updated on:2019-04-02 06:57 PM
ബദിയടുക്ക സി.എച്ച്.സിയില്‍ സൗകര്യങ്ങള്‍ യഥേഷ്ടം; ചികിത്സിക്കാന്‍ ഡോക്ടര്‍മാരില്ല

www.utharadesam.com 2019-04-02 06:57 PM,
ബദിയടുക്ക: എല്ലാം ഉണ്ടിവിടെ. പക്ഷെ ചികിത്സ തേടിയെത്തുന്ന രോഗികള്‍ക്ക് ഒരു പ്രയാജനവുമില്ലാതെ ഉപകരണങ്ങള്‍ പലതും തുരുമ്പെടുത്ത് നശിക്കുമ്പോഴും അധികൃതര്‍ അതൊന്നും കണ്ടില്ലെന്നു നടിക്കുകയാണ്. ബദിയടുക്ക സാമൂഹിക ആരോഗ്യ കേന്ദ്രമാണ് രോഗികള്‍ക്ക് പ്രയോജനമില്ലാതെ രോഗാവസ്ഥയിലുള്ളത്. നേരത്തെ മഞ്ചേശ്വരം ബ്ലോക്ക് പഞ്ചായത്തിന്റെ കീഴിലുണ്ടായിരുന്ന പ്രാഥമിക ആരോഗ്യ കേന്ദ്രത്തെ സാമൂഹിക ആരോഗ്യ കേന്ദ്രമായി ഉയര്‍ത്തി എല്ലാ വിധ സൗകര്യങ്ങളോടു കൂടിയുള്ള കെട്ടിടം, ഓപ്പറേഷന്‍ തിയേറ്റര്‍, ദന്ത പരിശോധനക്കുള്ള ആധുനിക സംവിധാനത്തോട് കൂടിയ ഉപകരണങ്ങള്‍, സ്ത്രീകള്‍ക്കുള്ള പ്രസവ വാര്‍ഡ്, കിടത്തി ചികിത്സിക്കാന്‍ 30 കിടക്കകളുമായി സ്ത്രീകള്‍ക്കും പുരുഷന്‍മാര്‍ക്കും പ്രത്യേകം വാര്‍ഡുകള്‍, ജീവനക്കാര്‍ക്ക് താമസിക്കുന്നതിനുള്ള ക്വാര്‍ട്ടേഴ്‌സുകള്‍ എന്നു വേണ്ട എല്ലാ വിധ സൗകര്യങ്ങള്‍ ഉണ്ടായിട്ടും ആവശ്യത്തിന് ഡോക്ടര്‍മാരോ മറ്റു ജീവനക്കാരോ ഇല്ലാത്തത് മുലം ആസ്പത്രിയിലുള്ള ചില ഉപകരണങ്ങള്‍ തുരുമ്പെടുത്ത് നശിക്കുകയാണ്. അതേ സമയം മാസങ്ങള്‍ക്ക് മുമ്പ് ഇതേ ആസ്പത്രിയെ താലൂക്ക് ആസ്പത്രിയായി പ്രഖ്യാപനം വന്നിരുന്നു . ഇതേ തുടര്‍ന്ന് ചില ഡോക്ടര്‍മാരേയും മറ്റു ജീവനക്കാരെയും നിയമിച്ച് രാത്രി കാല ചികിത്സ ആരംഭിച്ചിരുന്നു. എന്നാല്‍ പ്രഖ്യാപനം വന്ന് ആഴ്ചക്കകം മറ്റൊരു ഉത്തരവിലൂടെ വീണ്ടും ആസ്പത്രിയെ സി.എച്ച്.സിയായി തരം താഴ്ത്തുകയും ബേഡകം സി.എച്ച്.സിയെ താലൂക്ക് ആസ്പത്രിയായി ഉയര്‍ത്തുകയും ചെയ്തു. ഇതോടെ ഇവിടെയുണ്ടായിരുന്ന ഡോക്ടര്‍മാരേയും ലാബ് ടെക്‌നിഷ്യന്‍ ഉള്‍പ്പെടെ മറ്റു ജീവനക്കാരെയും ഇവിടെ നിന്നും സ്ഥലം മാറ്റി. നിലവില്‍ താത്കാലിക അടിസ്ഥാനത്തില്‍ ജോലിയില്‍ പ്രവേശിച്ച ഡോക്ടര്‍മാരുണ്ടെങ്കിലും അവരുടെ സേവനം വേണ്ടവിധം ലഭിക്കുന്നില്ലെന്ന ആരോപണമുണ്ട്. രാവിലെ എട്ടു മണിക്ക് തുറക്കുന്ന ഒ.പി. വിഭാഗം ജീവനക്കാര്‍ ഉച്ചയ്ക്ക് രണ്ടു മണിയോടെ ആശുപത്രി അടച്ച് സ്ഥലം വിടുകയാണ് പതിവ്. പിന്നിട് ആസ്പത്രിയിലെത്തുന്ന രോഗികള്‍ നിരാശയോടെ മടങ്ങുന്ന കാഴ്ച നിത്യ സംഭവമാണ്. കാലാവസ്ഥ വ്യതിയാനം മൂലം ഉണ്ടാകുന്ന പനിയും പകര്‍ച്ച വ്യാധികളും പടരുമ്പോള്‍ നിര്‍ധന കുടുംബങ്ങള്‍ക്ക് ഏക ആശ്രയമായ ബദിയഡുക്ക കമ്മ്യൂണിറ്റി ഹെല്‍ത്ത് സെന്ററിനാണ് ഡോക്ടര്‍മാരുടെയും ജീവനക്കാരുടെയും കുറവ് മൂലം ചികിത്സ ലഭിക്കാതെ രോഗികള്‍ നിരാശയോടെ മടങ്ങേണ്ടി വരുന്നത്. എന്‍ഡോസള്‍ഫാന്‍ ദുരിത ബാധിത പ്രദേശമായ കുമ്പഡാജെ, എണ്‍മകജെ, ബെള്ളൂര്‍, ബദിയടുക്ക തുടങ്ങി പ്രദേശങ്ങളിലെ രോഗികള്‍ക്ക് ഏക ആശ്രയമാണ് ബദിയഡുക്ക സാമുഹിക ആരോഗ്യ കേന്ദ്രം. ദൈനംദിനം നൂറു കണക്കിന് രോഗികളാണ് ഇവിടെ ചികിത്സ തേടി എത്തുന്നത്.



