updated on:2018-10-25 06:27 PM
കാസര്‍കോട്ട് ഫിലിംഫെസ്റ്റിവല്‍ വിരുന്നെത്തുന്നത് 25 വര്‍ഷങ്ങള്‍ക്ക് ശേഷം

www.utharadesam.com 2018-10-25 06:27 PM,
കാസര്‍കോട്: കാസര്‍കോട്ട് ഫിലിംഫെസ്റ്റ് വിരുന്നെത്തുന്നത് 25 വര്‍ഷങ്ങള്‍ക്ക് ശേഷം. ഒരുകാലത്ത് കാസര്‍കോട്ട് സജീവമാവുകയും സൗത്ത് ഇന്ത്യയില്‍ തന്നെ മികച്ച ഫിലിം സൊസൈറ്റിക്കുള്ള ഫെഡറേഷന്‍ ഓഫ് ഫിലിം സൊസൈറ്റീസ് ഓഫ് ഇന്ത്യയുടെ അവാര്‍ഡ് നേടുകയും ചെയ്ത കാസര്‍കോട് ഫിലിംസൊസൈറ്റിയുടെ നേതൃത്വത്തിലാണ് കാല്‍നൂറ്റാണ്ടിന് മുമ്പ് ഫിലിംഫെസ്റ്റിവല്‍ നടന്നിരുന്നത്. സ്ഥിരമായി സിനിമ പ്രദര്‍ശനവും സംഘടിപ്പിച്ചിരുന്നു. കാസര്‍കോട് ടൗണ്‍ ബാങ്ക് ഹാളില്‍ സംഘടിപ്പിച്ചിരുന്ന സിനിമ പ്രദര്‍ശനത്തിന് സ്ഥിരാംഗങ്ങളും ഉണ്ടായിരുന്നു. ഇന്ത്യന്‍, വിദേശ സിനിമകളാണ് കൂടുതലും പ്രദര്‍ശിപ്പിച്ചിരുന്നത്. ടൗണ്‍ യു.പി സ്‌കൂളിലും കാസര്‍കോട് ഗവ. ഹൈസ്‌കൂളിലും സംഘടിപ്പിക്കാറുണ്ടായിരുന്ന ഫിലിം ഫെസ്റ്റിവലുകള്‍ ഏറെ ശ്രദ്ധനേടുകയും ചെയ്തിരുന്നു. ജി.ബി വത്സന്‍, മുരളി മാസ്റ്റര്‍, ഷരീഫ് കുരിക്കള്‍, എന്‍.എച്ച് അന്‍വര്‍ തുടങ്ങിയവരുടെ നേതൃത്വത്തിലായിരുന്നു ഫിലിം ഫെസ്റ്റിവലുകള്‍ കാസര്‍കോട്ട് അരങ്ങേറിയിരുന്നത്. കാല്‍നൂറ്റാണ്ടിന് ശേഷം കാസര്‍കോട്ട് സംഘടിപ്പിക്കപ്പെടുന്ന ഫിലിം ഫെസ്റ്റിവലിനെ വരവേല്‍ക്കാനുള്ള ഒരുക്കത്തിലാണ് സിനിമാ പ്രേമികള്‍. ഫ്രാക് സിനിമ, കാസര്‍കോടിനൊരിടം കൂട്ടായ്മ, സിനിമേറ്റ്‌സ് എന്നിവയുടെ സംയുക്താഭിമുഖ്യത്തില്‍ അടുത്തമാസം 10, 11 തീയതികളിലായി കാസര്‍കോട് മുനിസിപ്പല്‍ വനിതാ ഹാളില്‍ വെച്ച് നടക്കുന്ന 'ബ്രോണ്‍ബി ഫ്രെയിംസ് 18' ഇന്റര്‍നാഷണല്‍ ഫിലിം ഫെസ്റ്റിവലിന്റെ ഉദ്ഘാടന ചടങ്ങില്‍ തിരക്കഥാകൃത്ത് സന്തോഷ് ഏച്ചിക്കാനവും സംവിധായകന്‍ മനോജ് കാനയും മുഖ്യാതിഥികളാവും. ഇന്ത്യന്‍, വിദേശ ഭാഷകളിലുള്ള ആറ് സിനിമകളാണ് രണ്ടുദിവസങ്ങളിലായി പ്രദര്‍ശിപ്പിക്കുക. ഫെസ്റ്റിന്റെ ബ്രോഷര്‍ ജി.ബി വത്സന്‍ പ്രസ് ക്ലബ് പ്രസിഡണ്ട് ടി.എ ഷാഫിക്ക് കൈമാറി പ്രകാശനം ചെയ്തു. പത്മനാഭന്‍ ബ്ലാത്തൂര്‍, കെ. ശുഹൈബ്, സണ്ണി ജോസഫ്, മധൂര്‍ ശരീഫ്, സുബിന്‍ ജോസ്, ഡോ. ഷമീം, മുഹമ്മദ് ശിഹാബ് കെ.ജെ മൊഗര്‍, കെ.പി.എസ് വിദ്യാനഗര്‍, വാസില്‍ കോപ്പ, സഫ്‌വാന്‍ വിദ്യാനഗര്‍, അബ്ബാസ് മൊഗര്‍, ലിയോ, ആഡ്‌ലിന്‍ സംബന്ധിച്ചു.



