updated on:2018-07-05 07:47 PM
പഞ്ചായത്ത് വകുപ്പിലെ അടിക്കടിയുള്ള സ്ഥലംമാറ്റം അവസാനിപ്പിക്കണം-അസോസിയേഷന്‍

www.utharadesam.com 2018-07-05 07:47 PM,
കാസര്‍കോട്: ജില്ലയിലെ പഞ്ചായത്ത് വകുപ്പിലെ ഒഴിഞ്ഞുകിടക്കുന്ന തസ്തികകളില്‍ അടിയന്തിരമായും നിയമനം നടത്തണമെന്നും ജില്ലക്കകത്ത് തന്നെ ജോലി ചെയ്യുന്നവരെ പരസ്പരം സ്ഥലം മാറ്റുന്ന പ്രവണത അവസാനിപ്പിക്കണമെന്നും ഗ്രാമപഞ്ചായത്ത് അസോസിയേഷന്‍ ജില്ലാ കമ്മിറ്റി ആവശ്യപ്പെട്ടു. പ്രസിഡണ്ട് എ.എ. ജലീല്‍ അധ്യക്ഷത വഹിച്ചു. 2017-18 വര്‍ഷത്തില്‍ðജീവനക്കാര്‍ ആവശ്യത്തിന് ഇല്ലാതിരുന്നിട്ടും നികുതി പിരിവിലും വാര്‍ഷിക ചെലവുകളിലും 100 ശതമാനവും അതിനടുത്തും നേട്ടം കൈവരിച്ച ഉദ്യോഗസ്ഥന്‍മാരെ പോലും യാതൊരു മാനദണ്ഡവുമില്ലാതെ സ്ഥലം മാറ്റുകയാണ്. പകുതിയോളം പഞ്ചായത്തുകളിലും അസി. എഞ്ചിനീയര്‍മാരെ ഇനിയും നിയമിച്ചിട്ടില്ല. ഇക്കാര്യത്തില്‍ ശക്തമായ ഇടപെടലുകള്‍ നടത്തുന്നതിന്റെ ഭാഗമായി പ്രസിഡണ്ടുമാര്‍ തലസ്ഥാനത്ത് നിന്ന് പ്രതിഷേധം അറിയിക്കാന്‍ യോഗം തീരുമാനിച്ചു. ജീവനക്കാരുടെ അപര്യാപ്തതയും സാങ്കേതികകാരണങ്ങളാലും പദ്ധതി ഭേദഗതി സമര്‍പ്പിക്കാന്‍ സാധിക്കാത്ത സ്ഥാപനങ്ങള്‍ക്ക് ഭേദഗതി സമര്‍പ്പിക്കാനുള്ള അവസരം അടിയന്തിരമായി നല്‍കണമെന്ന് യോഗം ആവശ്യപ്പട്ടു. ലൈഫ് മിഷന്‍ പദ്ധതിയില്‍ സപ്ലിമെന്റ് ലിസ്റ്റ് കൂട്ടിച്ചേര്‍ക്കാന്‍ സൗകര്യമൊരുക്കണമെന്നും റേഷന്‍ കാര്‍ഡ് മാനദണ്ഡമാക്കരുത് എന്ന നിര്‍ദ്ദേശം നല്‍കിയിട്ടും അത്തരക്കാരെ പ്രഥമലിസ്റ്റില്‍ðഉള്‍പ്പെടുത്താനുള്ള നടപടിയുണ്ടാകണമെന്നും യോഗം ആവശ്യപ്പെട്ടു. കല്ലട്ര അബ്ദുല്‍ ഖാദര്‍, അബ്ദുല്‍ മജീദ് ബി.എ, രൂപവാണി, ഇന്ദിര പി, രാധാമണി എം, ത്രേസ്യമ്മ ജോസഫ്, ഫൗസിയ പി.സി, സാഹിന സലിം, മാലതി സുരേഷ്, പുണ്ടരികാക്ഷ കെ.എ, ഷാഹുല്‍ ഹമീദ് ബന്തിയോട്, സ്വപ്‌ന ജി, ഫൗസിയ വി.പി സംബന്ധിച്ചു.



Recent News
  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി