updated on:2018-10-07 06:10 PM
പരിയാരം മെഡിക്കല്‍ കോളേജിനടുത്ത് എം.എസ്.എസ് എയ്ഡ് സെന്റര്‍ സ്ഥാപിക്കും

www.utharadesam.com 2018-10-07 06:10 PM,
കാസര്‍കോട്: സമൂഹത്തില്‍ അശരണര്‍ക്കും ആലംബഹീനരായവര്‍ക്കും സഹായമെത്തിക്കുകയെന്നതാണ് എം.എസ്.എസിന്റെ പ്രവര്‍ത്തന രീതിയെന്നും അതിന് മതങ്ങളുടെ വേര്‍തിരിവില്ലെന്നും മുസ്ലിം സര്‍വ്വീസ് സൊസൈറ്റി സംസ്ഥാന പ്രസിഡണ്ട് സി.പി.കുഞ്ഞി മുഹമ്മദ് പറഞ്ഞു. കോഴിക്കോട് മെഡിക്കല്‍ കോളേജ് കാമ്പസിനകത്തുള്ള എം.എസ്.എസ് മെഡിക്കല്‍ എയ്ഡ് സെന്ററില്‍ ഇതുവരെയായി 10546 മൃതദേഹങ്ങള്‍ ഖഫന്‍ ചെയ്ത് സംസ്‌കരിക്കാന്‍ സാധിച്ചു. ഇതേ രീതിയില്‍ പരിയാരം മെഡിക്കല്‍ കോളേജിനോടനുബന്ധിച്ചും മെഡിക്കല്‍ എയ്ഡ് സെന്റര്‍ സ്ഥാപിക്കുമെന്നും സ്ഥല നിര്‍ണയമൊക്കെ കഴിഞ്ഞുവെന്നും അദ്ദേഹം കൂട്ടിച്ചേര്‍ത്തു.
എം.എസ്.എസ് ജില്ലാ കമ്മിറ്റി സംഘടിപ്പിച്ച പ്രവര്‍ത്തക കണ്‍വെന്‍ഷെനും കുടുംബ സംഗമവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മംഗളൂരു യൂണിവേഴ്‌സിറ്റി എം.എ. ഇംഗ്ലീഷ് ഒന്നാം റാങ്ക് ജേതാവ് നഫീസത്ത് ഷിഫാനി, സോഫ്റ്റ്‌ബോള്‍ അസോസിയേഷന്‍ സംസ്ഥാന വൈസ് പ്രസിഡണ്ട് സി.എല്‍ ഹമീദ്, പീസ് പബ്ലിക് സ്‌കൂള്‍ വിദ്യാര്‍ത്ഥിനികളായ ഖുര്‍ആന്‍ മനപാഠമാക്കിയ ഫിദ ഫാത്തിമ, എര്‍ത്ത് ടു നെപ്റ്റിയൂണ്‍ എന്ന ഇംഗ്ലീഷ് നോവല്‍ രചയിതാവ് സുഹറത്ത് സിതാര എന്നിവരെ സി.പി. കുഞ്ഞുമുഹമ്മദ് ഉപഹാരം നല്‍കി ആദരിച്ചു. മാപ്പിളപ്പാട്ടിലെ ദേശീയത എന്ന വിഷയത്തില്‍ പുസ്തകം പ്രസിദ്ധീകരിച്ച കേന്ദ്ര സര്‍വ്വകലാശാല വിദ്യാര്‍ത്ഥിനി ആയിഷത്ത് ഹസൂറക്ക് യൂണിറ്റി ഹോസ്പിറ്റല്‍ ചെയര്‍മാന്‍ ഡോ.ഹബീബ് റഹ്മാന്‍ ഉപഹാരം സമ്മാനിച്ചു. ആദരിക്കുന്നവരെ പീസ് സ്‌കൂള്‍ വിദ്യാര്‍ത്ഥിനി നിബ അഷ്‌റഫ് പരിചയപ്പെടുത്തി.
ജില്ലാ പ്രസിഡണ്ട് പി.എം. അബ്ദുല്‍ നാസര്‍ അധ്യക്ഷത വഹിച്ചു.
എന്‍.എ. നെല്ലിക്കുന്ന് എം.എല്‍.എ, മുന്‍ മന്ത്രി സി.ടി. അഹമദലി എന്നിവര്‍ മുഖ്യാതിഥികളായിരുന്നു. എന്‍.എ. അബൂബക്കര്‍, ഡോ. എം.പി ഷാഫി ഹാജി, എം.എസ്.എസ് സംസ്ഥാന സെക്രട്ടറി ഹംസ പാലക്കി, ഡോ. മുഹമ്മദ് കുഞ്ഞി, പ്രോഫ.അഹമ്മദ് ഹുസൈന്‍, അഡ്വ.ബേവിഞ്ച അബ്ദുല്ല, വി.കെ.പി ഇസമായില്‍ ഹാജി, കെ.എം.അബ്ദുല്‍ റഹ്മാന്‍, ടി.എ.ഷാഫി, ഹമീദ് ഹാജി കാഞ്ഞങ്ങാട്, ഷരീഫ് കാപ്പില്‍, അബ്ദുല്‍ ജലീല്‍ കക്കണ്ടം, ബി.എ.അഷറഫ്, ബി.കെ. ഖാദര്‍, അബ്ബാസ് ബീഗം, റഹ്മാന്‍ പാണത്തൂര്‍, മുജീബ് അഹമ്മദ്, കെ.സി.ഇര്‍ഷാദ്, അഷ്‌റഫ് ഐവ, ഷാഫി നാലപ്പാട്, നാസര്‍ ചെംനാട്, അഷറഫലി ചേരങ്കൈ, മധൂര്‍ ഷരീഫ്, ഇബ്രാഹിം അങ്കോല എന്നിവര്‍ സംസാരിച്ചു. ജില്ലാ സെക്രട്ടറി ഷംസുദ്ദീന്‍ സ്വാഗതവും ഷാഫി എ.നെല്ലിക്കുന്ന് നന്ദിയും പറഞ്ഞു.



