updated on:2018-07-09 06:51 PM
ഗുരുവാദരവും ആഘോഷവുമായി പഴയ സഹപാഠികളുടെ ഒത്തുകൂടല്‍

www.utharadesam.com 2018-07-09 06:51 PM,
കാസര്‍കോട്: ഗുരുനാഥന്മാരെ ആദരവിന്റെ മഞ്ചലിലിരുത്തി മധുരിക്കുന്ന ഓര്‍മ്മകളുടെ തീരത്ത് 25 വര്‍ഷങ്ങള്‍ക്ക് ശേഷം പഴയ സഹപാഠികള്‍ ഒത്തുകൂടിയപ്പോള്‍ ആഹ്ലാദം അണപൊട്ടി. നായന്മാര്‍മൂല തന്‍ബീഹുല്‍ ഇസ്ലാം ഹൈസ്‌കൂളില്‍ നിന്ന് 1993-94 അധ്യായനവര്‍ഷം എസ്.എസ്.എല്‍.സി കഴിഞ്ഞിറങ്ങിയ ബി ബാച്ച് വിദ്യാര്‍ത്ഥികളാണ് ഇന്നലെ കാസര്‍കോട് സിറ്റിടവര്‍ ഓഡിറ്റോറിയത്തില്‍ പുനസമാഗമം നടത്തിയത്. ക്ലാസ് മുറികളിലെ ഓര്‍മ്മകളും അധ്യാപകരുടെ നല്ലപാഠങ്ങളും ഓര്‍ത്തെടുത്ത് അവര്‍ പഴയകാലത്തിന്റെ മധുരം നുണഞ്ഞു.
കാസര്‍കോട് പ്രസ്‌ക്ലബ്ബ് പ്രസിഡണ്ട് ടി.എ ഷാഫി സംഗമം ഉദ്ഘാടനം ചെയ്തു. മുഖ്യാതിഥി കാസര്‍കോട് ടൗണ്‍ എസ്.ഐ പി. അജിത് കുമാര്‍ ഗുരുനാഥന്മാരെ ആദരിച്ചു. അസ്ലം സീറ്റോ അധ്യക്ഷത വഹിച്ചു. ഉത്തരദേശം ഡയറക്ടര്‍ മുജീബ് അഹ്മദ് സംസാരിച്ചു. മണി ടീച്ചര്‍, നാരായണന്‍ മാഷ്, രവീന്ദ്രന്‍ മാഷ്, ലത ടീച്ചര്‍, ജോണ്‍ മാഷ് എന്നിവരെയാണ് ഷാള്‍ അണിയിച്ചും ഉപഹാരം നല്‍കിയും ആദരിച്ചത്. റഫീഖ് ത്രീസ്റ്റാര്‍, നിഷാദ് എര്‍ബില്‍, സര്‍ഫ്രാസ് താജു, പവിത്രന്‍, പ്രീതിഷ്, അഭിലാഷ്, ശിഹാബ്, ഷരീഫ്, മുന്ന, ജാബിദ്, കബീര്‍, സഹീര്‍, സീമ, പ്രേമലത, ഷബാന, സന്ധ്യ, ജിതി, നസീമ, ബേനസീര്‍, ഷംസാദ്, റംല, മുഹ്‌സിന തുടങ്ങിയവര്‍ സംബന്ധിച്ചു. പാട്ടുപാടിയും നൃത്തംവെച്ചും ആഹ്ലാദം പങ്കിട്ട സഹപാഠികള്‍ കാരുണ്യ-വിദ്യാഭ്യാസ പ്രോത്സാഹന പരിപാടികളുമായി വീണ്ടും വരുമെന്ന പ്രഖ്യാപനത്തോടെയാണ് പിരിഞ്ഞത്.



Recent News
  ചെണ്ടമേളത്തിന്റെ അകമ്പടിയോടെ രാജധാനിക്ക് ഉജ്ജ്വല സ്വീകരണം

  സ്‌നേഹമധുരം പങ്കുവെച്ച് ജെ.സി.ഐ കാസര്‍കോടിന്റെ കുടുംബസംഗമം

  സംസ്ഥാന ഇസ്ലാമിക് കലാമേള; ഖുര്‍ആനില്‍ തളങ്കര സ്വദേശിക്ക് ഒന്നാംസ്ഥാനം

  ദേശീയ രാഷ്ട്രീയത്തില്‍ ഇടതുപക്ഷം നിര്‍ണായക രാഷ്ട്രീയ ശക്തിയാകും -യെച്ചൂരി

  മൈ കിച്ചന്‍ പ്രവര്‍ത്തനമാരംഭിച്ചു

  കാര്‍ഷിക മേഖലക്കും ദാരിദ്ര ലഘൂകരണത്തിനും മുന്‍ഗണന നല്‍കി ബദിയടുക്ക പഞ്ചായത്ത് ബജറ്റ്

  വിദ്യാര്‍ത്ഥി ശാക്തീകരണ ശില്‍പ്പശാല സംഘടിപ്പിച്ചു

  'കാസര്‍കോട് റെയില്‍വെ സ്റ്റേഷനിലെ പാര്‍ക്കിങ്ങ് പ്രശ്‌നം പരിഹരിക്കണം'

  മാലിക് ദീനാര്‍ യതീംഖാന കുട്ടികള്‍ക്ക് സൗജന്യ കമ്പ്യൂട്ടര്‍ പരിശീലനം ആരംഭിച്ചു

  ഖാസിയുടെ മരണത്തിന് ഇന്നേക്ക് 9വര്‍ഷം

  മറിയം ട്രേഡ് സെന്റര്‍ തുറന്നു

  എല്‍.ഡി.എഫ്. കേരള സംരക്ഷണയാത്രയുടെ വടക്കന്‍ മേഖലാ പര്യടനം 16ന് തുടങ്ങും

  ഭവന നിര്‍മ്മാണത്തിന് 2.11 കോടി; കാര്‍ഷിക, ആരോഗ്യ, വിദ്യാഭ്യാസ മേഖലകള്‍ക്ക് മുന്‍തൂക്കം

  എല്ലാവരുടെയും സുരക്ഷ ഉറപ്പ് വരുത്തും -എസ്.പി.

  പി. ഗംഗാധരന്‍ നായര്‍ പൊതുപ്രവര്‍ത്തനത്തിലെ നിറസാന്നിധ്യം -മന്ത്രി ഇ. ചന്ദ്രശേഖരന്‍