updated on:2017-01-03 07:12 PM
കെ.എം.സി.സി യുടെ ഇടപെടല്‍; ജിദ്ദയില്‍ പൊയ്‌നാച്ചി സ്വദേശി ജയില്‍ മോചിതനായി

www.utharadesam.com 2017-01-03 07:12 PM,
ജിദ്ദ : വാഹനാപകടത്തെ തുടര്‍ന്ന് ജിദ്ദയില്‍ ആറു മാസത്തോളമായി ജയിലില്‍ കഴിഞ്ഞിരുന്ന പൊയിനാച്ചി സ്വദേശി മുഹമ്മദ് സഫ്‌റുദ്ദീന് ജയില്‍ മോചിതനായി. നഷ്ട പരിഹാരത്തുക നല്‍കാന്‍ സാധിക്കാത്തതിനെ തുടര്‍ന്നാണ് ജയിലില്‍ കഴിഞ്ഞിരുന്നത്.
ജിദ്ദ കെ.എം.സി.സി കാസര്‍കോട് ജില്ലാ പ്രസിഡണ്ട് ഹസ്സന്‍ ബത്തേരി, ജനറല്‍ സെക്രട്ടറി അബ്ദുല്ല ഹിറ്റാച്ചി, ഉദുമ മണ്ഡലം പ്രസിഡണ്ട് ഹുസൈന്‍ കുറിച്ചിപ്പളളം, ജിദ്ദ മഞ്ചേശ്വരം മണ്ഡലം പ്രസിഡണ്ട് ഇബ്‌റാഹീം എന്നിവര്‍ ദഹ്ബാന്‍ ജയിലിലെത്തി മോചനത്തിനാവശ്യമായ നടപടികള്‍ നടത്തുകയായിരുന്നു. മകന്റെ മോചനത്തിനുളള തുക കണ്ടെത്താന്‍ സര്‍ക്കാരില്‍ നിന്നും ലഭിച്ച മൂന്നു സെന്റ് സ്ഥലവും വീടും വില്‍ക്കാന്‍ സഫ്‌റുദ്ദീന്റെ രക്ഷിതാക്കള്‍ തയ്യാറെടുക്കുന്നതിനിടെയാണ് സംഭവം കെ.എം.സി.സി നേതാക്കള്‍ അറിയുന്നത്. തുടര്‍ന്ന് ജയിലില്‍ ചെന്ന് മോചനത്തിനാവശ്യമായ നടപടികള്‍ സ്വീകരിക്കുകയുമായിരുന്നു.
ജനുവരി 29 നാണ് സഫറു ദ്ദീന്‍ ഡ്രൈവര്‍ ജോലിക്കുളള വിസയില്‍ സൗദിയിലെത്തിയത്. ആദ്യ മാസത്തെ ശമ്പളം കിട്ടിയെന്ന് ഫോണില്‍ അറിയിച്ചെങ്കിലും പിന്നീട് വിവരങ്ങളൊന്നുമുണ്ടായില്ല. രണ്ടു മാസം കഴിഞ്ഞാണ് സഫറുദ്ദീന്‍ ഓടിച്ചിരുന്ന കാര്‍ അപകടത്തില്‍പെട്ടിരുന്നുവെന്നും ഇതേ തുടര്‍ന്ന് പോലീസ് അറസ്റ്റ് ചെയ്ത് ജയിലിലടക്കപ്പെട്ടതായുമുളള വിവരം നാട്ടിലെത്തുന്നത്. സഫറുദ്ദീന്‍ ഓടിച്ചിരുന്ന കാര്‍ മറ്റൊരു കാറില്‍ ഇടിക്കുകയായിരുന്നുവെന്നാണ് വിവരം. സഫറുദ്ദീന്റെ മോചനത്തിന് ഇടപെടണമെന്നാവശ്യപ്പെട്ട് ബന്ധുക്കള്‍ അധികൃതര്‍ക്ക് നിവേദനവും പരാതിയും നല്‍കി കാത്തിരിപ്പ് തുടങ്ങിയിട്ട് മാസങ്ങളായി. മോചന തുക കെ.എം.സി.സി ജിദ്ദ കാസര്‍കോട് ജില്ലാ കമ്മിറ്റിയും ജിദ്ദ ഉദുമ മണ്ഡലം കമ്മിറ്റിയിയും സ്വരൂപിച്ചു നല്‍കുകയായിരുന്നു.



Recent News
  റഹീം മേച്ചേരി പുരസ്‌കാരം റഹ്മാന്‍ താലയങ്ങാടിക്ക്

  ദുബായില്‍ മുഖാമുഖം സംഘടിപ്പിച്ചു

  നേതാക്കള്‍ക്ക് സ്വീകരണവും പ്രചരണ കാമ്പയിനും സംഘടിപ്പിച്ചു

  സമൂഹത്തിലിറങ്ങി ക്രിയാത്മകമായി പ്രതികരിക്കുന്ന തലമുറയാണ് ആവശ്യം-എ. അബ്ദുറഹ്മാന്‍

  എ. അബ്ദുല്‍റഹ്മാന് ദുബായില്‍ സ്വീകരണം

  കെ.എം.സിസി -ഖത്തര്‍ മൊഗ്രാല്‍ പുത്തൂര്‍ പഞ്ചായത്ത് കമ്മിറ്റിയുടെ അഹ്‌ലന്‍ റമദാന്‍ ക്യാമ്പ് മെയ് 16 മുതല്‍

  അതിഞ്ഞാല്‍ സോക്കര്‍ ലീഗ്; സംഘാടക സമിതി രൂപീകരിച്ചു

  ഖത്തര്‍ കെ.എം.സി.സി മഞ്ചേശ്വരം മണ്ഡലം കമ്മിറ്റി

  അഷ്‌റഫ് പാക്യാരക്ക് യാത്രയപ്പ് നല്‍കി

  എം.എം.പി.എല്‍ സീസണ്‍ 2; മംഗല്‍പാടി ഫൈറ്റേര്‍സ് ജേതാക്കള്‍

  റിയാദില്‍ വിഷ ഉറുമ്ബിന്റെ കടിയേറ്റ് മലയാളി യുവതി മരിച്ചു

  ദേശീയ വോളിഫെസ്റ്റ് 22 മുതല്‍

  'ഫാസിസത്തെ നേരിടാന്‍ മതേതര ശാക്തീകരണം അനിവാര്യം'

  കെ.എം.സി.സി കുടുംബ സംഗമം 13ന്

  അബുദാബി-മഞ്ചേശ്വരം മണ്ഡലം കെ.എം.സി.സി ദശ വാര്‍ഷികാഘോഷം 19ന്