updated on:2019-02-05 06:18 PM
ജില്ലാ പഞ്ചായത്ത് ഭരണം കോണ്‍ഗ്രസിന് കൈമാറി കിട്ടിയില്ലെങ്കില്‍ കടുത്ത നടപടിയെന്ന് സ്റ്റാന്റിംഗ് കമ്മിറ്റി ചെയര്‍മാന്‍

www.utharadesam.com 2019-02-05 06:18 PM,
കാസര്‍കോട്: രണ്ടര വര്‍ഷം വീതംവെക്കുമെന്ന് ധാരണയായ ജില്ലാ പഞ്ചായത്ത് പ്രസിഡണ്ട് പദവി കോണ്‍ഗ്രസിന് കൈമാറി കിട്ടാത്തതില്‍ ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്റെ അതൃപ്തി കെ.പി.സി.സി. പ്രസിഡണ്ടിനെ അറിയിച്ചു. ജനമഹായാത്രക്കെത്തിയ കെ.പി.സി.സി. പ്രസിഡണ്ട് മുല്ലപ്പള്ളി രാമചന്ദ്രനെ നേരിട്ട് കണ്ടാണ് ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ ഷാനവാസ് പാദൂര്‍ തന്റെ പ്രതിഷേധവും അതൃപ്തിയും അറിയിച്ചത്. പ്രസിഡണ്ട് പദവി ആദ്യത്തെ രണ്ടര വര്‍ഷം മുസ്ലിം ലീഗും പിന്നീടുള്ള രണ്ടര വര്‍ഷം കോണ്‍ഗ്രസും കയ്യാളാമെന്ന് ധാരണയുണ്ടായിരുന്നുവത്രെ. എന്നാല്‍ ജില്ലാ പഞ്ചായത്ത് ഭരണം ഇപ്പോള്‍ മൂന്നര വര്‍ഷം പിന്നിടുന്നു. മുസ്ലിം ലീഗാണ് പ്രസിഡണ്ട് പദവി വഹിക്കുന്നത്. കോണ്‍ഗ്രസിന് ന്യായമായും ലഭിക്കേണ്ട ഒരു പദവി ഡി.സി.സി. പ്രസിഡണ്ടിന്റെ വാശി മൂലം മാത്രമാണ് കിട്ടാതെ പോകുന്നതെന്നും ഇക്കാര്യത്തില്‍ ജനമഹായാത്ര ജില്ല കടന്ന് പോകുന്നതിന് മുമ്പ് തന്നെ ഒരു തീരുമാനം ഉണ്ടാവണമെന്നാണ് ജില്ലാ പഞ്ചായത്തിലെ കോണ്‍ഗ്രസ് അംഗങ്ങളുടെ ശക്തമായ ആവശ്യമെന്നും ഷാനാവാസ് പാദൂര്‍ മുല്ലപ്പള്ളിയെ അറിയിച്ചു. എന്നാല്‍ ലോക്‌സഭാ തിരഞ്ഞെടുപ്പ് കഴിഞ്ഞാലുടന്‍ ഇക്കാര്യത്തില്‍ ഒരു തീരുമാനമുണ്ടാക്കാമെന്നും അതുവരെ കാത്തിരിക്കണമെന്നുമായിരുന്നു മുല്ലപ്പള്ളിയുടെ മറുപടി. ഒരു വര്‍ഷത്തിലധികം കോണ്‍ഗ്രസ് അംഗങ്ങള്‍ കാത്തിരുന്നുവെന്നും ഇനി താനടക്കം എന്തുതീരുമാനമെടുക്കാനും നിര്‍ബന്ധിതരാവുമെന്നും ഷാനവാസ് അറിയിച്ചു.
ജനമഹായാത്ര ഇന്നലെ ജില്ല പിന്നിട്ടു. എന്നാല്‍ കെ.പി.സി.സി. പ്രസിഡണ്ടിന്റെ ഭാഗത്ത് നിന്നും ഇത് സംബന്ധിച്ച് കൂടുതല്‍ ചര്‍ച്ചകളോ തീരുമാനങ്ങളോ ഉണ്ടായിട്ടില്ല. ഷാനവാസോ ജില്ലാ പഞ്ചായത്തിലെ മറ്റു കോണ്‍ഗ്രസ് അംഗങ്ങളോ കടുത്ത തീരുമാനം കൈകൊണ്ടാല്‍ ഭരണം സ്തംഭനത്തിലാവും. കോണ്‍ഗ്രസ് അംഗം ശാന്തമ്മ ഫിലിപ്പാണ് ജില്ലാ പഞ്ചായത്ത് വൈസ് പ്രസിഡണ്ട് സ്ഥാനം വഹിക്കുന്നത്.
ജില്ലാ പഞ്ചായത്ത് ഭരണം ഉടന്‍ കോണ്‍ഗ്രസിന് ലഭിക്കണമെന്ന് ഐ ഗ്രൂപ്പ് ശക്തമായ നിലപാട് സ്വീകരിച്ചിട്ടുണ്ട്. എന്നാല്‍ ഡി.സിസി നേതൃത്വവും എ. ഗ്രൂപ്പും ഇക്കാര്യത്തില്‍ അയഞ്ഞ സമീപനമാണ് സ്വീകരിക്കുന്നതെന്ന് ആക്ഷേപമുണ്ട്.



Recent News
  കാസര്‍കോട് ബ്ലോക്ക് പഞ്ചായത്തിന് ലിഫ്റ്റ് സൗകര്യമുള്ള 4 നില കെട്ടിടം വരുന്നു

  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി