updated on:2019-02-09 06:22 PM
ജില്ലാതല ഇസ്‌ലാമിക് കലോത്സവത്തിന് പ്രൗഢ തുടക്കം

www.utharadesam.com 2019-02-09 06:22 PM,
തളങ്കര: ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ ഇന്നലെ തളങ്കര പടിഞ്ഞാറില്‍ ആരംഭിച്ച ജില്ലാതല ഇസ്‌ലാമിക് കലോത്സവം തളങ്കരക്ക് പെരുന്നാളായി. തളങ്കര പടിഞ്ഞാര്‍ സിറാജുല്‍ ഹുദാ മദ്രസാപരിസരത്തെ ടി.കെ.എം ബാവ മുസ്‌ലിയാര്‍ നഗറില്‍ സ്വാഗത സംഘം ചെയര്‍മാന്‍ യഹ്‌യ തളങ്കര പതാക ഉയര്‍ത്തിയതോടെയാണ് മൂന്നുനാള്‍ നീണ്ടുനില്‍ക്കുന്ന കലാമേളയ്ക്ക് തുടക്കമായത്.
പടിഞ്ഞാര്‍ ചില്‍ഡ്രന്‍സ് പാര്‍ക്കിന് സമീപം ഒരുക്കിയ പ്രധാന വേദിയില്‍ സമസ്ത ജനറല്‍ സെക്രട്ടറിയും കാസര്‍കോട് ജമാഅത്ത് ഖാസിയുമായി പ്രൊഫ: കെ. ആലിക്കുട്ടി മുസ്‌ലിയാര്‍ കലാമേള ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡണ്ട് ടി.പി. അലി ഫൈസി അധ്യക്ഷത വഹിച്ചു. സമസ്ത വിദ്യാഭ്യാസ ബോര്‍ഡ് സെക്രട്ടറി എം.എ.ഖാസിം മുസ്‌ലിയാര്‍, ജില്ലാ പഞ്ചായത്ത് പ്രസിഡണ്ട് എ.ജി.സി ബഷീര്‍, ഹുസൈന്‍ തങ്ങള്‍ മാസ്തിക്കുണ്ട്, അബ്ദുല്‍ മജീദ് ബാഖവി, എ. അബ്ദുല്‍റഹ്മാന്‍, ഹനീഫ് ഹുദവി ദേലംപാടി, നൗഫല്‍ ഹുദവി കൊടുവള്ളി, ഹനീസ് അല്‍ ഖാസിമി, കെ.എം അബ്ദുല്‍ ഹമീദ് ഹാജി, അസ്ലം പടിഞ്ഞാര്‍, കെ.എ മുഹമ്മദ് ബഷീര്‍ വോളിബോള്‍, മുക്രി ഇബ്രാഹിം ഹാജി, ടി.എ ഷാഫി, ഹസൈനാര്‍ ഹാജി തളങ്കര, മൊയ്തീന്‍ കൊല്ലമ്പാടി, റഷീദ് മാസ്റ്റര്‍ ബെളിഞ്ചം, ഹാഷിം ദാരിമി, നൂറുദ്ദീന്‍ മൗലവി കുന്നുംകൈ, അഷ്‌റഫ് മൗലവി മര്‍ദ്ദള തുടങ്ങിയവര്‍ സംബന്ധിച്ചു. തുടര്‍ന്ന് ഖലീല്‍ ഹുദവി അല്‍ മാലികി കല്ലായം പ്രഭാഷണം നടത്തി. രാത്രി നടന്ന ദഫ്മുട്ട് മത്സരത്തില്‍ പടിഞ്ഞാര്‍ സിറാജുല്‍ ഹുദാ മദ്രസ ഒന്നാംസ്ഥാനവും തളങ്കര കണ്ടത്തില്‍ സെയ്തലവി മദ്രസ രണ്ടാംസ്ഥാനവും നേടി. യഹ്‌യ തളങ്കര, ഐ. അഹമ്മദ് കുഞ്ഞി എന്നിവര്‍ സമ്മാനദാനം നിര്‍വ്വഹിച്ചു.
ഇന്ന് വൈകിട്ട് നാല് മണിക്ക് ജൂനിയര്‍, സീനിയര്‍, സൂപ്പര്‍ സീനിയര്‍, മുഅല്ലിം വിഭാഗങ്ങളുടെ ബുര്‍ദ, കഥാപ്രസംഗ മത്സരങ്ങള്‍ നടക്കും. നാളെ രാവിലെ ഒമ്പത് മുതല്‍ വൈകുന്നേരം വരെ മൂന്ന് മേഖലകളില്‍ നിന്ന് തിരഞ്ഞെടുക്കപ്പെട്ടവര്‍ അഞ്ച് വിഭാഗങ്ങളിലായി അറുപതിലേറെ ഇനങ്ങളില്‍ മാറ്റുരയ്ക്കും.
സമാപന സമ്മേളനം സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡണ്ട് ഖാസി ത്വാഖ അഹമദ് അല്‍ അസ്ഹരി ഉദ്ഘാടനം ചെയ്യും.



Recent News
  കാസര്‍കോട് ബ്ലോക്ക് പഞ്ചായത്തിന് ലിഫ്റ്റ് സൗകര്യമുള്ള 4 നില കെട്ടിടം വരുന്നു

  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി