updated on:2019-02-05 08:37 PM
അലാമിപ്പള്ളി ബസ് സ്റ്റാന്റ് ഉദ്ഘാടനം വിവാദത്തില്‍; ചെയര്‍മാനെതിരെ പ്രതിപക്ഷം

www.utharadesam.com 2019-02-05 08:37 PM,
കാഞ്ഞങ്ങാട്: ഫെബ്രുവരി 22ന് മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വ്വഹിക്കുന്ന അലാമിപ്പള്ളി ബസ് സ്റ്റാന്‍ഡുമായി ബന്ധപ്പെട്ട വിഷയം നഗരസഭ കൗണ്‍സില്‍ യോഗത്തില്‍ ചൂടേറിയ വാഗ്വാദങ്ങള്‍ക്ക് ഇടവരുത്തി.
ഇന്നലെ വൈകിട്ട് നടന്ന കാഞ്ഞങ്ങാട് നഗര സഭായോഗത്തില്‍ പ്രതിപക്ഷ കൗണ്‍സിലര്‍മാരാണ് ചെയര്‍മാന്റെ നിലപാടിനെതിരെ ആഞ്ഞടിച്ചത്. കൗണ്‍സില്‍ യോഗം ചേരുന്നതിന് മുമ്പ് ചെയര്‍മാന്‍ അലാമിപ്പള്ളി ബസ് സ്റ്റാന്റ് ഉദ്ഘാടന തീയതി പത്ര സമ്മേളനത്തിലൂടെ അറിയിച്ചത് ശരിയായില്ലെന്ന് മുസ്ലീം ലീഗിലെ എം.പി ജാഫര്‍ കുറ്റപ്പെടുത്തി. നഗരസഭാ കൗണ്‍സിലിന്റെ അംഗീകാരത്തോടെയാണ് ഇത്തരം വിഷയങ്ങളില്‍ തീരുമാനമെടുക്കേണ്ടതെന്നും അതിനു ശേഷം മാത്രമേ മാധ്യമങ്ങളിലൂടെ പുറം ലോകത്തെ അറിയിക്കാവൂവെന്നും ജാഫര്‍ പറഞ്ഞു. ചെയര്‍മാന്‍ ഏകപക്ഷീയമായ നിലപാട് സ്വീകരിച്ചതിനാല്‍ അലാമിപ്പള്ളി ബസ് സ്റ്റാന്റ് ഉദ്ഘാടന തീയതി മാധ്യമങ്ങളിലൂടെ അറിയേണ്ട ഗതികേടാണ് കൗണ്‍സിലര്‍മാര്‍ക്ക് ഉണ്ടായിരിക്കുന്നതെന്നും ഇത് തെറ്റായ കീഴ്‌വഴക്കമാണെന്നും ജാഫര്‍ ചൂണ്ടിക്കാട്ടി.
ജാഫിനെ പിന്തുണച്ച് പ്രതി പക്ഷത്തെ മറ്റ് അംഗങ്ങളും രംഗത്ത് വന്നതോടെ ഭരണപക്ഷം ചെയര്‍മാനെ അനുകൂലിച്ചു.
എന്നാല്‍ ബസ് സ്റ്റാന്റ് ഉദ്ഘാടന തീയതിയുടെ കാര്യത്തില്‍ ചട്ടവിരുദ്ധമായി ഒന്നും നടന്നിട്ടില്ലെന്ന് ചെയര്‍മാന്‍ വി.വി രമേശന്‍ വിശദീകരിച്ചു. ബസ് സ്റ്റാന്റ് ഉദ്ഘാടന തീയതിയും മുഖ്യമന്ത്രി എത്തുന്ന കാര്യവും പുറത്തു വന്ന ഉടന്‍ തന്നെ ഇക്കാര്യം നവമാധ്യമങ്ങളില്‍ പ്രചരിച്ചിരുന്നു. ഈ സാഹചര്യത്തില്‍ കൗണ്‍സില്‍ യോഗം ചേരുന്നതിന് മുമ്പ് പത്ര സമ്മേളനം വിളിക്കേണ്ട നിര്‍ബന്ധിതാവസ്ഥ തനിക്ക് വന്നു ചേര്‍ന്നു. വസ്തു നിഷ്ഠമായ കാര്യങ്ങള്‍ പത്ര സമ്മേളളനത്തിലൂടെ അറിയിച്ചിരുന്നില്ലെങ്കില്‍ ആശയക്കുഴപ്പം നിറഞ്ഞ പ്രചാരണങ്ങള്‍ ഇതുമായി ബന്ധപ്പെട്ട് ഉണ്ടാകുമായിരുന്നുവെന്ന് ചെയര്‍മാന്‍ വ്യക്തമാക്കി.
അലാമിപ്പള്ളി ബസ് സ്റ്റാന്റില്‍ നിന്നും ഇടറോഡുണ്ടാക്കിയത് സ്വകാര്യ വ്യക്തിയെ സഹായിക്കാനാണെന്നും ബസ് സ്റ്റാന്റിനായി കണ്ടു വെച്ച സ്ഥലത്തിന്റെ ഒരു ഭാഗം കയ്യേറിയതിനെതിരെ നടപടി സ്വീകരിക്കുന്നില്ലെന്നും പ്രതിപക്ഷം കുറ്റപ്പെടുത്തി.
ബസ് സ്റ്റാന്റ് ഉദ്ഘാടനത്തിന് മുമ്പെങ്കിലും നഷ്ടമായ സ്ഥലം തിരിച്ചു പിടിക്കണമെന്ന് പ്രതിപക്ഷം ആവശ്യപ്പെട്ടു.



Recent News
  കാസര്‍കോട് ബ്ലോക്ക് പഞ്ചായത്തിന് ലിഫ്റ്റ് സൗകര്യമുള്ള 4 നില കെട്ടിടം വരുന്നു

  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി