updated on:2018-07-09 03:33 PM
മംഗല്‍പ്പാടി നഗരസഭ യാഥാര്‍ത്ഥ്യമാക്കണം -പൗരസമിതി

www.utharadesam.com 2018-07-09 03:33 PM,
ഉപ്പള: അനുദിനം വികസന പാതയില്‍ മുന്നേറുന്ന ഉപ്പള ടൗണില്‍ അടിസ്ഥാന സൗകര്യങ്ങള്‍ ലഭ്യമാകണമെങ്കില്‍ മംഗല്‍പ്പാടി അടിയന്തിരമായി നഗരസഭയാക്കി ഉയര്‍ത്തണമെന്ന് മംഗല്‍പ്പാടി പൗരസമിതിയുടെ അടിയന്തിര യോഗം സര്‍ക്കാറിനോട് പ്രമേയത്തിലൂടെ ആവശ്യപ്പെട്ടു.
താലൂക്ക് ഓഫീസ്, താലൂക്ക് ആസ്പത്രി, റെയില്‍വെ സ്റ്റേഷന്‍, വിശാലമായ സ്റ്റേഡിയം തുടങ്ങി നിരവധി സര്‍ക്കാര്‍ സ്ഥാപനങ്ങള്‍ സ്ഥിതി ചെയ്യുന്ന ഈ കൊച്ചു നഗരത്തില്‍ നിരവധി സ്വകാര്യ സംരംഭകരും നിക്ഷേപമിറക്കാന്‍ മുന്നോട്ട് വരുന്ന സാഹചര്യം നിലവിലുണ്ട്. കേരളത്തില്‍ ഏറ്റവും കൂടുതല്‍ ഫഌറ്റ് സമുച്ചയങ്ങളും ഈ കൊച്ചു പ്രദേശത്താണ് സ്ഥിതി ചെയ്യുന്നത്. എന്നാല്‍ അടിസ്ഥാന സൗകര്യ വികസന കാര്യത്തില്‍ ഏറ്റവും പിന്നോക്കവും ഈ പഞ്ചായത്തെന്നത് ഉല്‍ക്കണ്ഠാജനകമാണ്. ടൂറിസം, വിദ്യാഭ്യാസം, കാര്‍ഷികം, ചെറുകിട വ്യവസായം തുടങ്ങി സമസ്ത മേഖലയിലും വന്‍ മുന്നേറ്റമാണ് ഈ കൊച്ചു പഞ്ചായത്ത് കാഴ്ച വെക്കുന്നത്. അതുകൊണ്ട് തന്നെ ഏറ്റവും കൂടുതല്‍ വരുമാനമുള്ള ഈ പ്രദേശം നഗരസഭയായി ഉയര്‍ത്തിയാല്‍ സര്‍ക്കാര്‍ ഖജനാവിന് വന്‍ ലാഭമുണ്ടാകും. എത്രയും പെട്ടെന്ന് നഗരസഭാ സംവിധാനം യാഥാര്‍ത്ഥ്യമാക്കണമെന്ന് യോഗം ആവശ്യപ്പെട്ടു. പ്രസിഡണ്ട് മെഹമൂദ്, ജനറല്‍ സെക്രട്ടറി ഹമീദ് കോസ്‌മോസ്, ട്രഷറര്‍ മെഹമൂദ് കൈക്കമ്പ, ഗിരീഷ് പൊതുവാള്‍, കൊട്ടാരം അബൂബക്കര്‍ സംബന്ധിച്ചു.



Recent News
  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി