updated on:2018-10-23 06:56 PM
ബാലഭാസ്‌കറിന്റെ സ്മരണക്ക് രാത്രികാല ചായ, കാപ്പി സംവിധാനമൊരുക്കി കെ.സി.ഇ.എസ്

www.utharadesam.com 2018-10-23 06:56 PM,
മുന്നാട്: രാത്രികാലങ്ങളില്‍ ഡ്രൈവര്‍മാരുടെ ക്ഷീണവും ഉറക്കവുംകൊണ്ട് ഇനി ഒരു ജീവന്‍പോലും പൊലിഞ്ഞുപോകരുത്. എല്ലാവരേയും ഒരുപോലെ കരയിപ്പിച്ച് വാഹനാപകടത്തില്‍ ജീവന്‍ പൊലിഞ്ഞ പ്രശസ്ത വയലിനിസ്റ്റ് ബാലഭാസ്‌കറിന്റെയും പിഞ്ചുമകളുടേയും സ്മരണയ്ക്ക് രാത്രികാല വാഹന യാത്രക്കാര്‍ക്ക് ചായയും കാപ്പിയും ഒരുക്കി കാസര്‍കോട് കോഓപ്പറേറ്റീവ് എജ്യുക്കേഷണല്‍ സൊസൈറ്റിയും രംഗത്തെത്തുന്നു. പെര്‍ളടുക്കം ടാഷ്‌കോയ്ക്ക് സമീപം കാസര്‍കോട് കനിവ് പാലിയേറ്റീവ് സൊസൈറ്റി മാതൃകാപരമായ ഇത്തരമൊരു സേവനവുമായി നേരത്തെ തന്നെ രംഗത്തുണ്ട്.
റോഡുകളില്‍ പൊലിയുന്ന ജീവനുകളുടെ എണ്ണം അനുദിനം വര്‍ധിക്കുകയും രാത്രികാല വാഹനാപകടങ്ങള്‍ ഏറിവരികയും ചെയ്തുകൊണ്ടിരിക്കെയാണ് ഡ്രൈവര്‍മാര്‍ക്ക് ചായയും കാപ്പിയുമായി മുന്നാട് ആസ്ഥാനമായുള്ള കാസര്‍കോട് കോഓപ്പറേറ്റീവ് എജ്യുക്കേഷന്‍ സൊസൈറ്റി രംഗത്തെത്തിയത്. ഇ.എം.എസ് അക്ഷരഗ്രാമത്തില്‍ റോഡരികില്‍ സ്ഥാപിച്ച സൗജന്യ ചായ, കാപ്പി വിതരണ കേന്ദ്രത്തിന്റെ ഉദ്ഘാടനം ഇന്ന് വൈകിട്ട് ആറ് മണിക്ക് ജില്ലാ പൊലീസ് മേധാവി ഡോ. എ. ശ്രീനിവാസ് നിര്‍വ്വഹിക്കും. കാസര്‍കോട് ആര്‍.ടി.ഒ അബ്ദുല്‍ഷുക്കൂര്‍ കൊടക്കാല്‍ മുഖ്യാതിഥിയായിരിക്കും. കാസര്‍കോട് കോഓപ്പറേറ്റീവ് എജ്യുക്കേഷന്‍ സൊസൈറ്റി പ്രസിഡണ്ട് പി. രാഘവന്‍ അധ്യക്ഷതവഹിക്കും. കാറഡുക്ക ബ്ലോക്ക് പഞ്ചായത്ത് പ്രസിഡണ്ട് ഓമനരാമചന്ദ്രന്‍, ബേഡഡുക്ക പഞ്ചായത്ത് പ്രസിഡണ്ട് സി. രാമചന്ദ്രന്‍, സ്റ്റാന്റിങ് കമ്മിറ്റി ചെയര്‍മാന്‍ എം. മാധവന്‍, കെ.സി ഇ.എസ് ഭരണസമിതിയംഗം എം. അനന്തന്‍, കെ.എസ്.ഇ.ബി അസി. എഞ്ചിനീയര്‍ എം. ഭാസ്‌കരന്‍, പീപ്പിള്‍സ് കോളേജ് പ്രിന്‍സിപ്പള്‍ സി.കെ ലൂക്കോസ്, കെ.സി.ഇ.എസ് സെക്രട്ടറി ഇ.കെ രാജേഷ് സംസാരിക്കും.
കരിച്ചേരിക്കും പെര്‍ളടുക്കത്തിനുമിടയില്‍ റോഡരികില്‍ ടാഷ്‌കോക്ക് സമീപം രാത്രികാല യാത്രക്കാര്‍ക്കായി സ്വയം പ്രവര്‍ത്തിപ്പിക്കാവുന്ന ചായ, കാപ്പി ടാപ്പ് സ്ഥാപിച്ചാണ് ഇത്തരമൊരു സംരംഭത്തിന് കാസര്‍കോട് കനിവ് പാലിയേറ്റീവ് സൊസൈറ്റിയും നാട്ടുകാരും നേരത്തെ തന്നെ തുടക്കം കുറിച്ചത്. 24 മണിക്കൂറും പ്രവര്‍ത്തിക്കുന്ന കുടിവെള്ള ടാപ്പും ഇവിടെ സജ്ജമാണ്.



