updated on:2017-10-03 06:54 PM
കുവൈത്തില്‍ കാസര്‍കോട് ഉത്സവ്-17 ആറിന്

www.utharadesam.com 2017-10-03 06:54 PM,
കുവൈറ്റ്: കാസര്‍കോട് എക്‌സ്പാട്രിയേറ്റ്‌സ് അസോസിയേഷന്‍ 13-ാം വാര്‍ഷികം ബദര്‍ അല്‍സമ കാസര്‍കോട് ഉത്സവ് 2017 6ന് രാവിലെ 10 മണി മുതല്‍ അബ്ബാസിയ ഇന്റഗ്രേറ്റഡ് സ്‌കൂളില്‍ നടത്തും.
എന്‍ഡോസള്‍ഫാന്‍ ദുരിത ബാധിതര്‍ക്ക് വേണ്ടി നല്‍കിയ സഹായ പദ്ധതി കഴിഞ്ഞ പത്താം വാര്‍ഷികത്തിന്റെ ഭാഗമായി നടപ്പിലാക്കിയ നമുക്കും നല്‍കാം ഒരു നേരത്തെ ഭക്ഷണത്തിന്റെ ഭാഗമായി നൂറോളം കുടുംബങ്ങള്‍ക്കുള്ള ഒരു വര്‍ഷത്തെ റേഷന്‍ സംവിധാനം, നാട്ടിലെ രോഗികളെ സഹായിക്കല്‍ തുടങ്ങിയവ പ്രധാനപ്പെട്ട പ്രവര്‍ത്തനങ്ങളില്‍ പെടുന്നു.
പത്താം ക്ലാസ്സിലും പന്ത്രണ്ടാം ക്ലസ്സിലും ഉന്നത വിജയം നേടിയ മെമ്പര്‍മാരുടെ മക്കള്‍ക്ക് കാഷ് അവാര്‍ഡും ട്രോഫിയും കഴിഞ്ഞ രണ്ടു വര്‍ഷമായി നല്‍കി വരികയാണ്.
അംഗങ്ങളില്‍ ആരെങ്കിലും മരിക്കുകയാണെങ്കില്‍ അവരുടെ കുടുംബത്തെ സഹായിക്കുന്നതിന് സുരക്ഷാ ഫണ്ട്, രോഗികളായ മെമ്പര്‍മാര്‍ക്ക് സാമ്പത്തിക സഹായം, പ്രവര്‍ത്തകര്‍ക്ക് ലോണ്‍ സംവിധാനം തുടങ്ങിയ പ്രവര്‍ത്തനങ്ങളും നടത്തി വരുന്നു.
ഈ വര്‍ഷം കാഞ്ഞങ്ങാട്, കാസര്‍കോട് ഗവ.ആസ്പത്രികളിലെ മോര്‍ച്ചറികളിലേക്ക് മൊബൈല്‍ ഫ്രീസര്‍ സംവിധാനം നല്‍കാനും തിരഞ്ഞെടുക്കപ്പെട്ട ബഡ്‌സ് സ്‌കൂളുകള്‍ക്ക് അടിസ്ഥാന സൗകര്യം മെച്ചപ്പെടുത്തുന്നതിനും വേണ്ടിയുള്ള പദ്ധതിയാണ് ബദര്‍ അല്‍ സമ കാസര്‍കോട് ഉത്സവ് 2017ലൂടെ മുമ്പോട്ട് വെക്കുന്നത്.
ഇതിന്റെ പ്രചരണാര്‍ത്ഥം നാട്ടില്‍ പ്രശസ്ത പിന്നണി ഗായകരായ അന്‍വര്‍ സാദാത്, ബാഹുബലി ഫെയിം നയന നായര്‍ എന്നിവര്‍ നയിക്കുന്ന സംഗീത സന്ധ്യ, നര്‍ത്തകി ദീപ സന്തോഷ് മംഗളൂര്‍ അവതരിപ്പിക്കുന്ന ഭരതനാട്യം കുവൈറ്റിലെ കലാകാരന്മാരുടെ ഒപ്പന, തിരുവാതിരക്കളി, ഡാന്‍സ് കാസര്‍കോട് ബാന്‍ഡ് അവതരിപ്പിക്കുന്ന ഗാനമേള തുടങ്ങിയവ അരങ്ങേറും.
രാവിലെ 10 മണിക്ക് പൂക്കള മത്സരം നടക്കും. 12 മണി മുതല്‍ പായസ മത്സരം, 5 മണിക്ക് മൈലാഞ്ചി ഇടല്‍ മത്സരം. 6 മണിക്ക് നടക്കുന്ന സാംസ്‌കാരിക സമ്മേളനം ഇന്ത്യന്‍ എംബസി പ്രതിനിധി ഉദ്ഘാടനം ചെയ്യും. കാസര്‍കോട് ജില്ലയിലെ ജീവ കാരുണ്യ പ്രവര്‍ത്തന രംഗത്ത് സജീവ സാന്നിധ്യമായ ലത്തീഫ് ഉപ്പളയെ ആദരിക്കും.
കെ.ഇ.എ ചെയര്‍മാന്‍ എഞ്ചിനീയര്‍ അബൂബക്കര്‍, പ്രസിഡണ്ട് അനില്‍ കള്ളാര്‍, ജനറല്‍ സെക്രട്ടറി മുഹമ്മദ് കുഞ്ഞി, ബദര്‍ അല്‍ സമ മെഡിക്കല്‍ സെന്റര്‍ അസോസിയേറ്റ്‌സ് ഇന്‍ കുവൈറ്റ് അഷ്‌റഫ് അയ്യൂര്‍, കെ.ഇ.എ വൈസ് ചെയര്‍മാന്‍ സലാം കളനാട്, കാസര്‍കോട് ഉത്സവ് 2017 ചെയര്‍മാന്‍ സത്താര്‍ കുന്നില്‍, കണ്‍വീനര്‍ നാസര്‍ പി.എ, ജോയിന്റ് കണ്‍വീനര്‍മാരായ നളിനാക്ഷന്‍, നാസര്‍ ചുള്ളിക്കര, നൗഷാദ് തിടില്‍, മീഡിയ കണ്‍വീനര്‍ സമീഉല്ല കെ.വി എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.



Recent News
  കെ.എം.സി.സി ജിദ്ദ മഞ്ചേശ്വരം മണ്ഡലം ഹജ്ജ് വളണ്ടിയര്‍ സംഗമം

  നജ്മ ഹജ്ജ് പഠന ക്ലാസ് ഉദ്ഘാടനം

  'ഹൃദയ ധമനികളിലെ ബ്ലോക്കുകള്‍ മരണ വാറണ്ടുകളല്ല'

  ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും

  ഗാനഗന്ധര്‍വ്വന്റെ സ്വരമാധുരിയില്‍ തിളങ്ങുന്ന രതീഷിന് ഷാര്‍ജയിലും വരവേല്‍പ്പ്

  മക്കാ കാസര്‍കോട് ഐക്യവേദിയുടെ ലോഗോ പ്രകാശനം ചെയ്തു

  ശിഫായത്ത് റഹ്മ: രണ്ടുപേര്‍ക്ക് കൂടി സാന്ത്വനം നല്‍കി

  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി