updated on:2019-04-11 07:16 PM
ജനറല്‍ ആസ്പത്രിക്ക് സിപാപ് മെഷീന്‍ നല്‍കി കെ.ഇ.എ കുവൈത്തിന്റെ കൈത്താങ്ങ്

www.utharadesam.com 2019-04-11 07:16 PM,
കാസര്‍കോട്: പിറന്നു വീണ ഉടനെ പല കുട്ടികള്‍ക്കുമുണ്ടാകുന്ന ശ്വാസ തടസ്സവും മറ്റു ആരോഗ്യ പ്രശ്‌നങ്ങളും പരിഹരിക്കുന്നതിന് ഏറ്റവും പ്രയോജനകരമായ ബബ്ബിള്‍സ് സിപാപ് മെഷീന്‍ (മിനി വെന്റിലേറ്റര്‍) കാസര്‍കോട് ജനറല്‍ ആസ്പത്രിക്ക് സമ്മാനിച്ച് കുവൈത്തിലെ കാസര്‍കോട് ജില്ലക്കാരുടെ കൂട്ടായ്മയായ കുവൈത്ത് കാസര്‍കോട് എക്‌സ്പാട്രീയേറ്റ്‌സ് അസോസിയേഷന്‍ (കെ.ഇ.എ) ശ്രദ്ധേയമായി.
രണ്ട് ലക്ഷം രൂപയോളം വിലവരുന്ന സിപാപ് സിസ്റ്റം ഇന്നല ആസ്പത്രിയില്‍ നടന്ന ചടങ്ങില്‍ അധികൃതര്‍ ഏറ്റുവാങ്ങി. ജില്ലാ കലക്ടര്‍ ഡോ. ഡി. സജിത് ബാബു ഉദ്ഘാടനം ചെയ്തു. താന്‍ ഇതിന്റെ ഉദ്ഘാടനം നിര്‍വ്വഹിക്കുകയല്ല, സംസ്ഥാന സര്‍ക്കാരിന് വേണ്ടി ഈ സഹായം ഏറ്റുവാങ്ങുകയാണെന്ന് കലക്ടര്‍ പറഞ്ഞു. കെ.ഇ.എ ഹോം കോര്‍ഡിനേറ്റര്‍ ഹസ്സന്‍ മാങ്ങാട് അധ്യക്ഷതവഹിച്ചു. വൈസ് പ്രസിഡണ്ട് കബീര്‍ തളങ്കര സംഘടനയുടെ പ്രവര്‍ത്തനം പരിചയപ്പെടുത്തി. പ്രസ് ക്ലബ് പ്രസിഡണ്ട് ടി.എ. ഷാഫി, ജനറല്‍ ഹോസ്പിറ്റല്‍ സൂപ്രണ്ട് ഡോ. രാജാറാം, ഡോ. നാരായണ നായ്ക്, സുബൈര്‍ പള്ളിക്കാല്‍ സംസാരിച്ചു.
സുബൈര്‍ കാടംകോഡ്, ജലീല്‍ ആരിക്കാടി, ജാഫര്‍ പള്ളം, സത്താര്‍ കൊളവയല്‍, മുസ്തഫ ചെമ്മനാട്, മജീദ് ഇട്ടമ്മല്‍ തുടങ്ങിയവര്‍ നേതൃത്വം നല്‍കി. അസീസ് തളങ്കര സ്വാഗതവും അബ്ദുള്ള കടവത്ത് നന്ദിയും പറഞ്ഞു. ആരോഗ്യ മേഖലയില്‍ കെ.ഇ. എയുടെ രണ്ടാം ഘട്ട സഹായ വിതരണമാണിത്. നേരത്തെ ജില്ലാ ആസ്പത്രിക്കും സഹായം നല്‍കിയിരുന്നു.



Recent News
  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി

  നായന്മാര്‍ മൂല ടൗണില്‍ ഓട്ടോമെറ്റിക് ട്രാഫിക് സിഗ്നല്‍ സ്ഥാപിക്കണം-വ്യാപാരി വ്യവസായി സമിതി

  'വഴിയോര കച്ചവടക്കാരുടെ പുനരധിവാസം ഉറപ്പാക്കണം'