updated on:2018-12-07 08:22 PM
ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു

www.utharadesam.com 2018-12-07 08:22 PM,
പാലക്കുന്ന്: ഓള്‍ കേരള വീല്‍ചെയര്‍ റൈറ്റ് ഫെഡറേഷന്‍ അക്കര ഫൗണ്ടേഷന്റെ സഹകരണത്തോട് കൂടി ലോക ഭിന്ന ശേഷി ദിനത്തില്‍ പാലക്കുന്ന് ഗ്രീന്‍വുഡ്‌സ് കോളേജില്‍ സംഘടിപ്പിച്ച ഭിന്നശേഷി സൗഹൃദ സദസ്സ് ജില്ലാ കളക്ടര്‍ ഡോ: ഡി. സജിത് ബാബു ഉദ്ഘാടനം ചെയ്തു. ശാരീരിക വൈകല്യങ്ങളാല്‍ വീടിന്റെ അകത്തളങ്ങളില്‍ ജീവിതത്തോട് മല്ലിടുന്ന ഭിന്ന ശേഷി ജനങ്ങളെ സമൂഹത്തിന്റെ മുഖ്യധാരയിലേക്ക് കൊണ്ടുവരുന്നതിന്റെ ഭാഗമായി എ.കെ.ഡബ്ല്യു.ആര്‍.എഫും അക്കര ഫൗണ്ടേഷനും ചേര്‍ന്നു വീല്‍ചെയര്‍ റാലിയും സംഘടിപ്പിച്ചു.
തൃക്കണ്ണാട് ബീച്ച് പരിസരത്തു നിന്ന് ആരംഭിച്ച റാലി ബേക്കല്‍ സര്‍ക്കിള്‍ ഇന്‍സ്‌പെക്ടര്‍ വി.കെ. വിശ്വംഭരന്‍ ഫ്‌ളാഗ് ഓഫ് ചെയ്തു. തുടര്‍ന്ന് പാലക്കുന്ന് ഗ്രീന്‍വുഡ്‌സ് ആര്‍ട്‌സ് ആന്റ് സയന്‍സ് കോളേജ് ഓഡിറ്റോറിയത്തില്‍ വിവിധ ഭിന്നശേഷി കലാകാരന്മാരുടെ കലാപരിപാടിയും മാജിക് ഷോയും നടന്നു. എ.കെ.ഡബ്ല്യ.ആര്‍.എഫ് മുന്‍ പ്രസിഡണ്ട് സന്തോഷ് മാളിയേക്കല്‍ അധ്യക്ഷത വഹിച്ചു.
നടന്‍ മമ്മൂട്ടി സ്‌പോണ്‍സര്‍ ചെയ്ത പത്ത് വീല്‍ ചെയറുകള്‍ വിതരണം ചെയ്തു. കോമഡി കലോത്സവത്തിലെ ഭിന്നശേഷി കലാകാരന്‍ അബ്ദുല്‍ കരീമിന് ഉദുമ പഞ്ചായത്ത് പ്രസിഡണ്ട് കെ.എ. മുഹമ്മദലി ഉപഹാര സമര്‍പ്പണം നടത്തി.
ബേക്കല്‍ സബ് ഇന്‍സ്‌പെക്ടര്‍ കെ.പി വിനോദ്കുമാര്‍, ഗ്രീന്‍വുഡ്‌സ് സ്‌കൂള്‍ സി.ഇ.ഒ സലീം പൊന്നമ്പത്ത്, അക്കര ഫൗണ്ടേഷന്‍ പ്രോജക്ട് മാനേജര്‍ മുഹമ്മദ് യാസിര്‍, റിയാസ് അമലടുക്കം, ഗഫൂര്‍ ദേളി, പാലിയേറ്റീവ് ജില്ലാ കോ-ഓര്‍ഡിനേറ്റര്‍ ഷിജി, ശശി, സുനില്‍കുമാര്‍ പ്രസംഗിച്ചു. പരിപാടിയില്‍ പങ്കെടുത്ത ഭിന്നശേഷിക്കാര്‍ക്കുള്ള സ്‌നേഹസമ്മാനം ഒരുമ സാംസ്‌കാരിക സമിതിയും ബേക്കല്‍ ജനമൈത്രി പൊലീസും ചേര്‍ന്ന് വിതരണം ചെയ്തു.



Recent News
  ഖാസിയുടെ മരണം: എസ്.കെ.എസ്.എസ്.എഫ്. നേതാക്കള്‍ ഉണ്ണിത്താനെ കണ്ടു

  കുറ്റിക്കോല്‍ മഹാവിഷ്ണു ക്ഷേത്ര അഷ്ടബന്ധ ബ്രഹ്മകലശോത്സവം നാളെ സമാപിക്കും

  സഅദിയ്യയില്‍ പ്രാര്‍ത്ഥനാ സമ്മേളനം 29ന്; ഒരുക്കങ്ങള്‍ പൂര്‍ത്തിയായി

  ബാലകൃഷ്ണ വോര്‍ക്കുഡ്‌ലുവിന് യാത്രാമൊഴി

  എരിഞ്ഞിപുഴയില്‍ മീനുകള്‍ ചത്തുപൊങ്ങിയത് പാരിസ്ഥിതിക പ്രശ്‌നം മൂലമെന്ന് നിഗമനം

  നെല്ലിക്കുന്ന് എ.യു.എ.യു.പി സ്‌കൂള്‍ പുതിയ ബ്ലോക്കിന് തറക്കല്ലിട്ടു

  ജെ.സി.ഐ കാസര്‍കോട് ഇഫ്താര്‍ സംഗമം നടത്തി

  കെ.എം.സി.സി.യുടെ പ്രവര്‍ത്തനം മാതൃകാപരം-എന്‍.എ.

  യൂത്ത് കോണ്‍ഗ്രസ് പ്രതിരോധ സംഗമം സംഘടിപ്പിച്ചു

  അറബിക് ഭാഷ പഠനം നിഷേധിക്കാനുള്ള നീക്കം ചെറുക്കും-എം.എസ്.എഫ്

  ജെ.സി.ഐ. കാസര്‍കോടിന്റെ വിദ്യാഭ്യാസ എക്‌സ്‌പോ ശ്രദ്ധേയമായി

  അരങ്ങേറ്റം അവിസ്മരണീയമാക്കി 'ഇയാഗോ'

  ആരിക്കാടി കെ.ജെ.എന്നിന്റെ കുടിവെള്ള വിതരണം 2-ാം വര്‍ഷത്തില്‍

  ആയംകടവ് പാലം നിര്‍മ്മാണം പൂര്‍ത്തിയായിട്ടും അനുബന്ധ റോഡ് വികസനത്തിന് നടപടിയായില്ല

  നിയമ സഹായം വീട്ടു മുറ്റത്തെത്തും; മൊബൈല്‍ അദാലത്ത് ബസ് ഫ്‌ളാഗ് ഓഫ് ചെയ്തു