updated on:2018-07-07 08:20 PM
മനുഷ്യരെല്ലാം അത്ഭുത പ്രതിഭകളാണ് -പ്രൊഫസര്‍ എം.എ. റഹ്മാന്‍

www.utharadesam.com 2018-07-07 08:20 PM,
കുണിയ : മനുഷ്യരെല്ലാം അത്ഭുത പ്രതിഭകളാണെന്നും വായനയും സംസ്‌കാരവുമാണ് അവരെ അത് പ്രാപ്തരാക്കുന്നതെന്നും പ്രൊഫസര്‍ എം.എ. റഹ്മാന്‍ അഭിപ്രായപ്പെട്ടു. ബഷീര്‍ ദിനത്തോട് അനുബന്ധിച്ച് ജി.വി എച്ച് .എസ്.എസ് കുണിയയില്‍ വിദ്യാരംഗത്തിന്റെ ആഭിമുഖ്യത്തില്‍ സംഘടിപ്പിച്ച ചടങ്ങില്‍ ടി.ഉബൈദ് സ്മാരക വായനശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പൂര്‍വ്വ വിദ്യാര്‍ത്ഥി കൂട്ടായ്മയിലാണ് ടി.ഉബൈദ് സ്മാരക വായനശാല രൂപം കൊണ്ടത്. സ്‌കൂളിലെ ഉപയോഗ യോഗ്യമല്ലാത്ത മുറി ഒരാഴ്ചത്തെ പരിശ്രമ ഫലമായി വായനശാലയായി മാറുകയായിരുന്നു. പൂര്‍വ്വ വിദ്യാര്‍ത്ഥികളും അധ്യാപകരും പി.ടി.എ പ്രതിനിധികളും ഉള്‍പ്പെട്ട എന്റെ സ്‌കൂള്‍ കുണിയ എന്ന വാട്‌സപ്പ് കൂട്ടായിമയിലൂടെയാണ് വായനാ ശാലയ്ക്ക് ആവശ്യമായ ധനസമാഹരണം നടത്തിയത്. വായനശാലയുടെ ഉദ്ഘാടനവും ബഷീര്‍ അനുസ്മരണവും പ്രഫസര്‍ എം എ റഹ്മാന്‍ നിര്‍വഹിച്ചു. ഹെഡ് മാസ്റ്റര്‍ പി.വി വിജയന്‍ സ്വാഗതം പറഞ്ഞു. വാര്‍ഡ് മെമ്പര്‍ ഷാഹിദ റാഷിദ് അധ്യക്ഷത വഹിച്ചു. യുസുഫ് കെ.എ, റഹ്മാന്‍, എന്നിവര്‍ സ്‌കൂളിന് വേണ്ടി നല്‍കിയ 50 ഓളം പുസ്തകങ്ങള്‍ പി.ടി.എ പ്രസിഡണ്ട് ഹമീദ് ഏറ്റുവാങ്ങി. 2000 ബാച്ചിലെ പൂര്‍വ്വ വിദ്യാര്‍ത്ഥികള്‍ സ്‌കൂളിനായി ഒരു ലക്ഷം രൂപയുടെ കുട്ടികളുടെ റേഡിയോ പ്രോജക്ട് പദ്ധതി പ്രഖ്യാപിച്ചു. ബഷീറിന്റെ എഴുത്ത് ജീവിതത്തെ വിദ്യാര്‍ത്ഥി ആസിഫ അവതരിപ്പിച്ചു. എല്‍. എസ്.എസ് സ്‌കോളര്‍ഷിപ്പ് നേടിയ മുഹമ്മദ് നിഷാമിനി പ്രതേക ഉപഹാരം നല്‍കി. അമീറലി, അശ്വതി ടീച്ചര്‍, സുരേഷ്, അഷറഫ് ആയംകടവ്, കുണ്ടൂര്‍ അബ്ദുല്ല, സുബ്രമണ്യന്‍, സന്തോഷ് പനയാല്‍, ഹക്കീര്‍ ചെരുമ്പ, അബ്ദുല്ല അയംകോട്, ഉമ്മര്‍, മൊയ്ദീന്‍, സൈഫുദ്ധീന്‍ , റൗഫ് കുണിയ സംസാരിച്ചു.



Recent News
  നബിദിനത്തില്‍ യാത്രക്കാര്‍ക്ക് പലഹാരം നല്‍കി സിറ്റിഫ്രണ്ട്‌സും സിറ്റിബോയ്‌സും

  അപകടാവസ്ഥയിലായ തൂക്കുപാലം നാട്ടുകാര്‍ നന്നാക്കി

  ഡോ. അബ്ദുല്‍സത്താറിന് എഫ്.ആര്‍.സി.പി ബിരുദം

  മാധവന്‍ നായര്‍ പറഞ്ഞിരുന്നത് പോലെ അവര്‍ ചെയ്തു; വോളിബോള്‍ കോര്‍ട്ടില്‍ മൃതദേഹം പൊതുദര്‍ശനത്തിന് വെച്ചു, റീത്തായി വോളിബോളും

  ലഹരി വിരുദ്ധ ബോധവല്‍ക്കരണ നാടകവുമായി പൊലീസ്

  വ്യാപാരി ക്ഷേമസഹകരണ സംഘം; അഹമ്മദ് ഷെരീഫ് പ്രസി.)

  തളങ്കര മുസ്ലിം ഹൈസ്‌കൂളിനെ മികവിന്റെ വിദ്യാലയത്തിലേക്ക് നയിക്കാന്‍ ഓര്‍മ്മകളുടെ കൈപിടിച്ച് അവരെത്തി

  കളഞ്ഞുകിട്ടിയ പേഴ്‌സ് പൊലീസ് സാന്നിധ്യത്തില്‍ ഉടമയെ ഏല്‍പിച്ചു

  പാലത്തിന്റെ കൈവരിയിലിടിച്ച് ലോറി പുഴയിലേക്ക് മറിഞ്ഞു

  ദുബായില്‍ നടന്ന അന്താരാഷ്ട്ര ഖുര്‍ആന്‍ പാരായണ മത്സരത്തില്‍ മന്ത്രി യു.ടി ഖാദറിന്റെ മകള്‍ പങ്കെടുത്തു

  ശിശുദിനത്തില്‍ ചിത്രകാരി അമ്മാളുവമ്മയെ അധ്യാപകരും വിദ്യാര്‍ത്ഥികളും ആദരിച്ചു

  പ്രൊഫ.പി.കെ.ശേഷാദ്രി അനുസ്മരണം നടത്തി

  കുറ്റിക്കോലില്‍ സമീറ ഖാദര്‍ വീണ്ടും സ്ഥിരം സമിതി അധ്യക്ഷ

  മാധ്യമങ്ങളുടെ വായമൂടിക്കെട്ടാനുള്ള ശ്രമം ചെറുത്തുതോല്‍പ്പിക്കണം-എന്‍.പി ചെക്കുട്ടി

  ചെങ്കള പഞ്ചായത്ത് യൂത്ത് ലീഗ് പദയാത്ര സമാപിച്ചു