ജില്ലയിലെ ദേശീയ പാത ആകെ തകര്‍ന്നു കിടക്കുകയാണെന്നും ഇത് മൂലം ദേശീയ പാതയില്‍ വാഹന അപകടങ്ങള്‍ നിത്യസംഭവമായി മാറിയിരിക്കുന്നുവെന്നും ഇക്കാര്യത്തില്‍ കേന്ദ്ര സംസ്ഥാന സര്‍ക്കാറുകള്‍ പുലര്‍ത്തുന്ന നിസ്സംഗത അവസാനിപ്പിച്ച് ദേശീയ പാത അറ്റകുറ്റ പ്രവര്‍ത്തി യുദ്ധകാലടി സ്ഥാനത്തില്‍ നടത്താന്‍ നടപടി സ്വീകരിക്കണമെന്ന് മുസ്ലിം ലീഗ് ജില്ലാ നേതൃ യോഗം ആവശ്യപ്പെട്ടു.
പത്താം തരം പരീക്ഷയില്‍ ജില്ലയില്‍ ഉയര്‍ന്ന വിജയശതമാനം വന്നപ്പോള്‍ വിദ്യാര്‍ത്ഥികള്‍ക്ക് പ്ലസ് വണ്ണിന് സീറ്റില്ലാത്ത അവസ്ഥയാണുള്ളത്. ഇത് കാരണം ഒട്ടനവധി കുട്ടികള്‍ക്ക് പ്രവേശനം ലഭിച്ചിട്ടില്ല. ഇത് ഗൗരവമായി കണക്കിലെടുത്ത് ജില്ലയില്‍ പ്ലസ് വണ്ണിന് ആവശ്യമായ സീറ്റുകള്‍ അനുവദിക്കാന്‍ നടപടി സ്വീകരിക്കണമെന്നും യോഗം ആവശ്യപ്പെട്ടു.
പ്രസിഡണ്ട് എം.സി.ഖമറുദ്ദീന്‍ അധ്യക്ഷത വഹിച്ചു. ജനറല്‍ സെക്രട്ടറി എ. അബ്ദുല്‍ റഹ്മാന്‍ സ്വാഗതം പറഞ്ഞു. പാണക്കാട് സയ്യിദ് മുഹമ്മദലി ശിഹാബ് തങ്ങള്‍ അനുസ്മരണ പരിപാടി ആഗസ്റ്റ് ഒന്നിന് കാസര്‍കോട് മുനിസിപ്പല്‍ ടൗണ്‍ ഹാളില്‍ നടത്താനും പാണക്കാട് സയ്യിദ് മുനവ്വറലി ശിഹാബ് തങ്ങളുടെ നേതൃത്വത്തില്‍ വര്‍ഗ്ഗീയ മുക്ത ഭാരതം ആക്രമരഹിത കേരളം' എന്ന സന്ദേശവുമായി നവംമ്പര്‍ 24 മുതല്‍ ഡിസംമ്പര്‍ 24 വരെ മുസ്ലിം യൂത്ത് ലീഗ് സംസ്ഥാന കമ്മിറ്റി നടത്തുന്ന യുവജന യാത്രയുടെ ഉദ്ഘാടന പരിപാടിയും ജില്ലയിലെ മറ്റു സ്വീകരണ പരിപാടികളും വിജയിപ്പിക്കാനും സംഘടനാ പ്രവര്‍ത്തനം ഊര്‍ജിതമാകുന്നതിന്റെ ഭാഗമായി മുഴുവന്‍ മുസ്ലിം ലീഗ് പഞ്ചായത്ത്, വാര്‍ഡ് കമ്മിറ്റികള്‍ ജില്ലാ, മണ്ഡലം കമ്മിറ്റികളുടെ മേല്‍നോട്ടത്തില്‍ വിളിച്ച് ചേര്‍ക്കാനും തീരുമാനിച്ചു.
സി.ടി. അഹമ്മദലി, പി. മുഹമ്മദ് കുഞ്ഞി മാസ്റ്റര്‍, ടി.ഇ. അബ്ദുല്ല, എം.എസ്. മുഹമ്മദ് കുഞ്ഞി, വി.കെ.പി. ഹമീദലി, എന്‍.എ. നെല്ലിക്കുന്ന് എം.എല്‍ എ . എ.ജി.സി.ബഷീര്‍, അസീസ' മരിക്കെ, കെ. മുഹമ്മദ് കുഞ്ഞി, വി.പി. അബ്ദുല്‍ ഖാദര്‍, പി.എം.മുനീര്‍ ഹാജി, മുസ്സാ ബി. ചെര്‍ക്കള, പ്രസംഗിച്ചു.



Recent News
  നബിദിനത്തില്‍ യാത്രക്കാര്‍ക്ക് പലഹാരം നല്‍കി സിറ്റിഫ്രണ്ട്‌സും സിറ്റിബോയ്‌സും

  അപകടാവസ്ഥയിലായ തൂക്കുപാലം നാട്ടുകാര്‍ നന്നാക്കി

  ഡോ. അബ്ദുല്‍സത്താറിന് എഫ്.ആര്‍.സി.പി ബിരുദം

  മാധവന്‍ നായര്‍ പറഞ്ഞിരുന്നത് പോലെ അവര്‍ ചെയ്തു; വോളിബോള്‍ കോര്‍ട്ടില്‍ മൃതദേഹം പൊതുദര്‍ശനത്തിന് വെച്ചു, റീത്തായി വോളിബോളും

  ലഹരി വിരുദ്ധ ബോധവല്‍ക്കരണ നാടകവുമായി പൊലീസ്

  വ്യാപാരി ക്ഷേമസഹകരണ സംഘം; അഹമ്മദ് ഷെരീഫ് പ്രസി.)

  തളങ്കര മുസ്ലിം ഹൈസ്‌കൂളിനെ മികവിന്റെ വിദ്യാലയത്തിലേക്ക് നയിക്കാന്‍ ഓര്‍മ്മകളുടെ കൈപിടിച്ച് അവരെത്തി

  കളഞ്ഞുകിട്ടിയ പേഴ്‌സ് പൊലീസ് സാന്നിധ്യത്തില്‍ ഉടമയെ ഏല്‍പിച്ചു

  പാലത്തിന്റെ കൈവരിയിലിടിച്ച് ലോറി പുഴയിലേക്ക് മറിഞ്ഞു

  ദുബായില്‍ നടന്ന അന്താരാഷ്ട്ര ഖുര്‍ആന്‍ പാരായണ മത്സരത്തില്‍ മന്ത്രി യു.ടി ഖാദറിന്റെ മകള്‍ പങ്കെടുത്തു

  ശിശുദിനത്തില്‍ ചിത്രകാരി അമ്മാളുവമ്മയെ അധ്യാപകരും വിദ്യാര്‍ത്ഥികളും ആദരിച്ചു

  പ്രൊഫ.പി.കെ.ശേഷാദ്രി അനുസ്മരണം നടത്തി

  കുറ്റിക്കോലില്‍ സമീറ ഖാദര്‍ വീണ്ടും സ്ഥിരം സമിതി അധ്യക്ഷ

  മാധ്യമങ്ങളുടെ വായമൂടിക്കെട്ടാനുള്ള ശ്രമം ചെറുത്തുതോല്‍പ്പിക്കണം-എന്‍.പി ചെക്കുട്ടി

  ചെങ്കള പഞ്ചായത്ത് യൂത്ത് ലീഗ് പദയാത്ര സമാപിച്ചു