Recent News
  പാണത്തൂര്‍ പി.എച്ച്.സിക്ക് പുതിയ കെട്ടിടം; കിടത്തി ചികിത്സ സൗകര്യം വേണമെന്ന് പഞ്ചായത്ത്

  രോഗനിര്‍ണ്ണയത്തിലും നിവാരണത്തിലും ഡോക്യുമെന്റേഷന്‍ അത്യാവശ്യഘടകം-അശോക് രാമന്‍

  ടി.കെ. നാരായണനും ഡോ.റിജിത് കൃഷ്ണനും പുരസ്‌കാരം

  ഖാസിയുടെ മരണം: നൂറാം ദിനത്തില്‍ നടന്ന സയ്യിദന്മാരുടെ സംഗമത്തില്‍ പ്രതിഷേധമിരമ്പി

  സൗജന്യ നിയമ സഹായവുമായി കലക്ടറേറ്റില്‍ ലീഗല്‍ എയിഡ് ക്ലിനിക്കിന് തുടക്കമായി

  സോഷ്യല്‍ മീഡിയ വഴി വ്യാജ വാര്‍ത്ത പ്രചരിപ്പിച്ചാല്‍ കര്‍ശന നടപടി -എസ്.പി.

  അരമങ്ങാനം ജംഗ്ഷനില്‍ ബസ് കാത്തിരിപ്പ് കേന്ദ്രം വേണമെന്ന ആവശ്യം ശക്തമാകുന്നു; മന്ത്രിക്ക് നിവേദനം നല്‍കി

  വിനോദിനി നാലപ്പാടം അവാര്‍ഡ് ഇ. പത്മാവതിക്ക്

  വിദ്യാര്‍ത്ഥികള്‍ വ്യത്യസ്തമാവുന്നത് സാമൂഹിക പ്രതിബദ്ധതയിലൂടെ -ഷാഫി പറമ്പില്‍ എം.എല്‍.എ

  പെരിയ എയര്‍സ്ട്രിപ്പ്: നടപടിക്രമങ്ങള്‍ പുരോഗമിക്കുന്നു

  'ഇശലില്‍ കനല്‍ തോറ്റിയ കവി' നാളെ പ്രദര്‍ശിപ്പിക്കും

  ഐ.എ.ഡിയുടെ ചികിത്സാരീതി കേന്ദ്ര ആയുഷ് മന്ത്രാലയത്തിന്റെ പരിഗണനയില്‍-പത്മശ്രീ വൈദ്യ രാജേഷ്

  ഖാസിയുടെ മരണം; സമരം നൂറാം ദിനത്തിലേക്ക്

  സിദ്ദീഖ് നദ്‌വി ചേരൂരിന് കണ്ണാടി ചരിത്ര പുരസ്‌കാരം

  മന്ത് രോഗ നിവാരണം: കൂടുതല്‍ ഗവേഷണ പഠനങ്ങള്‍ ഉണ്ടാവണം -പ്രൊഫ. ടെറന്‍സ് ജെ.റെയാന്‍