Recent News
  പാണത്തൂര്‍ പി.എച്ച്.സിക്ക് പുതിയ കെട്ടിടം; കിടത്തി ചികിത്സ സൗകര്യം വേണമെന്ന് പഞ്ചായത്ത്

  രോഗനിര്‍ണ്ണയത്തിലും നിവാരണത്തിലും ഡോക്യുമെന്റേഷന്‍ അത്യാവശ്യഘടകം-അശോക് രാമന്‍

  ടി.കെ. നാരായണനും ഡോ.റിജിത് കൃഷ്ണനും പുരസ്‌കാരം

  ഖാസിയുടെ മരണം: നൂറാം ദിനത്തില്‍ നടന്ന സയ്യിദന്മാരുടെ സംഗമത്തില്‍ പ്രതിഷേധമിരമ്പി

  സൗജന്യ നിയമ സഹായവുമായി കലക്ടറേറ്റില്‍ ലീഗല്‍ എയിഡ് ക്ലിനിക്കിന് തുടക്കമായി

  സോഷ്യല്‍ മീഡിയ വഴി വ്യാജ വാര്‍ത്ത പ്രചരിപ്പിച്ചാല്‍ കര്‍ശന നടപടി -എസ്.പി.

  അരമങ്ങാനം ജംഗ്ഷനില്‍ ബസ് കാത്തിരിപ്പ് കേന്ദ്രം വേണമെന്ന ആവശ്യം ശക്തമാകുന്നു; മന്ത്രിക്ക് നിവേദനം നല്‍കി

  വിനോദിനി നാലപ്പാടം അവാര്‍ഡ് ഇ. പത്മാവതിക്ക്

  വിദ്യാര്‍ത്ഥികള്‍ വ്യത്യസ്തമാവുന്നത് സാമൂഹിക പ്രതിബദ്ധതയിലൂടെ -ഷാഫി പറമ്പില്‍ എം.എല്‍.എ

  പെരിയ എയര്‍സ്ട്രിപ്പ്: നടപടിക്രമങ്ങള്‍ പുരോഗമിക്കുന്നു

  'ഇശലില്‍ കനല്‍ തോറ്റിയ കവി' നാളെ പ്രദര്‍ശിപ്പിക്കും

  ഐ.എ.ഡിയുടെ ചികിത്സാരീതി കേന്ദ്ര ആയുഷ് മന്ത്രാലയത്തിന്റെ പരിഗണനയില്‍-പത്മശ്രീ വൈദ്യ രാജേഷ്

  ഖാസിയുടെ മരണം; സമരം നൂറാം ദിനത്തിലേക്ക്

  സിദ്ദീഖ് നദ്‌വി ചേരൂരിന് കണ്ണാടി ചരിത്ര പുരസ്‌കാരം

  മന്ത് രോഗ നിവാരണം: കൂടുതല്‍ ഗവേഷണ പഠനങ്ങള്‍ ഉണ്ടാവണം -പ്രൊഫ. ടെറന്‍സ് ജെ.റെയാന്‍