updated on:2019-04-04 06:33 PM
ഉണ്ണിത്താന്‍ പത്രിക സമര്‍പ്പിച്ചു

www.utharadesam.com 2019-04-04 06:33 PM,
കാസര്‍കോട്: കാസര്‍കോട് ലോകസഭാമണ്ഡലം യു. ഡി.എഫ് സ്ഥാനാര്‍ഥി രാജ്‌മോഹന്‍ ഉണ്ണിത്താന്‍ നാമനിര്‍ദ്ദേശ പത്രിക സമര്‍പ്പിച്ചു. ഇന്നലെ ഉച്ചയ്ക്ക് ശേഷം നായ്ന്മാര്‍ മൂലയിലെ യു.ഡി.എഫ് സെന്‍ട്രല്‍ കമ്മിറ്റി ഓഫീസില്‍ നിന്ന് നൂറുകണക്കിനാളുകള്‍ക്കൊപ്പം പ്രകടനമായാണ് കലക്ട്രേറ്റ് പരിസരത്തെത്തിയത്.കലക് ടറുടെ ചേംബറില്‍ ജില്ലാകലക്ടര്‍ സജിത്ത് ബാബുവിന് ഉണ്ണിത്താന്‍ പത്രിക നല്‍കി. യു.ഡി.എഫ് ജില്ലാ ചെയര്‍മാന്‍ എം.സി ഖമറുദ്ദീന്‍, എന്‍.എ നെല്ലിക്കുന്ന് എം.എല്‍.എ, അഡ്വ. സി.കെ ശ്രീധരന്‍, മുന്‍ മന്ത്രി സി.ടി അഹമ്മദലി എന്നിവര്‍ പത്രിക നല്‍കുമ്പോള്‍ കൂടെ ഉണ്ടായിരുന്നു. രാജ്‌മോഹന്‍ ഉണ്ണിത്താനും കുടുംബത്തിനുമായി 2.15 കോടിയുടെ ആസ്തിയാണുള്ളത്. എന്നാല്‍ സ്ഥാനാര്‍ഥിക്ക് സ്വന്തം പേരില്‍ വാഹനമില്ല. കേന്ദ്ര സര്‍ക്കാരിന്റെ ഉടമസ്ഥതയിലുള്ള തിരുവനന്തപുരത്തെ രാജീവ് ഗാന്ധി സെന്റര്‍ ഫോര്‍ ബയോ ടെക്‌നോളജിയിലെ അഡ്മിനിസ്‌ട്രേറ്റീവ് ഓഫീസറായ ഭാര്യ എസ്.സുധാകുമാരിയുടെ പേരില്‍ ഒരു കാറും സ്വകാര്യ സ്ഥാപനങ്ങളിലും മറ്റുമായി ജോലി ചെയ്യുന്ന മൂന്നു മക്കളുടെ പേരുകളിലായി ആകെ 7,21,475 രൂപ വിലമതിക്കുന്ന മൂന്ന് ബൈക്കുകളുണ്ട്.
രാജ്‌മോഹന്‍ ഉണ്ണിത്താന്റെ കൈവശം ഒരു ലക്ഷവും ഭാര്യയുടെയും മൂന്നു മക്കളുടെയും കൈവശമായി 26,000 രൂപയുമാണുള്ളത്. 25 ലക്ഷം വിലമതിക്കുന്ന 100 പവന്‍ സ്വര്‍ണമാണ് സുധാ കുമാരിക്കുള്ളത്. സ്ഥലം ഒഴികെ ബാങ്ക് നിക്ഷേപവും കൈവശവുമായി 3,42,072 രൂപ സ്ഥാനാര്‍ത്ഥിക്കും സ്വര്‍ണം, വാഹനം, ബാങ്ക് നിക്ഷേപം, എല്‍ ഐ സി, പി എഫ് എന്നിവയിലാണ് 37,433,13 രൂപയുടെ ആസ്തി ഭാര്യയുടെ പേരിലുള്ളതെന്ന് നാമനിര്‍ദേശക പത്രിക സമര്‍പ്പിച്ച സത്യവാങ്മൂലത്തില്‍ വിശദമാക്കിയിട്ടുണ്ട്.കൊല്ലം ജില്ലയില്‍ രണ്ടിടങ്ങളിലായി 16,80,000 രൂപ വിലമതിക്കുന്ന ഭൂമി രാജ്‌മോഹന്‍ ഉണ്ണിത്താന്റെ പേരിലും 1.5 കോടി വിലമതിക്കുന്ന സ്വത്തുക്കള്‍ ഭാര്യയുടെ പേരിലുമായിട്ടുണ്ട്. സ്ഥാനാര്‍ത്ഥിക്ക് കടബാധ്യതയില്ല. ചാനല്‍ ചര്‍ച്ചയുടെ പേരില്‍ കെ പി ശശികല നഷ്ടപരിഹാരവുമായി ബന്ധപ്പെട്ട് നല്‍കിയ ഒരു കേസാണ് സ്ഥാനാര്‍ത്ഥിക്കെതിരെയുള്ളത്.



Recent News
  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി

  'വഴിയോര കച്ചവടക്കാരുടെ പുനരധിവാസം ഉറപ്പാക്കണം'