updated on:2019-02-10 06:24 PM
കാറിന് നേരെ കല്ലെറിഞ്ഞത് ആസൂത്രിതമായി; പ്രതികളെ പിടികൂടണം-മുള്ളൂര്‍ക്കര സഖാഫി

www.utharadesam.com 2019-02-10 06:24 PM,
കാസര്‍കോട്: കഴിഞ്ഞ ദിവസം മതപ്രഭാഷണം കഴിഞ്ഞ് കാറില്‍ മടങ്ങുന്നതിനിടെ കര്‍ണാടകയ്ക്ക് സമീപം കന്യാന നെല്ലിക്കട്ടയില്‍ വെച്ച് തന്റെ കാറിന് നേരെയുണ്ടായ അക്രമം ആസൂത്രിതമാണെന്നും പ്രതികളെ ഉടന്‍ അറസ്റ്റ് ചെയ്യണമെന്നും കേരള സംസ്ഥാന പിന്നോക്ക വിഭാഗം കമ്മീഷന്‍ അംഗവും മതപ്രഭാഷകനുമായ മുള്ളൂര്‍ക്കര മുഹമ്മദലി സഖാഫി കാസര്‍കോട് പ്രസ് ക്ലബ്ബില്‍ നടത്തിയ പത്രസമ്മേളനത്തില്‍ ആവശ്യപ്പെട്ടു. ശനിയാഴ്ച പന്ത്രണ്ടരയോടെയാണ് സംഭവമെന്ന് അദ്ദേഹം പറഞ്ഞു. കന്യാനയില്‍ ഉറൂസ് പരിപാടിയുടെ മതപ്രഭാഷണം കഴിഞ്ഞ് ഇന്നോവ ക്രസ്റ്റ കാറില്‍ ഡ്രൈവര്‍ക്കും മറ്റു രണ്ടു പേര്‍ക്കുമൊപ്പം മടങ്ങുന്നതിനിടെ റോഡില്‍ ട്രാഫിക് പൊലീസിന്റെ സ്പീഡ് നിയന്ത്രണ പോസ്റ്റ് വെച്ച് മനപൂര്‍വ്വം വാഹനം തടഞ്ഞ് അക്രമിക്കുകയായിരുന്നു. ഉറൂസിന് പോകുമ്പോള്‍ റോഡില്‍ ഈ പോസ്റ്റുകള്‍ ഉണ്ടായിരുന്നില്ലെന്നും തിരിച്ച് വരുമ്പോള്‍ പോസ്റ്റുകള്‍ നിരത്തിയിരുന്നതായും അദ്ദേഹം പറഞ്ഞു. വാഹനത്തിന്റെ വേഗത കുറച്ചപ്പോള്‍ ഇരുട്ടിന്റെ മറവില്‍ നിന്ന് കാറിലേക്ക് കല്ലെറിയുകയായിരുന്നു. അപകടം അറിഞ്ഞതോടെ കാര്‍ പെട്ടെന്നെടുത്ത് ഓടിച്ച് വരികയായിരുന്നു. കല്ലേറില്‍ കാറിന്റെ മുന്‍വശത്തെ മിറര്‍ തകര്‍ന്നു. വാതിലിന് കേടുപാട് പറ്റി. ഉടന്‍ തന്നെ കന്യാന പൊലീസ് സ്റ്റേഷനില്‍ പരാതി നല്‍കി. ഒരു വര്‍ഷം മുമ്പ് ബായാര്‍ സ്വലാത്ത് പരിപാടിയില്‍ മതപ്രഭാഷണം നടത്തിയതിന്റെ പേരില്‍ പുത്തു എന്നയാള്‍ ഫോണില്‍ വിളിച്ച് മതപ്രഭാഷണത്തില്‍ പറഞ്ഞ കാര്യങ്ങള്‍ ശരിയല്ലെന്നുപറഞ്ഞ് വധഭീഷണി മുഴക്കിയിരുന്നുവെന്നും അദ്ദേഹം പറഞ്ഞു. അന്ന് വടക്കാഞ്ചേരി പൊലീസിലും ഡി.ഐ.ജിക്കും പരാതി നല്‍കിയതിനെ തുടര്‍ന്ന് അയാളെ അറസ്റ്റ് ചെയ്തിരുന്നു. ഇപ്പോള്‍ ജാമ്യത്തിലാണ്. കഴിഞ്ഞ ദിവസത്തെ സംഭവം പൊലീസ് ഗൗരവമായി കാണണമെന്നും തന്റെ ജീവന് ഭീഷണിയുണ്ടെന്നും പ്രതികളെ ഉടന്‍ അറസ്റ്റ് ചെയ്യണമെന്നും അദ്ദേഹം ആവശ്യപ്പെട്ടു. നാഷണല്‍ അബ്ദുല്ലയും ഒപ്പമുണ്ടായിരുന്നു.



Recent News
  കാസര്‍കോട് ബ്ലോക്ക് പഞ്ചായത്തിന് ലിഫ്റ്റ് സൗകര്യമുള്ള 4 നില കെട്ടിടം വരുന്നു

  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി