updated on:2018-12-31 06:49 PM
ഒപ്പരം ഇന്ന്; ഒരേ മനസ്സോടെ കാസര്‍കോട് ഒത്തുചേരുന്നു

www.utharadesam.com 2018-12-31 06:49 PM,
കാസര്‍കോട്: ജില്ലാ ഭരണകൂടത്തിന്റെയും കാസര്‍കോട് തിയേറ്ററിക്‌സ് സൊസൈറ്റിയുടെയും നേതൃത്വത്തില്‍ ഇന്ന് സന്ധ്യക്ക് കാസര്‍കോട് പുലിക്കുന്നിലെ സന്ധ്യാരാഗം ഓഡിറ്റോറിയത്തില്‍ നടക്കുന്ന ഒപ്പരം'19 പുതുവര്‍ഷാഘോഷത്തിന്റെ പ്രചരണാര്‍ത്ഥം തൃക്കരിപ്പൂരില്‍ നിന്ന് കാസര്‍കോട്ടേക്ക് സൈക്കിള്‍ റാലി നടത്തി. കാസര്‍കോട് പെഡലേര്‍സാണ് റാലി നടത്തിയത്. തൃക്കരിപ്പൂരില്‍ ജില്ലാ പഞ്ചായത്ത് പ്രസിഡണ്ട് എ.ജി.സി. ബഷീര്‍ ഉദ്ഘാടനം ചെയ്തു. പാരീസില്‍ നടക്കുന്ന അന്തര്‍ ദേശീയ സൈക്ലിംഗ് മാരത്തോണിലേക്ക് തിരഞ്ഞെടുക്കപ്പെട്ട ഇംതിയാസ് അഹമ്മദും, രതീഷ് അമ്പലത്തറ, ഇബ്രാഹിം പി.എം.സി, അസീം, റനീസ്, ഡോ. ജോസഫ് വര്‍ക്കി, ഡോ. സൂരജ് നമ്പ്യാര്‍, ശ്രീജിത്ത്, സുലൈമാന്‍, സുനൈസ്, രാഹുല്‍രാഘവന്‍, സുമേഷ് എന്നിവരുമാണ് സൈക്കിള്‍ റാലിയില്‍ അണിനിരന്നത്. കാസര്‍കോട് കലക്ടറേറ്റ് പരിസരത്ത് ജില്ലാ കലക്ടര്‍ ഡോ. ഡി. സജിത്ബാബുവിന്റെ നേതൃത്വത്തില്‍ സൈക്കിള്‍ റാലിക്ക് സ്വീകരണം നല്‍കി. ഇന്ന് 6 മണിക്ക് സന്ധ്യാരാഗം ഓഡിറ്റോറിയത്തില്‍ രംഗപൂജയോടെ പുതുവത്സരാഘോഷത്തിന് തുടക്കം കുറിക്കും. കാസര്‍കോടിന്റെ വിവിധ കലാരൂപങ്ങളുടെ പ്രദര്‍ശനത്തിനൊടുവില്‍ അമതന്‍ ബാന്റിന്റെ മ്യൂസിക് ബാന്റ് ഉണ്ടാവും. പുതുവര്‍ഷം പിറക്കുന്നതിന് മുന്നോടിയായി വെറുപ്പന്‍ എന്ന പ്രതീകത്തെ കത്തിക്കും. ഔപചാരികമായ ചടങ്ങുകള്‍ ഒഴിവാക്കിയിട്ടുണ്ടെങ്കിലും മന്ത്രി ഇ. ചന്ദ്രശേഖരന്‍, എം.എല്‍.എ.മാര്‍, ജില്ലാ പഞ്ചായത്ത് പ്രസിഡണ്ട്, നഗരസഭ അധ്യക്ഷ, സാംസ്‌കാരിക പ്രവര്‍ത്തകര്‍ തുടങ്ങിയവര്‍ സംബന്ധിക്കുമെന്ന് ജില്ലാ കലക്ടര്‍ അറിയിച്ചു. സെലിബ്രിറ്റി താരമായി സിനിമാനടി ശ്രീവിദ്യാനായര്‍ പങ്കെടുക്കും.



Recent News
  കോയിപ്പാടിയില്‍ കടല്‍ഭിത്തി നിര്‍മ്മിക്കാന്‍ സര്‍ക്കാറിനോട് ആവശ്യപ്പെടും -ഉണ്ണിത്താന്‍

  ഹൃദ്യലക്ഷ്മിയെ അനുമോദിച്ചു

  പി.എന്‍.പണിക്കര്‍ സ്മാരക അവാര്‍ഡ് ഷാഹിന സലീമിന്

  ജില്ലാ റൈഫിള്‍ അസോസിയേഷന്‍ ആസ്ഥാനമന്ദിരത്തിന് അമ്പലത്തറയില്‍ തറക്കല്ലിട്ടു

  ഗിരീഷ് കര്‍ണാടിന് ശ്രദ്ധാഞ്ജലി

  നാട്ടുകാര്‍ കൈകോര്‍ത്തു; പള്ളത്ത് വെളിച്ച വിപ്ലവം

  വിദ്യാര്‍ത്ഥികള്‍ ലക്ഷ്യബോധമുള്ള സ്വപ്‌നങ്ങള്‍ കാണണം-രാജ്‌മോഹന്‍ ഉണ്ണിത്താന്‍

  ലയണ്‍സ് ക്ലബ്ബ് സ്ഥാനാരോഹണം നടത്തി

  ലയം കലാക്ഷേത്രം ഉദ്ഘാടനം ചെയ്തു

  എന്‍ഡോസള്‍ഫാന്‍ ബാധിത മേഖലയില്‍ സാന്ത്വന സ്പര്‍ശവുമായി അവര്‍ വീണ്ടുമെത്തി

  രുചിയുടെ വൈവിധ്യങ്ങളുമായി ചക്ക മഹോത്സവം

  ദുബായ് കെ.എം.സി.സി ഉദുമ മണ്ഡലം കമ്മിറ്റിയുടെ കുടിവെള്ള പദ്ധതി തുടങ്ങി

  പഠന മികവിന് ആദരം ചൂടി ചെങ്കള പഞ്ചായത്തിന്റെ വിജയോത്സവം

  രാജ്യത്ത് അവഗണിക്കപ്പെട്ടവന്റെ ശബ്ദം ചവിട്ടിയമര്‍ത്തുന്നു -പ്രസന്ന

  മഡിയന്‍ കൂലോം ക്ഷേത്രത്തിലെ അപൂര്‍വ്വ ദാരുശില്‍പങ്ങള്‍ സംരക്ഷിക്കും -മന്ത്രി