updated on:2018-07-16 07:26 PM
ക്വിസ് മത്സരം ഫുട്ബാള്‍ പ്രേമികള്‍ക്ക് നവ്യാനുഭവമായി

www.utharadesam.com 2018-07-16 07:26 PM,
മൊഗ്രാല്‍: നാളിതുവരെയുള്ള ലോകകപ്പ് ഫുട്‌ബോളിന്റെ ചരിത്രം ചോദ്യങ്ങളായി സ്‌ക്രീനില്‍ തെളിഞ്ഞപ്പോള്‍ ഫുട്‌ബോളിന്റെ ഈറ്റില്ലമായ മൊഗ്രാലില്‍ തിങ്ങിക്കൂടിയ ഫുട്‌ബോള്‍ പ്രേമികള്‍ക്ക് നവ്യാനുഭവമായി മാറി. ഫുട്‌ബോള്‍ ജ്വരം കണക്കിലെടുത്ത് മൊഗ്രാല്‍ ദേശീയവേദി ഇന്ത്യാ സ്‌പോര്‍ട്ടിന്റെ സഹകരണത്തോടെ മൊഗ്രാല്‍ ഖാഫിലാസ് ഹാളില്‍ സംഘടിപ്പിച്ച ലോകകപ്പ് ക്വിസ്-2018 മത്സരമാണ് സജ്ജീകരണ മികവ് കൊണ്ട് വേറിട്ടതായി മാറിയത്. ജില്ലയുടെ വിവിധ ഭാഗങ്ങളില്‍ നിന്നുള്ള സ്‌ക്രീനിംഗിലൂടെ തിരഞ്ഞെടുക്കപ്പെട്ട രണ്ട് പേര്‍ അടങ്ങുന്ന എട്ട് ടീമുകള്‍ക്കാണ് മത്സരത്തില്‍ പങ്കെടുക്കാന്‍ അവസരം ലഭിച്ചത്. വിജയികള്‍ക്ക് ജെ.എച്ച്.എല്‍ ട്രോഫികള്‍ക്ക് പുറമെ 3003, 2002, 1001 എന്നീ ക്രമത്തില്‍ കാഷ് അവാര്‍ഡുകളും സമ്മാനിച്ചു. കൃഷ്ണപ്രസാദ്-ആകാശ് ചെമ്മനാട് സഖ്യം (ടീം അര്‍ജന്റീന) ഒന്നാം സ്ഥാനവും മുഹമ്മദ് ഷബീര്‍-ലുബൈബ് കുമ്പള സഖ്യം ( ടീം ഫ്രാന്‍സ് ) രണ്ടാം സ്ഥാനവും ജിതിന്‍ മാത്യു പെരിയ-സൂരജ് സഖ്യം ( ടീം ജര്‍മനി ) മൂന്നാം സ്ഥാനവും നേടി. കാണികള്‍ക്ക് പ്രത്യേകം ചോദ്യങ്ങളും ബാര്‍കോഡ് സെലബ്രേഷന്റെ സ്‌പോട്ട് സമ്മാനങ്ങളും നല്‍കി. ദേശീയവേദി യു.എ.ഇ കമ്മിറ്റി അംഗം മഹമൂദ് സലീം എം.എസ് ക്വിസ് മാസ്റ്ററായിരുന്നു. മൊഗ്രാല്‍ സ്‌പോര്‍ട്‌സ് ക്ലബ് മാനേജര്‍ കുത്തിരിപ്പ് മുഹമ്മദ് ഉദ്ഘാടനം ചെയ്തു. ദേശീയവേദി പ്രസിഡണ്ട് ടി.കെ അന്‍വര്‍ അധ്യക്ഷത വഹിച്ചു. ശിഹാബ് മാസ്റ്റര്‍ സാങ്കേതിക വശങ്ങള്‍ നിയന്ത്രിച്ചു.
വിജയികള്‍ക്ക് ഈമാന്‍ ചാരിറ്റബിള്‍ ട്രസ്റ്റ് ചെയര്‍മാന്‍ ടി.എം ശുഹൈബ് സമ്മാനങ്ങള്‍ വിതരണം ചെയ്തു. ഡി.എം.എം.എഫ്.എ സെക്രട്ടറി ഡോ. ഇസ്മായില്‍, പി. മുഹമ്മദ് നിസാര്‍ എന്നിവര്‍ മുഖ്യാതിഥികളായിരുന്നു. പരിപാടി കൈകാര്യം ചെയ്ത ക്വിസ് മാസ്റ്റര്‍ മഹമൂദ് സലീം, സാങ്കേതിക വശങ്ങള്‍ നിയന്ത്രിച്ച ശിഹാബ് മൊഗ്രാല്‍ എന്നിവര്‍ക്ക് ദേശീയവേദിയുടെ പ്രത്യേക ഉപഹാരം സമ്മാനിച്ചു.
ജന. സെക്രട്ടറി. കെ.പി മുഹമ്മദ്, ട്രഷറര്‍ അബ്‌കോ മുഹമ്മദ്, മനാഫ് എല്‍.ടി, നാസര്‍ മൊഗ്രാല്‍, ഷക്കീല്‍ അബ്ദുല്ല, റിയാസ് മൊഗ്രാല്‍, ഹാരിസ് ബഗ്ദാദ്, ഖാദര്‍ മൊഗ്രാല്‍, മുഹമ്മദ് കുഞ്ഞി മാഷ്, ടി.എ ജലാല്‍, ടി.കെ ജാഫര്‍, എം.എസ് മുഹമ്മദ് കുഞ്ഞി, അബ്ദുല്‍ റഹ്മാന്‍ ബദ്‌രിയ, നുഅ്മാന്‍ എം.എം, എം.പി.എ ഖാദര്‍ നേതൃത്വം നല്‍കി.



