updated on:2017-07-03 08:26 PM
അഷ്‌റഫ് താമരശ്ശേരിയുടെ മനുഷ്യ സ്‌നേഹം അളക്കാന്‍ അളവു കോലുകളില്ല-യഹ്‌യ തളങ്കര

www.utharadesam.com 2017-07-03 08:26 PM,
ദുബായ്: മനുഷ്യ മനസ്സുകളില്‍ വിദ്വേഷവും പരസ്പരം വൈര്യവും അക്രമവാസനയും ഏറുമ്പോള്‍ മനുഷ്യ സ്‌നേഹം കൊണ്ട് മാത്രം പരേതര്‍ക്കായ് ജീവിതം നീക്കിവെച്ച ഒരു ജന്മം അതു അഷറഫ് താമരശ്ശേരിയാണെന്നും ഇദ്ദേഹത്തിന്റെ മനുഷ്യസ്‌നേഹം അളക്കാനുള്ള അളവു കോലുകള്‍ ലോകവസാനം വരേയും കണ്ടുപിടിക്കാനാവാത്തതാണെന്നും ഗള്‍ഫ് വ്യവസായിയും ജീവകാരുണ്യ പ്രവര്‍ത്തകനും യു.എ.ഇ കെ. എം.സി.സിയുടെ ഉപദേശക സമിതി വൈസ് ചെയര്‍മാനുമായ യഹ്‌യ തളങ്കര അഭിപ്രായപ്പെട്ടു.
ദുബായ് കെ.എം.സി.സി കാസര്‍കോട് മണ്ഡലം കമ്മിറ്റി സംഘടിപ്പിച്ച ചടങ്ങില്‍ പ്രവാസ്ഭാരതി അവാര്‍ഡ് ജേതാവും സാമൂഹിക പ്രവര്‍ത്തകനുമായ അഷറഫ് താമരശ്ശേരിക്ക് മണ്ഡലം കമ്മിറ്റിയുടെ സ്‌നേഹോപഹാരം സമ്മാനിച്ചു കൊണ്ട് സംസാരിക്കുകയായിരുന്നു അദ്ദേഹം. ജാതിയുടേയും മതത്തിന്റെയും പേരില്‍ മനുഷ്യനെ പച്ചയ്ക്ക് ചുട്ടുകൊല്ലുകയും പച്ചമാംസത്തിലേക്ക് കഠാര കുത്തിയിറക്കുകയും പ്രതികരിക്കേണ്ട പൊതു സമൂഹം മൗനിയായി നിലകൊള്ളുകയും ചെയ്യുന്ന ഈ കാലത്ത് യു.എ. ഇയില്‍ മരണപ്പെടുന്ന ആളുകളുടെ മൃതദേഹങ്ങള്‍ നാട്ടിലെത്തിക്കാനുള്ള രേഖകള്‍ ശരിയാക്കാന്‍ ഓടി നടക്കുകയും ജാതിയോ മതമോ ദേശ-ഭാഷയോ നോക്കാതെയും പ്രതിഫലം വാങ്ങാതെയും പ്രവര്‍ത്തിക്കുകയും ചെയ്യുന്ന, പരേതര്‍ക്കൊരാളായ് ജീവിക്കുന്ന അഷറഫ് താമരശ്ശേരി ഒരത്ഭുതം തന്നേയാണെന്നും അദ്ദേഹം പറഞ്ഞു.
പ്രസിഡണ്ട്് സലാം കന്യപ്പാടി അധ്യക്ഷത വഹിച്ചു. ജനറല്‍ സെക്രട്ടറി പി.ഡി നൂറുദ്ദീന്‍ ആറാട്ടുകടവ് സ്വാഗതം പറഞ്ഞു. ദുബായ് കെ.എം.സി.സി പ്രസിഡണ്ട് പി.കെ അന്‍വര്‍ നഹ, ജനറല്‍ സെക്രട്ടറി ഇബ്രാഹിം മുറിച്ചാണ്ടി, ഇന്‍കാസ് ദുബായ് സ്റ്റേറ്റ് പ്രസിഡണ്ട് എന്‍.ആര്‍ മാഹിന്‍, മാധ്യമ പ്രവര്‍ത്തകനും ഏഷ്യാനെറ്റ് റേഡിയോ പ്രോഗ്രാം ഡയറക്ടര്‍ രമേശ് പയ്യന്നൂര്‍, പ്രവാസി ഭാരതീയ അവാര്‍ഡ് ജേതാവ് അഷ്‌റഫ് താമരശ്ശേരി, കെ.എം.സി.സി വൈസ് പ്രസിഡണ്ട് ഹസൈനാര്‍ തോട്ടുംഭാഗം, സെക്രട്ടറി ഒ.കെ ഇബ്രാഹിം, യൂത്ത് ലീഗ് ജില്ലാ പ്രസിഡണ്ട് അഷ്‌റഫ് എടനീര്‍, ഖലീലുറഹ്മാന്‍ കാഷിഫി, അബ്ദുല്‍ ഖാദര്‍ അസ്ഹദി, ഹംസ തോട്ടി, അബ്ദുല്ല ആറങ്ങാടി, കെ.പി.കെ തങ്ങള്‍, നിസാം കൊല്ലം, സഹീര്‍ കൊല്ലം, പി.വി നാസര്‍, സി.എച്ച് നൂറുദ്ദീന്‍, ഹനീഫ് ടി,ആര്‍, നൗഷാദ് കന്യപ്പാടി, അയ്യൂബ് ഉറുമി, മുനീര്‍ ബന്താട്, യൂസുഫ് മുക്കൂട്, എ.ജി.എ റഹ്മാന്‍, സലിം ചെരങ്ങായി, ഇ.ബി അഹമദ്, ഐ.പി.എം ഇബ്രാഹിം, അസീസ് കമാലിയ, സത്താര്‍ ആലമ്പാടി, സിദ്ദീഖ് ചൗക്കി, കരീം മൊഗര്‍, മുനീഫ് ബദിയടുക്ക പ്രസംഗിച്ചു. ദുബായ് കെ.എം.സി.സി കാസര്‍കോട് മണ്ഡലം ട്രഷറര്‍ ഫൈസല്‍ പട്ടേല്‍ നന്ദി പറഞ്ഞു.



Recent News
  കെ.എം.സി.സി ജിദ്ദ മഞ്ചേശ്വരം മണ്ഡലം ഹജ്ജ് വളണ്ടിയര്‍ സംഗമം

  നജ്മ ഹജ്ജ് പഠന ക്ലാസ് ഉദ്ഘാടനം

  'ഹൃദയ ധമനികളിലെ ബ്ലോക്കുകള്‍ മരണ വാറണ്ടുകളല്ല'

  ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും

  ഗാനഗന്ധര്‍വ്വന്റെ സ്വരമാധുരിയില്‍ തിളങ്ങുന്ന രതീഷിന് ഷാര്‍ജയിലും വരവേല്‍പ്പ്

  മക്കാ കാസര്‍കോട് ഐക്യവേദിയുടെ ലോഗോ പ്രകാശനം ചെയ്തു

  ശിഫായത്ത് റഹ്മ: രണ്ടുപേര്‍ക്ക് കൂടി സാന്ത്വനം നല്‍കി

  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി