updated on:2016-11-13 10:58 AM
നോട്ടിനായി ജനം ക്യൂ നില്‍ക്കുമ്പോള്‍ ദുബായിലെ മലയാളിയുടെ കയ്യില്‍ രണ്ട് ലക്ഷം രൂപ

www.utharadesam.com 2016-11-13 10:58 AM,
ദുബായ്: നാട്ടില്‍ നോട്ടിനായി നാട്ടുകാര്‍ നെട്ടോട്ടമോടുമ്പോള്‍ ദുബായിലുള്ള കോഴിക്കോട് നടക്കാവ് സ്വദേശിയായ എം.കെ ലത്തീഫിന്റെ പക്കല്‍ പുതിയ രണ്ട് ലക്ഷം രൂപയുടെ നോട്ടുകള്‍ (2000 രൂപയുടെ നൂറ് നോട്ടുകള്‍).
നാണയ ശേഖരത്തില്‍ കൗതുകമുള്ള ലത്തീഫ് മോഹവില നല്‍കിയാണത്രെ രണ്ടു ലക്ഷം രൂപ സ്വന്തമാക്കിയത്. എത്ര രൂപയാണ് ഇതിന് വേണ്ടി ചെലവഴിച്ചത് എന്ന് മാത്രം അദ്ദേഹം വ്യക്തമാക്കിയില്ല. ഒരാള്‍ക്ക് ദിനംപ്രതി പിന്‍വലിക്കാവുന്ന പണത്തിനും വിദേശത്തേക്കു കൊണ്ടുപോകാനുള്ള പണത്തിനും പരിധികളുണ്ടെന്നിരിക്കെയാണ് 2000 രൂപയുടെ നൂറു നോട്ടുകളുമായി ദുബായില്‍ ലത്തീഫ് താരമായി മാറുന്നത്.
ഇന്ത്യയില്‍ ഏതു നോട്ടിറങ്ങിയാലും ആദ്യം സ്വന്തമാക്കണമെന്നത് ലത്തീഫിന്റെ ഒരു വാശിയാണ്. ദുബായില്‍ ചെറുകിട കച്ചവടക്കാരനായ ഇദ്ദേഹം കഴിഞ്ഞ ദിവസം ഡല്‍ഹിയിലെത്തി സുഹൃത്ത് വഴി നോട്ട് സംഘടിപ്പിച്ച് മുംബൈ വഴി ദുബായില്‍ തിരിച്ചെത്തുകയായിരുന്നു. ഇവ കൈമാറ്റം ചെയ്യാനോ വില്‍പനക്കോ വേണ്ടിയല്ലെന്നും ഇത്രയധികം പുതിയ നോട്ടുകള്‍ സ്വന്തമാക്കുന്ന ആദ്യ മലയാളി എന്ന ഖ്യാതി മാത്രമാണ് ലക്ഷ്യമെന്നും ലത്തീഫ് പറഞ്ഞു.



Recent News
  നോര്‍ക്കാ കാര്‍ഡ് വിതരണം ഊര്‍ജ്ജിതമാക്കണം -കെ.എം.സി.സി

  സൗദിയില്‍ സുരക്ഷാ പരിശോധന ; രണ്ട് ലക്ഷത്തോളം നിയമ ലംഘകര്‍ പിടിയില്‍

  ദുബായ് കെ.എം.സി.സി മാധ്യമ അവാര്‍ഡ് വിതരണം ചെയ്തു

  വേറിട്ട പരിപാടികളുമായി എ.ഇ.സി അലുംമ്‌നി കൂട്ടായ്മ സംഘടിപ്പിക്കുന്നു

  സൗദിഅറേബ്യയില്‍ സിനിമകള്‍ക്ക് അനുമതി നല്‍കുന്നു

  എ.എം ബഷീറിന് ഖത്തറില്‍ സ്വീകരണം നല്‍കി

  ഷാര്‍ജയില്‍ സ്‌നേഹ സന്ധ്യ 15ന്

  പ്രവാസീയം: ലോഗോ പ്രകാശനം ചെയ്തു

  വിശാല മതേതര സഖ്യം അനിവാര്യം -ചെര്‍ക്കളം

  യു.എ.ഇ ദേശീയ ദിനാഘോഷം; ദുബായ് കെ.എം.സി.സി സമ്മേളനം 8ന്

  കാമ്പസ് വിസ്ത-2018 ജനുവരി 12ന്

  കെ.എം അബ്ബാസിന് അവാര്‍ഡ്

  ബെദ്രം പള്ള ജേതാക്കള്‍

  മുസ്ലിം ലീഗ് മലയോര സമ്മേളന പ്രചരണം നടത്തി

  'എന്റെ തളങ്കര' കുടുംബസംഗമം: ലോഗോ പ്രകാശനം ചെയ്തു