updated on:2016-10-27 07:16 PM
തൃശൂര്‍ ചേംബര്‍ ഓഫ് കൊമേഴ്‌സ് ദുബായ് ചേംബര്‍ ഓഫ് കൊമേഴ്‌സുമായി ചര്‍ച്ച നടത്തി

www.utharadesam.com 2016-10-27 07:16 PM,
ദുബായ്: ചേംബര്‍ പ്രസിഡണ്ടും കല്ല്യാണ്‍ സില്‍ക്‌സ് ചെയര്‍മാനും മാനേജിംഗ് ഡയറക്ടറുമായ ടി.എസ് പട്ടാഭിരാമന്റെ നേതൃത്വത്തിലുള്ള തൃശൂര്‍ ചേംബര്‍ ഓഫ് കൊമേഴ്‌സിലെ 25 പ്രതിനിധികള്‍ ഉള്‍പ്പെടുന്ന ഉന്നതതലസംഘം ദുബായ് ചേംബര്‍ ഓഫ് കൊമേഴ്‌സിന്റെ പ്രതിനിധികളുമായി ദുബായില്‍ ചര്‍ച്ച നടത്തി. ദുബായ് ചേംബര്‍ വൈസ് പ്രസിഡണ്ട് എച്ച്.ഇ അത്തീഖ് നസീബ്, ഇന്റര്‍നാഷണല്‍ ഓഫീസസ് ഡയറക്ടര്‍ ഒമര്‍ഖാന്‍ എന്നിവരുള്‍പ്പെടുന്ന സംഘവുമായാണ് ചര്‍ച്ച നടന്നതെന്ന് പട്ടാഭിരാമന്‍ പത്രക്കുറിപ്പില്‍ അറിയിച്ചു. എച്ച്.ഇ അത്തീഖ് നസീബ് അധ്യക്ഷത വഹിച്ചു. ടെക്സ്റ്റയില്‍സ്, സുഗന്ധവ്യജ്ഞനങ്ങള്‍, ആഭരണവ്യാപാരം തുടങ്ങി നിരവധി മേഖലകള്‍ ദുബായുമായി അടുത്തബന്ധം പുലര്‍ത്തുന്നതായി അദ്ദേഹം പറഞ്ഞു. ചേംബറിന്റെ പ്രവര്‍ത്തനത്തെ ത്വരിതപ്പെടുത്തുന്നതിനുള്ള മികച്ച നീക്കമായി തൃശൂര്‍ ചേംബര്‍ സെക്രട്ടറിയും എലീറ്റ് ഗ്രൂപ്പ് മാനേജിംഗ് ഡയറക്ടറുമായ ടി.ആര്‍ വിജയകുമാര്‍ ഇതിനെ വിശേഷിപ്പിച്ചു.
ഡെപ്യൂട്ടി കൗണ്‍സില്‍ ജനറല്‍ കെ. മുരളീധരനുമായും സംഘം കൂടിക്കാഴ്ച നടത്തി. സംഘത്തിന് മലബാര്‍ ഗോള്‍ഡ് ആന്റ് ഡയമണ്ട്‌സ് ദുബായ് ഗോള്‍ഡ് ആന്റ് ജുവലറി ഗ്രൂപ്പുമായി ചേര്‍ന്ന് പ്രത്യേക വിരുന്ന് ഒരുക്കി. തൃശൂരിലേക്ക് വ്യാപാരം വ്യാപിപ്പിക്കുന്നതിനായി അദ്ദേഹം ഗോള്‍ഡ് ആന്റ് ജുവലറി ഗ്രൂപ്പ് അംഗങ്ങളെ ക്ഷണിച്ചു.
ഇന്ത്യന്‍ കോണ്‍സുലേറ്റിന്റെയും മലബാര്‍ ഗോള്‍ഡ് ആന്റ് ഡയമണ്ട്‌സിന്റെയും സഹകരണത്തിന് തൃശൂര്‍ ചേംബര്‍ ഓഫ് കൊമേഴ്‌സിന് വേണ്ടി സജീവ് ജോണ്‍ നന്ദി അറിയിച്ചു.

തൃശൂര്‍ ചേംബര്‍ ഓഫ് കൊമേഴ്‌സ് പ്രസിഡണ്ടും കല്യാണ്‍ സില്‍ക്‌സ് ചെയര്‍മാനും മാനേജിങ്ങ് ഡയറക്ടറുമായ ടി.എസ്. പട്ടാഭിരാമന്‍ ദുബായ് ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രി പ്രസിഡണ്ട് എച്ച്.ഇ. അത്തീഖ് നസീബുമായി ദുബായില്‍ ചര്‍ച്ച നടത്തുന്നു. ദുബായ് ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രി ഇന്റര്‍നാഷണല്‍ ഓഫീസസ് ഡയറക്ടര്‍ ഒമര്‍ഖാന്‍, വി.ഒ. സെബാസ്റ്റ്യന്‍ എന്നിവര്‍ സമീപം



Recent News
  'എം.ഐ.സി. മത-ഭൗതിക വിദ്യാഭ്യാസത്തിന്റെ ഉറവിടം'

  കരുണയുടേയും സഹജീവി സ്‌നേഹത്തിന്റെയും വക്താക്കളാവണം-യഹ്‌യ തളങ്കര

  'ബി.ജെ.പി. ഭരണത്തില്‍ ജനാധിപത്യത്തിന് ഭീഷണി'

  ഗസ്സാലി പ്രീമിയര്‍ ലീഗില്‍ ടൈഗേര്‍സ് ഗസ്സാലി ജേതാക്കള്‍

  'അവശത അനുഭവിക്കുന്ന ഉസ്താദുമാരെ സഹായിക്കും'

  പി.സി.എഫ്. കുവൈറ്റ് ഭാരവാഹികള്‍

  അപ്‌നാ ഗല്ലി സോക്കര്‍ ലീഗ് : ഒരാണ്‍ ഫൈറ്റേഴ്‌സ് ജേതാക്കള്‍

  ലോഗോ പ്രകാശനം ചെയ്തു

  'സമൂഹ നന്മക്ക് ഖുര്‍ആന്‍ വഴി കാട്ടി'

  ജാമിഅ സഅദിയ്യ ജിദ്ദ കമ്മിറ്റി ഭാരവാഹികള്‍

  എം.എല്‍.എയുമായി വികസന സംവാദം സംഘടിപ്പിച്ചു

  ഗ്രീന്‍ വോയ്‌സ് അബുദാബി മാധ്യമ പുരസ്‌കാരം കെ.എം. അബ്ബാസിന്

  ബാങ്കോട് ഗള്‍ഫ് ജമാഅത്തിന്റെ പ്രവാസി കുടുംബ സംഗമം ശ്രദ്ധേയമായി

  കെ.എം.സി.സി 'പൊല്‍സോട് പൊല്‍സ്' സംഘടിപ്പിച്ചു

  ഗ്രീന്‍ സ്റ്റാര്‍ പള്ളിപ്പുഴ സോക്കര്‍ ലീഗ് ഗള്‍ഫ് എഡിഷന്‍ സീസണ്‍ 2 എഫ്.സി ദാനത്ത് യു.എ.ഇ. ജേതാക്കള്‍