Recent News
  വെല്‍ഫിറ്റ് കുടിവെള്ള വിതരണം ഏഴാം വര്‍ഷവും

  നെല്ലിക്കട്ട അല്‍നൂര്‍ ഇസ്‌ലാമിക് അക്കാദമി വാര്‍ഷികത്തിന് സമാപനം

  ജില്ലയിലെ സിവില്‍ സര്‍വീസ് റാങ്ക് ജേതാക്കള്‍ക്ക് അനുമോദനം നാളെ

  വോട്ടോട്ടം ആവേശകരമായി

  കൊട്ടിക്കലാശം 21ന്; 3 മുന്നണികള്‍ക്കും വെവ്വേറെ സ്ഥലങ്ങള്‍ അനുവദിച്ചു

  ത്വാഹിര്‍ തങ്ങള്‍ ഉറൂസ് സമാപിച്ചു

  എന്‍.എം.സി.സിയുടെ മെഗാ മെഡിക്കല്‍ ക്യാമ്പ് 21ന് തളങ്കരയില്‍

  ചിന്താശേഷിയുള്ള സമൂഹമാണ് രാജ്യത്തിന്റെ സമ്പത്ത് -സി. മുഹമ്മദ് ഫൈസി

  ജനറല്‍ ആസ്പത്രിക്ക് സിപാപ് മെഷീന്‍ നല്‍കി കെ.ഇ.എ കുവൈത്തിന്റെ കൈത്താങ്ങ്

  ഇബാദ് തുപ്പക്കല്‍ നിര്‍മ്മിച്ച വീട് കൈമാറി

  പൊതുമേഖല നമ്മുടെ ശക്തിയും ചൈതന്യവും -ഷാജി എന്‍. കരുണ്‍

  സോളാര്‍ പാര്‍ക്ക് അധികാരികള്‍ വാക്ക് പാലിച്ചില്ല; നാട്ടുകാര്‍ റോഡ് അറ്റകുറ്റപ്പണി തടഞ്ഞു

  60ഓളം ഡോക്ടര്‍മാര്‍, മൂവായിരത്തോളം രോഗികള്‍... മെഗാമെഡിക്കല്‍ ക്യാമ്പ് ശ്രദ്ധേയമായി

  കൈവിരലില്‍ മോതിരം ഊരിയെടുക്കാനാവാതെ മുറുകി; കുഞ്ഞിന്റെ രക്ഷയ്ക്ക് അഗ്‌നി ശമന സേനയെത്തി

  പി.മുഹമ്മദ് കുഞ്ഞി മാസ്റ്റര്‍: വാക്കുകള്‍ക്കൊണ്ട് ഹൃദയം കീഴടക്കിയ നേതാവ്