updated on:2019-02-11 07:03 PM
കലയുടെ വര്‍ണച്ചാര്‍ത്തായ് കാലിഡോസ്‌കോപ്

www.utharadesam.com 2019-02-11 07:03 PM,
കാസര്‍കോട്: കാസര്‍കോടിന് കലയുടെ വര്‍ണരാവൊരുക്കി സന്ധ്യാരാഗം ഓപ്പണ്‍ ഓഡിറ്റോറിയത്തില്‍ കാലിഡോസ്‌കോപ്പ് അരങ്ങേറി. കാസര്‍കോട് തിയേറ്ററിക്‌സ് സൊസൈറ്റിയുടെ പ്രതിമാസ പരിപാടിയിലാണ്, കലാകാരന്മാരുടെ കൂട്ടായ്മയായ സവാക്കിന്റെ 150 ഓളം കലാകാരന്മാര്‍ അണിനിരന്ന കലയുടെ വര്‍ണക്കൂടൊരുക്കിയത്. കാണികളെ ഇളക്കിമറിച്ച സാംബാ നൃത്തം ഏറെ ശ്രദ്ധേയമായി. പിന്നല്‍ തിരുവാതിര, പാഡ്ദ്ധന തുളു ഫോക്ക്, നാടന്‍ പാട്ടുകള്‍, മോഹിനിയാട്ടവും കുച്ചുപിടിയും അടക്കമുള്ള നൃത്തങ്ങള്‍, കണ്ടംപററി ഡാന്‍സ്, തായമ്പക, സോപാന സംഗീതം, കാവാടിച്ചെണ്ട്, സിനിമാ ഗാനം, ഡ്രാമ സോങ്ങ് തുടങ്ങിയവ കാണികളുടെ മനം കവര്‍ന്നു. കാലുകള്‍ തളര്‍ന്നു പോയ കരീം മഞ്ചേശ്വരം വീല്‍ചെയറിലെത്തി മാപ്പിളപ്പാട്ട് പാടി കയ്യടി നേടി. കാസര്‍കോട് തിയേറ്ററിക്‌സ് സൊസൈറ്റി ചെയര്‍മാന്‍ കൂടിയായ ജില്ലാ കലക്ടര്‍ ഡോ. ഡി. സജിത് ബാബു ഉദ്ഘാടനം ചെയ്തു. കോ ചെയര്‍മാനും ജില്ലാ പൊലീസ് മേധാവിയുമായ ഡോ. എ. ശ്രീനിവാസ അധ്യക്ഷത വഹിച്ചു. ഗായകന്‍ കാഞ്ഞങ്ങാട് രാമചന്ദ്രന്‍ മുഖ്യാതിഥിയായിരുന്നു. നഗരസഭാ സ്റ്റാന്റിങ്ങ് കമ്മിറ്റി ചെയര്‍മാന്‍ കെ.എം. അബ്ദുല്‍ റഹ്മാന്‍, ഹുസൂര്‍ ശിരസ്താര്‍ നാരായണന്‍, തിയേറ്ററിക്‌സ് സൊസൈറ്റി സെക്രട്ടറി ടി.എ. ഷാഫി, സവാക് ജില്ലാ പ്രസിഡണ്ടും തുളു അക്കാദമി ചെയര്‍മാന്‍ ഉമേശ് സാലിയന്‍, ജി.ബി.വല്‍സന്‍, സുബിന്‍ ജോസ്, കെ.എസ്. ഗോപാലകൃഷ്ണന്‍ തുടങ്ങിയവര്‍ സംബന്ധിച്ചു. തിയേറ്ററിക്‌സ് സൊസൈറ്റി ട്രഷറര്‍ അഡ്വ. ടി.വി. ഗംഗാധരന്‍ സ്വാഗതവും സവാക് ജനറല്‍ സെക്രട്ടറി സണ്ണി അഗസ്റ്റിന്‍ നന്ദിയും പറഞ്ഞു.



Recent News
  കാസര്‍കോട് ബ്ലോക്ക് പഞ്ചായത്തിന് ലിഫ്റ്റ് സൗകര്യമുള്ള 4 നില കെട്ടിടം വരുന്നു

  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി