updated on:2018-11-28 08:16 PM
വ്യാജ സ്ഥിര നിക്ഷേപ സര്‍ട്ടിഫിക്കറ്റ് നല്‍കി തട്ടിപ്പ്; നാലുകേസുകള്‍ കൂടി രജിസ്റ്റര്‍ ചെയ്തു

www.utharadesam.com 2018-11-28 08:16 PM,
കാസര്‍കോട്: റോഡ് പ്രവൃത്തികളുടെ മറവില്‍ വ്യാജ സ്ഥിര നിക്ഷേപ സര്‍ട്ടിഫിക്കറ്റും രസീതിയും നല്‍കി കരാറുകാര്‍ സര്‍ക്കാറിനെ വഞ്ചിച്ചുവെന്ന പരാതിയില്‍ കൂടുതല്‍ കേസുകള്‍ രജിസ്റ്റര്‍ ചെയ്തു. ബദിയടുക്ക പൊലീസ് രണ്ടും വിദ്യാനഗര്‍ പൊലീസ് രണ്ടും കേസുകളാണ് ഇന്നലെ രജിസ്റ്റര്‍ ചെയ്തത്. എന്‍മകജെ-ഗുണ്ടിയടുക്ക, അയ്യപ്പമൂല-സ്വര്‍ഗ റോഡ് പ്രവൃത്തിയുമായി ബന്ധപ്പെട്ട് വ്യാജ സ്ഥിര നിക്ഷേപ സര്‍ട്ടിഫിക്കറ്റ് നല്‍കി വഞ്ചിച്ചുവെന്ന പരാതിയില്‍ കരാറുകാരന്‍ ബേവിഞ്ചയിലെ എം.എ മുഹമ്മദ് സെയ്ദിനെതിരെ കേസെടുത്തു. എന്‍മകജെ പഞ്ചായത്ത് പൊതുമരാമത്ത് അസി. എഞ്ചിനിയര്‍ തിമ്മകുടിയയുടെ പരാതിയിലാണ് കേസ്. ഗോളിക്കട്ട-പടുപ്പ്, ഗുത്താജെ-കല്ലമജല്‍, പാത്തടുക്ക-ഇളംതോടി റോഡുകളുടെ പ്രവൃത്തിയുമായി ബന്ധപ്പെട്ട് ഈ രീതിയില്‍ തട്ടിപ്പ് നടത്തിയതിന് കരാറുകാരന്‍ തെക്കില്‍ ഫെറിയിലെ മുഹമ്മദ് ഇസ്ഹാഖിനെതിരെ കേസെടുത്തു.
കാസര്‍കോട് എല്‍.എസ്.ജി.ഡി ഡിവിഷന്‍ എക്‌സിക്യൂട്ടീവ് എഞ്ചിനിയര്‍ മധുസൂദനന്റെ പരാതിയില്‍ കരാറുകാരായ ബേവിഞ്ച തെക്കിലിലെ മുഹമ്മദ് സെയ്ദ് (45), തെക്കില്‍ ഫെറിയിലെ മുഹമ്മദ് ഇര്‍ഷാദ് (50) എന്നിവര്‍ക്കെതിരെ കേസെടുത്തു. ചെമനാട് എല്‍.എസ്.ജി.ഡി അസി. എഞ്ചിനീയര്‍ ആര്‍. ജിഷയുടെ പരാതിയില്‍ തെക്കില്‍ ബന്താട്ടെ കരാറുകാരന്‍ ഖാദര്‍കുഞ്ഞിക്കെതിരെയും കേസെടുത്തു. വ്യാജ സ്ഥിര നിക്ഷേപ സര്‍ട്ടിഫിക്കറ്റും രസീതിയും നല്‍കി സര്‍ക്കാറിന് വഞ്ചിച്ചുവെന്ന് കാട്ടി നിരവധി പരാതികളാണ് പൊലീസില്‍ ലഭിച്ചത്. നേരത്തെ വിവിധ സ്റ്റേഷനുകളിലായി അഞ്ച് കേസുകള്‍ രജിസ്റ്റര്‍ ചെയ്തിരുന്നു. സംഭവത്തെ കുറിച്ച് പൊലീസ് അന്വേഷണം ഊര്‍ജിതമാക്കിയിട്ടുണ്ട്.



Recent News
  സംസ്ഥാന സ്‌കൂള്‍ കലോത്സവം: ജില്ലയ്ക്ക് പതാക കൈമാറി

  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു

  വിമാനത്താവളങ്ങള്‍ സ്വകാര്യവല്‍ക്കരിക്കരുത്-പി.കരുണാകരന്‍

  അടിസ്ഥാന രഹിത ആരോപണങ്ങള്‍ ഉന്നയിച്ച് സംഘടനയെ തകര്‍ക്കാനാവില്ല-വ്യാപാരി വ്യവസായി ഏകോപന സമിതി