updated on:2018-11-06 07:01 PM
പടക്കകട ഒഴിയാന്‍ പഞ്ചായത്ത് സ്റ്റോപ്പ് മെമോ നല്‍കിയിട്ടും കൂട്ടാക്കിയില്ല; കെട്ടിട ഉടമ ഹൈക്കോടതിയില്‍

www.utharadesam.com 2018-11-06 07:01 PM,
കാസര്‍കോട്: പടക്ക വില്‍പ്പന നിര്‍ത്തിവെക്കാന്‍ പഞ്ചായത്ത് അധികൃതര്‍ പലതവണ നോട്ടീസ് അയച്ചിട്ടും കൂട്ടാക്കാത്ത കടക്കാരനെതിരെ കെട്ടിടയുടമ ഹൈക്കോടതിയെ സമീപിച്ചു. ചൂരി തോട്ടത്തില്‍ ഹൗസില്‍ അബ്ബാസിന്റെ മകന്‍ സി. സമീറാണ് തന്റെ ഉടമസ്ഥതയില്‍ മീപ്പുഗിരി ജങ്ഷനിലുള്ള കെട്ടിടത്തിലെ (13/36) കട മുറി ഒഴിഞ്ഞുതരാത്ത പടക്ക കച്ചവടക്കാരനെതിരെ ഹൈക്കോടതിയില്‍ ഹരജി നല്‍കിയത്. പടക്ക വില്‍പ്പന നടത്താനുള്ള പഞ്ചായത്ത് അധികൃതരുടെ അനുമതി ഇല്ലാതെയാണ് കട പ്രവര്‍ത്തിക്കുന്നതെന്നും പഞ്ചായത്ത് അധികൃതര്‍ പലതവണ സ്റ്റോപ്പ് മെമോ നല്‍കിയിട്ടും ഒഴിയാന്‍ കൂട്ടാക്കിയില്ലെന്നും ചൂണ്ടിക്കാട്ടിയാണ് സമീര്‍ ഹൈക്കോടതിയെ സമീപിച്ചത്. കൂഡ്‌ലു പാറക്കട്ട റോഡില്‍ താമസിക്കുന്ന ഒരാളാണ് വര്‍ഷങ്ങള്‍ക്ക് മുമ്പ് കട വാടകക്കെടുത്തത്. കെട്ടിടം മൂന്ന് വര്‍ഷം മുമ്പ് സമീര്‍ വിലയ്ക്ക് വാങ്ങിയ ശേഷം കട ഒഴിയാന്‍ ആവശ്യപ്പെട്ടിരുന്നു. പടക്ക സീസണില്‍ മാത്രമേ കട തുറക്കാറുള്ളു. മധൂര്‍ പഞ്ചായത്തില്‍ അന്വേഷിച്ചപ്പോള്‍ പടക്ക വില്‍പ്പന നടത്താനുള്ള ലൈന്‍സ് നല്‍കിയിട്ടില്ലെന്ന് അറിവായതോടെ വില്‍പ്പന തടയുന്നതിന് നടപടി ആവശ്യപ്പെട്ട് പഞ്ചായത്തില്‍ പരാതി നല്‍കുകയായിരുന്നു. ഇതേ തുടര്‍ന്നാണ് പഞ്ചായത്ത് അധികൃതര്‍ വിവിധ ഘട്ടങ്ങളിലായി സ്റ്റോപ്പ് മെമോ നല്‍കിയത്. കട ഒഴിയണമെന്നാവശ്യപ്പെട്ട് കെട്ടിട ഉടമ കീഴ്‌കോടതികളില്‍ നല്‍കിയ ഹരജികളില്‍ തീര്‍പ്പായിട്ടില്ല. അടുത്തയാഴ്ച കേസ് വീണ്ടും പരിഗണനക്ക് വരാനിരിക്കുകയാണ്. പടക്കം സൂക്ഷിക്കുന്നതിനുള്ള ലൈസന്‍സിന്റെ മറവിലാണ് പടക്കം വില്‍പന നടത്തുന്നതെന്നും പറയുന്നു.



Recent News
  പാണത്തൂര്‍ പി.എച്ച്.സിക്ക് പുതിയ കെട്ടിടം; കിടത്തി ചികിത്സ സൗകര്യം വേണമെന്ന് പഞ്ചായത്ത്

  രോഗനിര്‍ണ്ണയത്തിലും നിവാരണത്തിലും ഡോക്യുമെന്റേഷന്‍ അത്യാവശ്യഘടകം-അശോക് രാമന്‍

  ടി.കെ. നാരായണനും ഡോ.റിജിത് കൃഷ്ണനും പുരസ്‌കാരം

  ഖാസിയുടെ മരണം: നൂറാം ദിനത്തില്‍ നടന്ന സയ്യിദന്മാരുടെ സംഗമത്തില്‍ പ്രതിഷേധമിരമ്പി

  സൗജന്യ നിയമ സഹായവുമായി കലക്ടറേറ്റില്‍ ലീഗല്‍ എയിഡ് ക്ലിനിക്കിന് തുടക്കമായി

  സോഷ്യല്‍ മീഡിയ വഴി വ്യാജ വാര്‍ത്ത പ്രചരിപ്പിച്ചാല്‍ കര്‍ശന നടപടി -എസ്.പി.

  അരമങ്ങാനം ജംഗ്ഷനില്‍ ബസ് കാത്തിരിപ്പ് കേന്ദ്രം വേണമെന്ന ആവശ്യം ശക്തമാകുന്നു; മന്ത്രിക്ക് നിവേദനം നല്‍കി

  വിനോദിനി നാലപ്പാടം അവാര്‍ഡ് ഇ. പത്മാവതിക്ക്

  വിദ്യാര്‍ത്ഥികള്‍ വ്യത്യസ്തമാവുന്നത് സാമൂഹിക പ്രതിബദ്ധതയിലൂടെ -ഷാഫി പറമ്പില്‍ എം.എല്‍.എ

  പെരിയ എയര്‍സ്ട്രിപ്പ്: നടപടിക്രമങ്ങള്‍ പുരോഗമിക്കുന്നു

  'ഇശലില്‍ കനല്‍ തോറ്റിയ കവി' നാളെ പ്രദര്‍ശിപ്പിക്കും

  ഐ.എ.ഡിയുടെ ചികിത്സാരീതി കേന്ദ്ര ആയുഷ് മന്ത്രാലയത്തിന്റെ പരിഗണനയില്‍-പത്മശ്രീ വൈദ്യ രാജേഷ്

  ഖാസിയുടെ മരണം; സമരം നൂറാം ദിനത്തിലേക്ക്

  സിദ്ദീഖ് നദ്‌വി ചേരൂരിന് കണ്ണാടി ചരിത്ര പുരസ്‌കാരം

  മന്ത് രോഗ നിവാരണം: കൂടുതല്‍ ഗവേഷണ പഠനങ്ങള്‍ ഉണ്ടാവണം -പ്രൊഫ. ടെറന്‍സ് ജെ.റെയാന്‍