updated on:2019-03-14 06:15 PM
ബി.ജെ.പി സ്ഥാനാര്‍ത്ഥി തീരുമാനം ഉടനെയുണ്ടാകും; ചര്‍ച്ച അന്തിമഘട്ടത്തില്‍

www.utharadesam.com 2019-03-14 06:15 PM,
കാസര്‍കോട്: കാസര്‍കോട് ലോക്‌സഭാ മണ്ഡലത്തില്‍ ബി.ജെ.പി സ്ഥാനാര്‍ത്ഥിയെ സംബന്ധിച്ച തീരുമാനം ഉടനെയുണ്ടാകും. ചര്‍ച്ച അന്തിമഘട്ടത്തിലാണ്.
ബി.ജെ.പിയുടെ കേരളത്തിലെ സമുന്നതനായ നേതാവ് പി.കെ കൃഷ്ണദാസിന്റെ പേരാണ് പ്രധാനമായും പരിഗണനയിലുള്ളത്. സി.കെ. പത്മനാഭന്‍, ശ്രീശന്‍, അഡ്വ: കെ. ശ്രീകാന്ത്, പ്രമീള സി.നായ്ക് എന്നിവരുടെ പേരുകളും ചര്‍ച്ചകളില്‍ സജീവമാണ്. കാസര്‍കോട് മണ്ഡലം പിടിച്ചെടുക്കുകയെന്ന ലക്ഷ്യത്തോടെയാണ് ബി.ജെ.പി ഇക്കുറി കരുത്തുറ്റ സ്ഥാനാര്‍ത്ഥിയെ തന്നെ കളത്തിലിറക്കുന്നത്. വിജയിക്കാനായില്ലെങ്കില്‍ വോട്ട് ശതമാനം വര്‍ധിപ്പിക്കുകയെങ്കിലും ചെയ്യണമെന്ന വാശിയോടെയായിരിക്കും ബി.ജെ.പിയുടെ തിരഞ്ഞെടുപ്പ് പ്രവര്‍ത്തനങ്ങള്‍. എല്‍.ഡി.എഫിന്റെയും യു.ഡി.എഫിന്റെയും വോട്ടുകളില്‍ വിള്ളല്‍ വീഴ്ത്തുന്ന വിധത്തിലുള്ള പ്രചാരണ തന്ത്രങ്ങള്‍ വേണമെന്നാണ് ബി.ജെ.പിക്കകത്തെ അഭിപ്രായം. കേരളത്തില്‍ ബി.ജെ.പി അക്കൗണ്ട് തുറക്കുമെന്ന് പ്രതീക്ഷിക്കുന്ന മണ്ഡലങ്ങളില്‍ കാസര്‍കോടും ഉള്‍പ്പെടുന്നുണ്ട്. കഴിഞ്ഞ നിയമസഭാ തിരഞ്ഞെടുപ്പില്‍ കാസര്‍കോട്- മഞ്ചേശ്വരം മണ്ഡലങ്ങളില്‍ ബി.ജെ.പി രണ്ടാം സ്ഥാനത്തായിരുന്നു. വോട്ടുകളില്‍ വര്‍ധനവുണ്ടാവുകയും ചെയ്തു. കഴിഞ്ഞ ലോക് സഭാതിരഞ്ഞെടുപ്പിലും പല മണ്ഡലങ്ങളിലും ബി.ജെ.പിയുടെ സ്വാധീനം വര്‍ധിച്ചതായാണ് വോട്ടിംഗ് നില സൂചിപ്പിച്ചത്.
ഇക്കുറി മുമ്പത്തെക്കാള്‍ അനുകൂല സാഹചര്യമാണ് തങ്ങള്‍ക്കുള്ളതെന്നാണ് ബി.ജെ.പിയുടെ അവകാശവാദം. ശബരിമലവിഷയത്തില്‍ വിശ്വാസികള്‍ക്കൊപ്പമെന്ന നിലപാട് ഉയര്‍ത്തിപ്പിടിക്കുകയും അതിന് വേണ്ട സമരങ്ങള്‍ക്ക് നേതൃത്വം നല്‍കുകയും ചെയ്തതിനാല്‍ തിരഞ്ഞെടുപ്പിലത് നേട്ടമാകുമെന്ന് ബി.ജെ.പി കണക്കുകൂട്ടുന്നു.



Recent News
  തിരഞ്ഞെടുപ്പ്; കലക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു

  1418-ാം സ്ഥാപക വാര്‍ഷിക നിറവില്‍ തളങ്കര മാലിക് ദീനാര്‍ വലിയ പള്ളി

  ചെങ്കള ശിഹാബ് തങ്ങള്‍ ഇസ്ലാമിക് അക്കാദമി ഉദ്ഘാടനം ചെയ്തു

  സിവില്‍ സ്റ്റേഷന്‍ ക്ഷണിക്കുന്നു; പുതിയ വോട്ടിങ് സംവിധാനം കാണാന്‍

  എന്‍.എം.സി.സി. ഡിജിറ്റല്‍ മാര്‍ക്കറ്റിംഗ് പരിശീലനം സംഘടിപ്പിച്ചു

  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍

  ജെ.സി.ഐ. കാസര്‍കോട് സൗജന്യ മെഗാ മെഡിക്കല്‍ ക്യാമ്പ് നടത്തി

  ബിലാത്തിക്കുഴല്‍ പ്രദര്‍ശിപ്പിച്ചു; അണിയറ പ്രവര്‍ത്തകര്‍ക്ക് ആദരം

  ലോക്‌സഭാ തിരഞ്ഞെടുപ്പ്; പരിശോധന കര്‍ശനമാക്കി

  എന്‍ഡോസള്‍ഫാന്‍ ദുരിതബാധിതരുടെ കലക്ടറേറ്റ് മാര്‍ച്ച് 19ന്

  മണ്ണെണ്ണ പെര്‍മിറ്റ് വൈകുന്നു; മലയോരത്ത് കര്‍ഷകരുടെ പ്രതിഷേധം ഉയരുന്നു