updated on:2018-12-07 07:46 PM
വിമാനത്താവളങ്ങള്‍ സ്വകാര്യവല്‍ക്കരിക്കരുത്-പി.കരുണാകരന്‍

www.utharadesam.com 2018-12-07 07:46 PM,
കാസര്‍കോട്: വിമാനത്താവളങ്ങളെ സ്വകാര്യവല്‍കരിക്കാനുള്ള നീക്കത്തില്‍നിന്ന് കേന്ദ്ര സര്‍ക്കാര്‍ പിന്മാറണമെന്ന് പി. കരുണാകരന്‍ എം.പി. പ്രസ്താവനയില്‍ ആവശ്യപ്പെട്ടു. കേന്ദ്ര ഗവ.അംഗീകരിച്ച സ്വകാര്യവല്‍ക്കരണത്തിന്റെ ഭാഗമായി ഇന്ത്യന്‍ എയര്‍ലൈന്‍സിന്റെയും എയര്‍ ഇന്ത്യയുടേയും വിമാന സര്‍വീസുകള്‍ സ്വകാര്യ ഏജന്‍സിക്ക് നല്‍കുവാന്‍ കേന്ദ്ര സര്‍ക്കാര്‍ ആലോചിക്കുകയാണ്. അതോടൊപ്പം ലാഭത്തില്‍ പ്രവര്‍ത്തിക്കുന്ന എയര്‍പോര്‍ട്ടുകളും സ്വകാര്യവല്‍ക്കരിക്കാനുള്ള തീരുമാനവും എടുത്തുകഴിഞ്ഞു. മംഗളൂരു, തിരുവനന്തപുരം, അഹമ്മദാബാദ്, ജയ്പൂര്‍, ലക്‌നൗ, ഗുവാഹത്തി തുടങ്ങിയ വിമാനത്താവളങ്ങളാണ് ഈ പട്ടികയില്‍ ഉള്‍പ്പെട്ടിരിക്കുന്നത്. സംസ്ഥാന ഗവണ്‍മെന്റുകള്‍ ആവശ്യമായ ഭൂമി നല്‍കി പശ്ചാത്തല സൗകര്യങ്ങള്‍ ഒരുക്കി ലാഭകരമായി പ്രവര്‍ത്തിക്കുന്ന എയര്‍പോര്‍ട്ടുകളിലാണ് വന്‍കിട കോര്‍പറേറ്റുകള്‍കണ്ണുവെച്ചിരിക്കുന്നത്. നഷ്ടത്തില്‍ പ്രവര്‍ത്തിക്കുന്നതൊന്നും തന്നെ ആവശ്യമില്ല. സംസ്ഥാന ഗവണ്‍മെന്റുകളോട് ആലോചിക്കുക പോലും ചെയ്യാതെയാണ് ഇത്തരം തീരുമാനം കേന്ദ്ര സര്‍ക്കാര്‍ സ്വീകരിക്കുന്നത്. ഏറ്റവും പ്രധാന പൊതുമേഖലാസ്ഥാപനങ്ങള്‍ അതും ലാഭത്തില്‍ പ്രവര്‍ത്തിക്കുന്നവ സ്വകാര്യവല്‍ക്കരിക്കില്ലെന്ന് തീരുമാനിച്ചിരുന്നു. എന്നാല്‍ അത്തരം മര്‍മ്മപ്രധാനമായ സ്ഥാപനങ്ങള്‍ ഒരുതത്വ ദീക്ഷയുമില്ലാതെ കേന്ദ്ര ഗവ. സ്വകാര്യവല്‍ക്കരിക്കാന്‍ തീരുമാനിച്ചിരിക്കുന്നു. പൊതുമേഖലാ സ്ഥാപനങ്ങള്‍ പിന്മാറുമ്പോള്‍ സ്വകാര്യ കമ്പനികള്‍ക്ക് യഥേഷ്ടം വില വര്‍ധിപ്പിക്കാനും ഇതുവഴി യാത്രക്കാര്‍ക്കുമേല്‍ കൂടുതല്‍ ബാധ്യത അടിച്ചേല്‍പ്പിക്കാനും സാധിക്കും. സ്വകാര്യവിമാനങ്ങളെ പോലെ സ്വകാര്യ വിമാനത്താവളങ്ങള്‍ കൂടിവന്നു കഴിഞ്ഞാല്‍ യാത്രക്കാരെ കൊള്ളയടിക്കുന്ന സ്ഥിതിവരും.
കേരള, കര്‍ണാടക മുഖ്യമന്ത്രിമാര്‍ ഇതിനോടകം തന്നെ ഇതിനെതിരെ നിലപാടെടുത്തിട്ടുണ്ട്. അടുത്ത പാര്‍ലമെന്റ് സമ്മേളനത്തില്‍ ഈ വിഷയം ഉന്നയിക്കുമെന്നും പി.കരുണാകരന്‍ എം.പി. പറഞ്ഞു.



Recent News
  സംസ്ഥാന സ്‌കൂള്‍ കലോത്സവം: ജില്ലയ്ക്ക് പതാക കൈമാറി

  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു

  അടിസ്ഥാന രഹിത ആരോപണങ്ങള്‍ ഉന്നയിച്ച് സംഘടനയെ തകര്‍ക്കാനാവില്ല-വ്യാപാരി വ്യവസായി ഏകോപന സമിതി

  സംസ്‌കൃതി ചെറു കഥാ പുരസ്‌ക്കാരം ഹരീഷ് പന്തക്കലിന്