updated on:2018-12-24 06:49 PM
കുട്ടികളുടെ ചലച്ചിത്രോത്സവവും സിനിമാസ്വാദന ക്യാമ്പും നവ്യാനുഭവമായി

www.utharadesam.com 2018-12-24 06:49 PM,
തളങ്കര: ഒരു പഠന മാധ്യമമെന്ന നിലയില്‍ സിനിമയ്ക്ക് കുട്ടികളെയും രക്ഷിതാക്കളെയും സിനിമാസ്വാദനത്തിന്റെ ബഹുമുഖ തലങ്ങളിലേക്കുയര്‍ത്തി മനോഹരമായ ദൃശ്യവിരുന്ന് നല്‍കി തളങ്കര പടിഞ്ഞാര്‍ ജി.എല്‍.പി സ്‌കൂളില്‍ സംഘടിപ്പിച്ച കുട്ടികളുടെ ചലച്ചിത്രോത്സവവും സിനിമാസ്വാദന ക്യാമ്പും എല്ലാവര്‍ക്കും പുതിയ അനുഭവമായി മാറി.
ആധുനിക കാലത്തെ ഏറ്റവും ജനപ്രിയ മാധ്യമമായ സിനിമ ഉപയോഗിച്ച് കുട്ടികളില്‍ അഭിലഷണീയമായ മാറ്റങ്ങള്‍ ഉണ്ടാക്കാനുള്ള ദീര്‍ഘകാല പദ്ധതിയുടെ തുടക്കം കുറിച്ചുകൊണ്ടുള്ള ചലച്ചിത്ര മേളയുടെ ഉദ്ഘാടനം ജില്ലാ കലക്ടര്‍ ഡോ. സജിത്ത് ബാബു നിര്‍വ്വഹിച്ചു.
ഒരു പഠന മാധ്യമമെന്ന നിലയില്‍ നൂതന വിദ്യാഭ്യാസ പദ്ധതിയില്‍ സിനിമയ്ക്കും സുപ്രധാന സ്ഥാനമുണ്ടെന്ന് അദ്ദേഹം പറഞ്ഞു.
മുനിസിപ്പല്‍ ചെയര്‍പേഴ്‌സണ്‍ ബീഫാത്തിമ ഇബ്രാഹിം അധ്യക്ഷത വഹിച്ചു. ജില്ലയിലെ പൊതു വിദ്യാലയങ്ങളുടെ മുന്‍ നിരയിലേക്ക് വളര്‍ന്നുകൊണ്ടിരിക്കുന്ന ജി.എല്‍.പി.എസ് തളങ്കര പടിഞ്ഞാറിനെ കുറിച്ചുള്ള ഡോക്യുമെന്ററി സ്വിച്ച് ഓണ്‍ കര്‍മം വിദ്യാലയ വികസന സമിതി ചെയര്‍മാന്‍ യഹ്‌യ തളങ്കര നിര്‍വ്വഹിച്ചു.
കാസര്‍കോട് എ.ഇ.ഒ ബര്‍ണാഡ്, മുന്‍ നഗരസഭാ ചെയര്‍മാന്‍ ടി.ഇ അബ്ദുല്ല, കൗണ്‍സിലര്‍ മുജീബ് തളങ്കര, പി.വി മുഹമ്മദ്, പി.ടി.എ പ്രസിഡണ്ട് ഫിറോസ് പടിഞ്ഞാര്‍, മദര്‍ പി.ടി.എ പ്രസിഡണ്ട് കൗസറ മൊയ്തു പ്രസംഗിച്ചു. ഹെഡ്മിസ്ട്രസ് പി. പുഷ്പാവതി സ്വാഗതവും ഫൈസല്‍ പടിഞ്ഞാര്‍ നന്ദിയും പറഞ്ഞു. ആദ്യ ചിത്രമായി നിരവധി സമ്മാനങ്ങള്‍ വാങ്ങിയ കൃഷ്ണദാസ് പാലേരിയുടെ കുട്ടികളുടെ ചിത്രമായ കനല്‍പ്പൂവ് പ്രദര്‍ശിപ്പിച്ചു. ആദ്യഘട്ടത്തില്‍ തിരഞ്ഞെടുക്കപ്പെട്ട 25 ചിത്രങ്ങള്‍ പ്രദര്‍ശിപ്പിക്കും. രണ്ടാം ഘട്ടം ഡോക്യുമെന്ററി നിര്‍മ്മാണം ഈ വിദ്യാലത്തിലെയും അയല്‍പക്ക വിദ്യാലയങ്ങളിലെ കുട്ടികളെയും കൂടി ഉള്‍പ്പെടുത്തി ജനുവരി രണ്ടാം വാരത്തില്‍ ആരംഭിക്കും.



Recent News
  അക്വാ ഗ്രാനൈറ്റ് ഷോറൂം എന്‍.എ. നെല്ലിക്കുന്ന് എം.എല്‍.എ ഉദ്ഘാടനം ചെയ്തു

  പ്രകൃതിക്ക് അനുയോജ്യമായ തരത്തില്‍ മണലെടുക്കാം; യു.കെ. യൂസഫിന്റെ പോരാട്ടത്തിന് വിജയം

  നാടിന്റെ സമാധാനം നിലനിര്‍ത്താന്‍ എല്ലാവരും ഒറ്റക്കെട്ടാവണം-കാന്തപുരം

  മുഖ്യമന്ത്രിക്കെതിരെ മുദ്രാവാക്യം; യുവതി അറസ്റ്റില്‍

  ഭാരതം ഉറ്റുനോക്കുന്നത് രാഹുല്‍ ഗാന്ധിയെ-മുല്ലപ്പള്ളി

  ഡിഫന്‍സ് ബാങ്കോട് സംസ്ഥാനതല ദഫ്മുട്ട് മത്സരം: മലപ്പുറം ജേതാക്കള്‍

  മന്ത് രോഗ ചികിത്സാ രംഗത്തെ വിജയ നേട്ടത്തിനിടയില്‍ 9-ാമത് ദേശീയ സെമിനാറിന് ഐ.എ.ഡിയില്‍ നാളെ തുടക്കം

  അമൃതാ വെങ്കിടേഷിന്റെ സംഗീത കച്ചേരി 20ന്

  അഭിനയ മികവോടെ ലഘുനാടകങ്ങള്‍ അരങ്ങേറി

  പ്രൈം ലൈഫ് ഹെല്‍ത്ത് മാള്‍ ആരംഭിച്ചു

  ചെങ്കള പഞ്ചായത്തുതല സഹവാസ ക്യാമ്പ് 18 ന് തുടങ്ങും

  ഓഫീസ് അക്രമിച്ചതില്‍ സി.പി.എം. പ്രതിഷേധിച്ചു

  എച്ച്1 എന്‍1: മഞ്ചേശ്വരത്ത് ആരോഗ്യവകുപ്പ് മരുന്ന് വിതരണം നടത്തി

  പൊലീസ് പക്ഷപാതപരമായി പെരുമാറുന്നുവെന്ന് ബി.ജെ.പി.

  എന്‍ഡോസള്‍ഫാന്‍: വീണ്ടും സമരം ശക്തമാക്കുന്നു; അമ്മമാര്‍ പട്ടിണി സമരത്തിന്