updated on:2017-10-02 07:54 PM
ഉബൈദ് പ്രബുദ്ധ സമൂഹത്തെ സൃഷ്ടിക്കാന്‍ പ്രയത്‌നിച്ച വിപ്ലവകാരി -സി.പി.സൈതലവി

www.utharadesam.com 2017-10-02 07:54 PM,
റിയാദ്: സമൂഹത്തെ പ്രബുദ്ധമാക്കുന്നതില്‍ പ്രമുഖ പങ്ക് വഹിച്ച കവിയും ചിന്തകനും ബഹുഭാഷാ പണ്ഡിതനുമായിരുന്ന ടി. ഉബൈദ്, സത്യം ആരുടെ മുഖത്ത് നോക്കിയും പറയുവാനുള്ള സ്വാതന്ത്രത്തിന് വേണ്ടി ധീരമായി പോരാടിയ വിപ്ലവകാരിയായിരുന്നുവെന്ന് ചന്ദ്രിക ചീഫ് എഡിറ്റര്‍ സി.പി സൈതലവി അഭിപ്രായപ്പെട്ടു. മാപ്പിളപ്പാട്ടുകളെ മലയാള സാഹിത്യത്തിന്റെ മുഖ്യധാരയിലേക്ക് കൊണ്ട് വന്ന അദ്ദേഹം കേവലം കാസര്‍കോട്ടുകാരുടെ മാത്രം കവിയായിരുന്നില്ല. 1947 ല്‍ കേരള സാഹിത്യ പരിഷത്ത് സമ്മേളനത്തില്‍ ഉബൈദ് സാഹിബ് നടത്തിയ പ്രൗഡഗംഭീരമായ പ്രസംഗമാണ് മോയിന്‍ കുട്ടി വൈദ്യരെ, മഹാകവി മോയിന്‍ കുട്ടി വൈദ്യരായി സാഹിത്യ കേരളം അംഗീകരിക്കാന്‍ കാരണമായി തീര്‍ന്നത്, അദ്ദേഹം പറഞ്ഞു. ജില്ലാ കെ.എം.സി.സി പുനഃപ്രസിദ്ധീകരിച്ച ഇബ്രാഹിം ബേവിഞ്ചയുടെ 'ഉബൈദിന്റെ കവിതാ ലോകം' എന്ന പുസ്തകത്തിന്റെ ഗള്‍ഫ് തല പ്രകാശനകര്‍മ്മം കേരള സ്റ്റേറ്റ് എം.എസ്.എഫ് മുന്‍ പ്രസിഡണ്ട് സുഫ്യാന്‍ അബ്ദുസ്സലാമിന് നല്‍കി നിര്‍വഹിച്ച് സംസാരിക്കുകയായിരുന്നു അദ്ദേഹം. റിയാദ് കെ.എം.സി.സി സെന്‍ട്രല്‍ കമ്മിറ്റി പ്രസിഡണ്ട് സി.പി മുസ്തഫ അധ്യക്ഷത വഹിച്ചു. ജലീല്‍ തിരൂര്‍ സ്വാഗതം പറഞ്ഞു. ഉദിനൂര്‍ മുഹമ്മദ് കുഞ്ഞി 'ഉബൈദിന്റെ കവിതാ ലോകം' പുസ്തകം പരിചയപ്പെടുത്തി. ഉബൈദ് കവിതകളുടെ സൗന്ദര്യ ശാസ്ത്രപഠന സമാഹാരമായ ഇബ്രാഹിം ബേവിഞ്ചയുടെ 'ഉബൈദിന്റെ കവിതാ ലോകം' രചനാ സൗകുമാര്യത്തിന്റെ എല്ലാ അഴകും വിടര്‍ന്നു നില്കുന്ന ഒരു കൃതിയാണെന്നും സൈതലവി അഭിപ്രായപ്പെട്ടു. അബ്ദുല്‍സ്സലാം തൃക്കരിപ്പൂര്‍, കെ.പി.മുഹമ്മദ് കളപ്പാറ, ടി.വി.പി.ഖാലിദ്, ഉസ്മാനലി പാലത്തിങ്കല്‍, അബ്ദുല്‍ അസീസ് തൃക്കരിപ്പൂര്‍, മുജീബ് ഉപ്പട, സുബൈര്‍ അരിമ്പ്ര, മാമുക്കോയ ഒറ്റപ്പാലം, നാസര്‍ വിളത്തൂര്‍, ഇസ്മായില്‍ കാരോളം, തേനുങ്ങല്‍ അഹമ്മദ് കുട്ടി, അഡ്വ. അനീര്‍ ബാബു, അഷ്‌റഫ് കല്‍പകഞ്ചേരി, നൗഷാദ് കട്ടുപ്പാറ, ബഷീര്‍ ചേറ്റുവ, മൂസക്കോയ തറമ്മല്‍ സംബന്ധിച്ചു.



Recent News
  കെ.എം.സി.സി ജിദ്ദ മഞ്ചേശ്വരം മണ്ഡലം ഹജ്ജ് വളണ്ടിയര്‍ സംഗമം

  നജ്മ ഹജ്ജ് പഠന ക്ലാസ് ഉദ്ഘാടനം

  'ഹൃദയ ധമനികളിലെ ബ്ലോക്കുകള്‍ മരണ വാറണ്ടുകളല്ല'

  ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും

  ഗാനഗന്ധര്‍വ്വന്റെ സ്വരമാധുരിയില്‍ തിളങ്ങുന്ന രതീഷിന് ഷാര്‍ജയിലും വരവേല്‍പ്പ്

  മക്കാ കാസര്‍കോട് ഐക്യവേദിയുടെ ലോഗോ പ്രകാശനം ചെയ്തു

  ശിഫായത്ത് റഹ്മ: രണ്ടുപേര്‍ക്ക് കൂടി സാന്ത്വനം നല്‍കി

  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി