updated on:2018-07-08 06:02 PM
പൊതുമേഖലാ ബാങ്കുകളെ വന്‍കിടക്കാര്‍ കൊള്ളയടിക്കുന്നു -എം.പി.

www.utharadesam.com 2018-07-08 06:02 PM,
കാസര്‍കോട്: രാജ്യത്തെ പൊതുമേഖലാ ബാങ്കുകളെ വന്‍കിട കോര്‍പ്പറേറ്റുകള്‍ കൊള്ളയടിക്കുകയാണെന്ന് പി. കരുണാകരന്‍ എം.പി. പറഞ്ഞു. അന്തര്‍ദേശീയ സഹകരണ ദിനാഘോഷത്തിന്റെ ഭാഗമായി കാസര്‍കോട് മുന്‍സിപ്പല്‍ ടൗണ്‍ഹാളില്‍ നടന്ന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. കള്ളപ്പണം കണ്ടുപിടിക്കാനാണ് നോട്ട് നിരോധനമെന്ന് പറഞ്ഞ സര്‍ക്കാറിന് ഇനിയും നോട്ട് എണ്ണി തിട്ടപ്പെടുത്താന്‍ കഴിഞ്ഞിട്ടില്ലെന്നും അദ്ദേഹം പരിഹസിച്ചു. വിശ്വാസ്യതയാണ് സഹകരണ മേഖലയുടെ വിജയത്തിന്റെ അടിസ്ഥാനമെന്നും അദ്ദേഹം കൂട്ടിച്ചേര്‍ത്തു.
സഹകരണ യൂണിയന്‍ നടത്തിയ ജെ.ഡി.സി. പരീഷയില്‍ ഒന്നാംറാങ്ക് നേടിയ ബാബുരാജ് ബേത്തൂറിന് പി. കരുണാകരന്‍ എം.പി. ഉപഹാരം നല്‍കി. സേവന സഹകരണ മേഖല എന്ന വിഷയത്തില്‍ കണ്ണൂര്‍ ഐ.സി.എം. ഡയറക്ടര്‍ എം.വി. ശശികുമാര്‍ വിഷയം അവതരിപ്പിച്ചു. സഹകരണ സംഘം ജോയിന്റ് രജിസ്ട്രാര്‍ വി. മുഹമ്മദ് നൗഷാദ് മോഡറേറ്ററായിരുന്നു. സഹകരണ സംഘം ജോയിന്റ് ഡയരക്ടര്‍ കെ.എ. ഹമീദ്, അസി. രജിസ്ട്രാര്‍മാരായ കെ. ജയചന്ദ്രന്‍, കെ. മുരളീധരന്‍, ജില്ലാ ബാങ്ക് മുന്‍ വൈസ് പ്രസിഡണ്ട് ബാലകൃഷ്ണ വോര്‍ക്കൂഡ്‌ലു, കാസര്‍കോട് കോ-ഓപ്പറേറ്റീവ് ടൗണ്‍ ബാങ്ക് ചെയര്‍മാന്‍ അഡ്വ. എ.സി. അശോക് കുമാര്‍, കോ-ഓപ്പറേറ്റീവ് എംപ്ലോയീസ് ഫ്രണ്ട് സംസ്ഥാന ട്രഷറര്‍ പി.കെ. വിനയകുമാര്‍, എംപ്ലോയീസ് യൂണിയന്‍ ജില്ലാ പ്രസിഡണ്ട് പി. ജാനകി, എംപ്ലോയീസ് കൗണ്‍സില്‍ ജില്ലാ സെക്രട്ടറി ബി. സുകുമാരന്‍ തുടങ്ങിയവര്‍ സംസാരിച്ചു.



Recent News
  പഠനവഴിയില്‍ സംരംഭകരാകാന്‍ സംരംഭകത്വ ശില്‍പശാല നടത്തി

  ഉദുമയിലെ രണ്ട് സ്‌കൂളുകള്‍ക്ക് 3.39 കോടി രൂപയുടെ പദ്ധതി

  ക്വിസ് മത്സരം ഫുട്ബാള്‍ പ്രേമികള്‍ക്ക് നവ്യാനുഭവമായി

  അഞ്ചു വയസ്സുകാരന്റെ മനസാന്നിധ്യത്തില്‍ രണ്ട് കൂട്ടുകാര്‍ക്ക് പുതുജീവന്‍ ലഭ്യമായി

  രാമായണമാസാചരണം നാളെ തുടങ്ങും

  50 ലക്ഷത്തിന്റെ ക്ഷേമ പദ്ധതി രൂപരേഖയുമായി ചന്ദ്രഗിരി ലയണ്‍സ് ക്ലബ്ബ്

  മുഹിമ്മാത്ത് വിദ്യാഭ്യാസമേഖല വിപുലീകരിക്കുന്നു

  തകര്‍ന്ന റോഡിലെ കുഴി അടച്ചു

  അപകടം തുടര്‍ക്കഥയാക്കി വാട്ടര്‍ അതോറിറ്റി പൈപ്പിടല്‍

  'ജില്ലാ ബാങ്കിലെ പിന്‍വാതില്‍ നിയമനം അവസാനിപ്പിക്കണം'

  മയക്കുമരുന്ന് വിരുദ്ധദിനാചരണം നടത്തി

  കെ.എസ്. അബ്ദുല്ല സ്‌കൂളില്‍ വിവിധ ക്ലബ്ബുകള്‍ തുടങ്ങി

  പാലക്കുന്ന് ടൗണ്‍ വികസനം: വ്യാപാരികള്‍ പ്രക്ഷോഭത്തിന്

  അഖിലേന്ത്യാ സംവാദ മത്സരത്തില്‍ ലികോള്‍ ചെമ്പകയ്ക്ക് ഒന്നാം സ്ഥാനം

  നെല്ലിക്കുന്ന് എ.യു.എ.യു.പി.സ്‌കൂളിലെ ഹൈടെക് ക്ലാസ് മുറി ഉദ്ഘാടനം ചെയ്തു