Recent News
  കളഞ്ഞുകിട്ടിയ പേഴ്‌സ് പൊലീസ് സാന്നിധ്യത്തില്‍ ഉടമയെ ഏല്‍പിച്ചു

  പാലത്തിന്റെ കൈവരിയിലിടിച്ച് ലോറി പുഴയിലേക്ക് മറിഞ്ഞു

  ദുബായില്‍ നടന്ന അന്താരാഷ്ട്ര ഖുര്‍ആന്‍ പാരായണ മത്സരത്തില്‍ മന്ത്രി യു.ടി ഖാദറിന്റെ മകള്‍ പങ്കെടുത്തു

  ശിശുദിനത്തില്‍ ചിത്രകാരി അമ്മാളുവമ്മയെ അധ്യാപകരും വിദ്യാര്‍ത്ഥികളും ആദരിച്ചു

  പ്രൊഫ.പി.കെ.ശേഷാദ്രി അനുസ്മരണം നടത്തി

  കുറ്റിക്കോലില്‍ സമീറ ഖാദര്‍ വീണ്ടും സ്ഥിരം സമിതി അധ്യക്ഷ

  മാധ്യമങ്ങളുടെ വായമൂടിക്കെട്ടാനുള്ള ശ്രമം ചെറുത്തുതോല്‍പ്പിക്കണം-എന്‍.പി ചെക്കുട്ടി

  ചെങ്കള പഞ്ചായത്ത് യൂത്ത് ലീഗ് പദയാത്ര സമാപിച്ചു

  പി.ഡി.പി ആസ്ഥാന മന്ദിരം പണിയുന്നു

  വര്‍ഗീയ ചേരിതിരിവുണ്ടാക്കി ബി.ജെ.പി. രാഷ്ട്രീയ മുതലെടുപ്പിന് ശ്രമിക്കുന്നു -സി.പി.എം

  വിദ്യാര്‍ത്ഥികള്‍ അടക്കമുള്ള യാത്രക്കാര്‍ സൂക്ഷിക്കുക; ഇവിടെ മരണം പതിയിരിക്കുന്നു

  കാസര്‍കോട് നഗരസഭ ഷീ ലോഡ്ജ് നിര്‍മ്മാണ പ്രവൃത്തി ഉടന്‍ തുടങ്ങും

  ഉക്കിനടുക്ക മെഡിക്കല്‍ കോളേജിനെതിരെയുള്ള നീക്കം; സമരസമിതി പ്രക്ഷോഭത്തിലേക്ക്

  കേന്ദ്രസര്‍വ്വകലാശാല മെഡിക്കല്‍ കോളേജ് സമ്മര്‍ദ്ദം ശക്തിപ്പെടുത്തും-എം.പി.

  പടക്കകട ഒഴിയാന്‍ പഞ്ചായത്ത് സ്റ്റോപ്പ് മെമോ നല്‍കിയിട്ടും കൂട്ടാക്കിയില്ല; കെട്ടിട ഉടമ ഹൈക്കോടതിയില്‍