updated on:2018-12-03 07:19 PM
സാഗര തീരത്ത് എഴുത്തനുഭവങ്ങള്‍ പങ്കുവെച്ച് സാഹിത്യവേദി പ്രവര്‍ത്തകര്‍ ഒത്തുകൂടി

www.utharadesam.com 2018-12-03 07:19 PM,
മൊഗ്രാല്‍: കാസര്‍കോട് സാഹിത്യവേദിയുടെ ആഭിമുഖ്യത്തില്‍ മൊഗ്രാല്‍ ഈമാന്‍ ബീച്ച് റിസോര്‍ട്ടില്‍ സംഘടിപ്പിച്ച സര്‍ഗസാഗരം ഏകദിന സാഹിത്യ ക്യാമ്പ്, എഴുത്തിനെ ഭയക്കുന്ന ശക്തികള്‍ രാജ്യത്ത് വര്‍ധിച്ചുവരുന്നതിന്റെ ഭീതിതമായ ചിത്രങ്ങളെ വരച്ചുകാട്ടുന്നതായി. എഴുത്തോ, കഴുത്തോ എന്ന വിഷയത്തില്‍ നടന്ന സംവാദം പ്രശസ്ത പരിസ്ഥിതി എഴുത്തുകാരന്‍ ഉണ്ണികൃഷ്ണന്‍ ഇ. ഉദ്ഘാടനം ചെയ്തു. പ്രമുഖ മാധ്യമങ്ങള്‍ പോലും സ്വാധീനിക്കപ്പെടുന്ന കാലഘട്ടത്തിലേക്ക് എത്തിപ്പെട്ടതിന്റെ ഉത്കണ്ഠ അദ്ദേഹം പങ്കുവെച്ചു. സാഹിത്യവേദി പ്രസിഡണ്ട് റഹ്മാന്‍ തായലങ്ങാടി അധ്യക്ഷത വഹിച്ചു. വൈസ് പ്രസിഡണ്ട് പത്മനാഭന്‍ ബ്ലാത്തൂര്‍ പരിചയപ്പെടുത്തി. ടി.വി ഗംഗാധരന്‍, വി.വി പ്രഭാകരന്‍, മുജീബ് അഹ്മദ്, റഹ്മാന്‍ പാണത്തൂര്‍, എരിയാല്‍ അബ്ദുല്ല, റഹ്മാന്‍ മുട്ടത്തൊടി തുടങ്ങിയവര്‍ ചര്‍ച്ചയില്‍ പങ്കെടുത്ത് സംസാരിച്ചു. സാഹിത്യവേദി സെക്രട്ടറി അഷ്‌റഫലി ചേരങ്കൈ സ്വാഗതവും വിനോദ് കുമാര്‍ പെരുമ്പള നന്ദിയും പറഞ്ഞു. തുടര്‍ന്ന് നടന്ന കഥാ-കാവ്യ അനുഭവങ്ങളുടെ സര്‍ഗ വിവരണം പരിപാടിയില്‍ അധ്യാപക അവാര്‍ഡ് ജേതാവ് നിര്‍മ്മല്‍ കുമാര്‍ കാടകം മുഖ്യാതിഥിയായിരുന്നു. ഷരീഫ് മധൂര്‍ സ്വാഗതവും ടി.കെ അന്‍വര്‍ നന്ദിയും പറഞ്ഞു. ടി.എം ഷുഹൈബ്, ടി.എ ഷാഫി, എം.വി സന്തോഷ് കുമാര്‍, ഷാഫി എ. നെല്ലിക്കുന്ന്, ആര്‍.എസ് രാജേഷ് കുമാര്‍, അഹമ്മദലി കുമ്പള, രാഘവന്‍ വെള്ളിപ്പാടി, എം.പി ജില്‍ജില്‍, വേണു കണ്ണന്‍, അബ്ദു കാവുഗോളി, മുരളീധരന്‍, എസ്.എച്ച് ഹമീദ്, മുഹമ്മദ് കുഞ്ഞി മാസ്റ്റര്‍, കെ.പി.എസ് വിദ്യാനഗര്‍, ഹമീദ് കാവില്‍, റഹീം നുള്ളിപ്പാടി, അഹ്‌റാസ്, മുഹമ്മദ് അബ്‌കോ, ഹബീബ് കോട്ട, അബ്ദുല്ല ഹില്‍ടോപ്പ് തുടങ്ങിയവര്‍ സംബന്ധിച്ചു.



Recent News
  എരിഞ്ഞിപുഴയില്‍ മീനുകള്‍ ചത്തുപൊങ്ങിയത് പാരിസ്ഥിതിക പ്രശ്‌നം മൂലമെന്ന് നിഗമനം

  നെല്ലിക്കുന്ന് എ.യു.എ.യു.പി സ്‌കൂള്‍ പുതിയ ബ്ലോക്കിന് തറക്കല്ലിട്ടു

  ജെ.സി.ഐ കാസര്‍കോട് ഇഫ്താര്‍ സംഗമം നടത്തി

  കെ.എം.സി.സി.യുടെ പ്രവര്‍ത്തനം മാതൃകാപരം-എന്‍.എ.

  യൂത്ത് കോണ്‍ഗ്രസ് പ്രതിരോധ സംഗമം സംഘടിപ്പിച്ചു

  അറബിക് ഭാഷ പഠനം നിഷേധിക്കാനുള്ള നീക്കം ചെറുക്കും-എം.എസ്.എഫ്

  ജെ.സി.ഐ. കാസര്‍കോടിന്റെ വിദ്യാഭ്യാസ എക്‌സ്‌പോ ശ്രദ്ധേയമായി

  അരങ്ങേറ്റം അവിസ്മരണീയമാക്കി 'ഇയാഗോ'

  ആരിക്കാടി കെ.ജെ.എന്നിന്റെ കുടിവെള്ള വിതരണം 2-ാം വര്‍ഷത്തില്‍

  ആയംകടവ് പാലം നിര്‍മ്മാണം പൂര്‍ത്തിയായിട്ടും അനുബന്ധ റോഡ് വികസനത്തിന് നടപടിയായില്ല

  നിയമ സഹായം വീട്ടു മുറ്റത്തെത്തും; മൊബൈല്‍ അദാലത്ത് ബസ് ഫ്‌ളാഗ് ഓഫ് ചെയ്തു

  ബിജു കാഞ്ഞങ്ങാടിന് വീണ്ടും പുരസ്‌കാരം

  റാങ്ക് തിളക്കത്തില്‍ തളങ്കര മാലിക് ദീനാര്‍ ഇസ്‌ലാമിക് അക്കാദമി

  ജെ.സി.ഐ കാസര്‍കോടിന്റെ വിദ്യാഭ്യാസ സെമിനാറും ഉന്നത വിജയികള്‍ക്കുള്ള അനുമോദനവും 18, 19ന്

  ഈ വാകമരച്ചോട്ടില്‍ സാഹിത്യ ക്യാമ്പ് നാളെ തുടങ്ങും