Recent News
  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി

  ചെര്‍ക്കളത്തിന്റെ ഓര്‍മ്മയ്ക്ക് അനാഥാലയങ്ങളിലെ കുട്ടികള്‍ക്ക് പെരുന്നാള്‍ ഉടുപ്പുമായി ദുബായ് ജില്ലാ കെ.എം.സി.സി.

  എല്‍.സുലൈഖക്ക് ഐ.എന്‍.എല്‍ സ്വീകരണം നല്‍കി

  അരമന ആസ്പത്രിയില്‍ അന്താരാഷ്ട്ര നിലവാരത്തിലുള്ള ദന്ത ചികിത്സ യൂണിറ്റ് പ്രവര്‍ത്തനം തുടങ്ങി

  ചട്ടഞ്ചാല്‍ അര്‍ബന്‍ സൊസൈറ്റി: ഷാനവാസ് പാദൂര്‍ വീണ്ടും പ്രസിഡണ്ട്

  നേതൃപാടവം ജീവിതത്തില്‍ തെളിയിക്കാന്‍ കഴിഞ്ഞ വ്യക്തിയായിരുന്നു ചെര്‍ക്കളം-മന്ത്രി കെ.ടി ജലീല്‍

  മര്‍സാന ബസിന്റെ കാരുണ്യ യാത്രയില്‍ പിരിഞ്ഞുകിട്ടിയത് അരലക്ഷം രൂപ

  ആഗസ്ത് 17 മുതല്‍ ഇന്ദിരാ നഗറില്‍ കാസര്‍കോട് മഹോത്സവം; പന്തലിന് കാല്‍ നാട്ടി

  ഓര്‍മ്മകളുടെ മധുരതീരത്ത് അവര്‍ വീണ്ടും സംഗമിച്ചു

  മരണക്കയത്തില്‍ നിന്ന് രണ്ട് കുട്ടികളെ രക്ഷിച്ച ആബിദിന് സൈക്കിള്‍ സമ്മാനം

  ടൗണ്‍ കോ-ഓപ്പറേറ്റീവ് ബാങ്ക് ഉദ്യോഗിനി പദ്ധതിയും കാഞ്ഞങ്ങാട് ബ്രാഞ്ചും ഉദ്ഘാടനം ചെയ്തു

  സഅദിയ്യക്കൊരു കൈത്താങ്ങ് പദ്ധതിക്ക് തുടക്കം