updated on:2018-07-15 03:33 PM
തകര്‍ന്ന റോഡിലെ കുഴി അടച്ചു

www.utharadesam.com 2018-07-15 03:33 PM,
നീര്‍ച്ചാല്‍: വാര്‍ത്ത അധികൃതരുടെ കണ്ണു തുറപ്പിച്ചു. പ്രവൃത്തി നടത്തി മാസങ്ങള്‍ തികയുന്നതിന് മുമ്പ് റോഡ് തകര്‍ന്നുവെന്നുള്ള വാര്‍ത്ത കഴിഞ്ഞ ദിവസം ഉത്തരദേശം പ്രസിദ്ധീകരിച്ചിരുന്നു. വാര്‍ത്ത ശ്രദ്ധയില്‍പ്പെട്ട പഞ്ചായത്ത് അംഗം കരാറുകാരനുമായി ബന്ധപ്പെട്ട് റോഡിലെ തകര്‍ന്ന ഭാഗം നന്നാക്കാന്‍ നിര്‍ദ്ദേശം നല്‍കി. ഇതിന്റെ അടിസ്ഥാനത്തില്‍ കഴിഞ്ഞദിവസം ഉച്ചയോടെ തകര്‍ന്ന കുഴി കോണ്‍ക്രീറ്റ് ചെയ്യുവാനുള്ള പ്രവൃത്തി ആരംഭിച്ചു. ബദിയടുക്ക പഞ്ചായത്തിലെ പതിനാറാം വാര്‍ഡിലെ ഏണിയര്‍പ്പ് - പുതുക്കോളി റോഡാണ് തകര്‍ന്നത്. പഞ്ചായത്ത് റോഡ് വികസന ഫണ്ടില്‍ നിന്ന് മൂന്ന് ലക്ഷം രൂപ ചിലവഴിച്ചാണ് മാര്‍ച്ച് മാസം അവസാനത്തോടെ റോഡ് പ്രവൃത്തി പൂര്‍ത്തീകരിച്ചത്. മാസങ്ങള്‍ തികയുന്നതിന് മുമ്പ് റോഡില്‍ ജല്ലികള്‍ ഇളകി വലിയ ഘര്‍ത്തങ്ങള്‍ രൂപപെട്ടിരുന്നു. ഇതോടെ വാഹന യാത്ര ദുസ്സഹമായിരുന്നു . മാത്രവുമല്ല ജല്ലികള്‍ ഇളകാന്‍ തുടങ്ങിയതോടെ റോഡ് പൂര്‍ണ്ണമായും തകരുമെന്ന് നാട്ടുകാര്‍ പരാതിയുമായി രംഗത്ത് വന്നിരുന്നു. പ്രവൃത്തി ഏറ്റെടുത്ത കരാറുകാരന്‍ കൃത്രിമം കാട്ടിയെന്നാണ് നാട്ടുകാര്‍ ആരോപിച്ചിരുന്നത്. ഇത് സംബന്ധിച്ച് വിജിലന്‍സില്‍ പരാതി നല്‍കാനുള്ള ഒരുക്കത്തിനിടെയാണ് കരാറുകാരന്‍ തകര്‍ന്ന റോഡ് കോണ്‍ക്രീറ്റ് ചെയ്യുവാന്‍ തയ്യാറായത്.



Recent News
  അപകട മുന്നറിയിപ്പ് നല്‍കുന്നതിന് തീരദേശ വില്ലേജ് ഓഫീസുകളില്‍ സ്ഥാപിച്ച മൈക്ക് പ്രവര്‍ത്തന രഹിതം

  ഗ്രന്ഥാലയം ഹോമിയോ ക്ലിനിക്കിന് വഴിമാറുന്നു

  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി