updated on:2017-07-11 03:42 PM
'മംഗല്‍പാടി സി.എച്ച്.സി ആസ്പത്രിയില്‍ മുഴുവന്‍ സമയ ഐ.പി സേവനം ലഭ്യമാക്കണം'

www.utharadesam.com 2017-07-11 03:42 PM,
ദുബായ്: മംഗല്‍പാടി സി.എച്ച്.സി ആസ്പത്രിയില്‍ മുഴുവന്‍ സമയ ഐ.പി സേവനം ലഭ്യമാക്കണമെന്ന് ദുബായ് കെ.എം.സി.സി മഞ്ചേശ്വരം മണ്ഡലം കമ്മിറ്റി ആവശ്യപ്പെട്ടു. ആവശ്യത്തിന് ഡോക്ടര്‍മാരെയും ജീവനക്കാരെയും നിയമിക്കാത്തതും, കിടത്തി ചികിത്സ ലഭ്യമാക്കാത്തതും മൂലം മംഗല്‍പാടി സാമൂഹികാരോഗ്യ കേന്ദ്രത്തിലെത്തുന്ന രോഗികള്‍ പ്രയാസം അനുഭവിക്കുന്നതായും ഇതിന് ശാശ്വത പരിഹാരം ആവശ്യപ്പെട്ട് സംസ്ഥാന ആരോഗ്യ മന്ത്രിക്ക് പരാതി നല്‍കുമെന്നും ഭാരവാഹികള്‍ അറിയിച്ചു. ജില്ലയില്‍ കാഞ്ഞങ്ങാട് ജില്ലാ ആസ്പത്രി കഴിഞ്ഞാല്‍ ഏറ്റവും കൂടുതല്‍ രോഗികള്‍ ആശ്രയിക്കുന്ന സര്‍ക്കാര്‍ ആസ്പത്രിയാണ് മംഗല്‍പാടി സി.എച്ച്.സി. ദിവസവും എണ്ണൂറോളം രോഗികളാണ് ഇവിടെ ചികിത്സക്കെത്തുന്നത്.
എന്നാല്‍ മെഡിക്കല്‍ ഓഫീസറും രണ്ടു താല്‍കാലിക ഡോക്ടര്‍മാരും മാത്രമാണ് ഇവിടെ നിലവിലുള്ളത്. മഴക്കാലമായതോടെ പനി വര്‍ധിക്കുകയും, രോഗികളുടെ എണ്ണം ക്രമാതീതമായി ഉയരുകയും ചെയ്‌തെങ്കിലും മംഗല്‍പാടി ആസ്പത്രിയില്‍ അടിസ്ഥാന സൗകര്യങ്ങള്‍ പോലും ക്രമീകരിക്കാന്‍ ഇടത് സര്‍ക്കാരിന് സാധിച്ചിട്ടില്ല. നേരത്തെ യു.ഡി.എഫ് മന്ത്രിസഭാകാലത്ത് മെഡിക്കല്‍ ഓഫീസര്‍ അടക്കം നാല് സ്ഥിരം ഡോക്ടര്‍മാരാണ് ഇവിടെ ഉണ്ടായിരുന്നത്. യു.ഡി.എഫ് കാലത്ത് വൈകിട്ട് ആറുമണിവരെ കിടത്തി ചികിത്സ ഉണ്ടായിരുന്നെങ്കിലും ഇപ്പോള്‍ ഉച്ചക്ക് രണ്ടു മണിവരെയാണ് ഇവിടെ സേവനം ലഭിക്കുന്നത്. ഐ.പി സേവനം പൂര്‍ണമായും ഒഴിവാക്കിയ നിലയിലാണ്. മഞ്ചേശ്വരം താലൂക്കില്‍ തന്നെ പോസ്റ്റുമോര്‍ട്ടം നിലവിലുള്ളത് മംഗലപാടിയിലാണ്.എന്നാല്‍ ഉച്ചക്ക് ശേഷം ഡോക്ടര്‍മാര്‍ ഇല്ലാത്തതിനാല്‍ മൃതദേഹം ഒരുദിവസം മുഴുവനും മോര്‍ച്ചറിയില്‍ വെക്കേണ്ട അവസ്ഥയാണ്. യോഗത്തില്‍ പ്രസിഡണ്ട് അയ്യൂബ് ഉറുമി, ജനറല്‍ സെക്രട്ടറി ഡോ. ഇസ്മായില്‍ മൊഗ്രാല്‍, സഹഭാരവാഹികളായ അബ്ദുല്‍ റഹ്മാന്‍ മള്ളങ്കൈ, മന്‍സൂര്‍ മര്‍ത്യ, സൈഫുദ്ദീന്‍ മൊഗ്രാല്‍, അഷ്‌റഫ് ബായാര്‍, സുബൈര്‍ കുബണൂര്‍ എന്നിവര്‍ സംബന്ധിച്ചു.



Recent News
  കെ.എം.സി.സി ജിദ്ദ മഞ്ചേശ്വരം മണ്ഡലം ഹജ്ജ് വളണ്ടിയര്‍ സംഗമം

  നജ്മ ഹജ്ജ് പഠന ക്ലാസ് ഉദ്ഘാടനം

  'ഹൃദയ ധമനികളിലെ ബ്ലോക്കുകള്‍ മരണ വാറണ്ടുകളല്ല'

  ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും

  ഗാനഗന്ധര്‍വ്വന്റെ സ്വരമാധുരിയില്‍ തിളങ്ങുന്ന രതീഷിന് ഷാര്‍ജയിലും വരവേല്‍പ്പ്

  മക്കാ കാസര്‍കോട് ഐക്യവേദിയുടെ ലോഗോ പ്രകാശനം ചെയ്തു

  ശിഫായത്ത് റഹ്മ: രണ്ടുപേര്‍ക്ക് കൂടി സാന്ത്വനം നല്‍കി

  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി